بسم الله الرحمن الرحيم

Қозоғистонда автобус ёнғинида ҳалок бўлганлар оила аъзолари ва яқинларига таъзия

Қозоғистоннинг “Казинформ” ахборот агентлигининг хабар беришича 18 январь куни Қозоғистоннинг Ақтўбе вилояти Ирғиз тумани ҳудудидан ўтувчи «Самара-Чимкент» автомобил йўлининг 1068 километрида Калибой аҳоли яшаш пунктидан 10 км узоқликда йўловчи автобус ёниб кетди. Setra русумли автобус бошқа транспорт воситаси билан тўқнашмаган, ҳаракатланаётган вақтида аланга олган. Автобус ҳали йўлнинг ярмида эди.

Автобус ўзбекистонлик меҳнат муҳожирларини Қозоғистон жанубидаги Чимкент шаҳридан Россиянинг Қозон шаҳрига олиб кетаётган эди. Ушбу автобусда жами 57 киши бўлган, фақат 5 киши ундан чиқаолган, қолган 52 киши ҳалок бўлган.

Ўзбекистон Республикаси Фавқулодда вазиятлар вазирлиги мазкур фожиада қурбон бўлганларнинг бирламчи рўйхатини эълон қилди. Ҳозирга келиб 31 кишининг шахси аниқланган. Рўйхатдагиларнинг деярли барчаси Наманган вилоятидан бўлишган.

Шу ўринда биз Ҳизб ут – Таҳрирнинг Ўзбекистондаги медиа офиси ходимлари жамоамиз номидан ҳалол ризқ топаман деб йўл олиб, мусофирликда вафот топган 52 нафар Наманганлик диндошларимизнинг оила аъзолари ва яқинларига таъзиямизни изҳор қиламиз. Аллоҳ Азза ва Жалладан уларнинг гуноҳларини мағфират қилишини ва барча солиҳ амалларини ўзларининг фойдасига хужжат бўлишини сўраб қоламиз. Уларнинг ота-оналарига, аёлларига, фарзандларига ва барча яқинларига сабру жамил ато этишини сўраб қоламиз.

الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ

“Бирор мусибат келганда: “Албатта биз Аллоҳнинг (бандаларимиз) ва албатта биз у зотга қайтгувчилармиз”, дейдиган сабрлиларга ҳушхабар беринг”. (Бақара. 156)

Ҳизб ут-Таҳрирнинг Ўзбекистондаги медиа офиси.

18.01.2018й