بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Озод этилган ҳудудларда ўтказилаётган намойишлар сабрли қўзғолон аҳли юрагида қўзғолон олови ўчмаганини кўрсатмоқда

Ҳизб ут-Таҳрир – Сурия вилояти матбуот бўлими нашр қилган матбуот баёнотида – озод этилган ҳудудларда ўтказилаётган кўп сонли намойишлар сабрли Шом аҳли юрагида қўзғолон олови ўчмай, ҳамон ловуллаб ёнаётганини ҳамда қўзғолончиларнинг улуғвор қоялар мисол собит турганини кўрсатмоқда, дейилади. Шунингдек, баёнотда қўзғолон аҳли аввал йўл қўйилган ўлдирувчи хатоларни такрорлашдан огоҳлантирилиб, Сурия майдонида ҳаракат қилаётган давлатлар манфаатига гаров қилиб қўювчи ҳар қандай қарорни қабул қилишдан қаттиқ огоҳлантирилган.

Баёнотда яна бундай дейилади: Халқ ҳаракати қайта бошланиши учун, аввало, бу ҳаракат ўзига адашишдан ҳимоя қилувчи қўрғон қуриб олмоғи лозим. Акс ҳолда, Шом аҳли берган шунча қурбонликлар беҳуда кетади. Ушбу қўрғон эса, инсонларни ўз атрофига бирлаштирадиган ва уларнинг ақидасидан балқиб чиққан ва муҳосаба ҳам шу асосда бўладиган аниқ-тиниқ лойиҳа билан қурилади. Шунингдек, ҳаракатлар учун сиёсий онгли ва холис ниятли етакчилик ҳам бўлмоғи даркор. Зеро, бундай етакчилик ҳаракатларни ўз ғоясига етишига сабаб бўлувчи фаолиятлар сари ундайди. Бундан ташқари, қўзғолон режимни башараларию таянчлари билан қўшиб ағдариш ва қўллаб-қувватловини иддао қилаётган давлатлар билан алоқани узишдек, ўзининг олис йўлида сайқалланиб турувчи ўзгармас асосларини ҳам маҳкам ушламоғи ва шуларнинг барчасидан кўзланган мақсади Пайғамбарлик минҳожи асосидаги рошид Халифалик давлатини барпо этиш бўлмоғи лозим.

Баёнот бундай сўзлар билан хотималанади: «Албатта, кофир давлатлар Шомнинг сабрли аҳли ва уларнинг қўзғолонига қарши жуда ёмон макр қилишмоқда. Шунинг учун айни макр-ҳийлаларга алданиб қолмаслик учун ўзимизни эҳтиёт қўрғонига олмоғимиз ва Аллоҳнинг арқонини маҳкам ушлаб, Унинг Ўзига таваккул қилиб, мустаҳкам арконига суянмоғимиз зарур. Фақат шу билангина нажот топамиз, фақат шу билангина халос бўлиб, нусрат қучамиз.

Роя газетасининг 2018 йил 19 сентябр чоршанба кунги 200-сонидан