Ғарбнинг никоҳ ва ахлоққа қарши мафкуравий уруши

بِسْمِ اللهِ الرَّحْمٰنِ الرَّحِيمِ

Бугунги кунда мусулмон оиласи Ғарбнинг либерал мафкураси томонидан илгари сурилаётган энг хатарли ҳужумлар марказида турипти. Ғарб стратеглари яхши англайдики, Ислом Умматини қурол билан енгиб бўлмаса-да, унинг ақидасини йўқ қилиш учун аввало оила қўрғонини ичкаридан емириш лозим. Шу сабабли, “гендер тенглиги”, “аёллар ҳуқуқларини ҳимоя қилиш” ва “замонавий оила” каби ниқобланган шиорлар остида мусулмон халқларининг Ижтимо низомига тизимли равишда болта урилмоқда. БМТнинг Хотин-қизларни камситишга барҳам бериш қўмитаси (CEDAW) ва “ЮНИСЕФ” каби ташкилотлар мусулмон ўлкаларига “оилавий зўравонликка қарши кураш” ниқоби остида эркакнинг раҳбарлик мақомини йўқ қилиш бўйича қатъий талабларни қўймоқда. Бунинг амалий ифодаси сифатида, Ўзбекистонда қабул қилинган ва кейинчалик кенгайтирилган “Хотин-қизларни тазйиқ ва зўравонликдан ҳимоя қилиш тўғрисида”ги қонуннинг мазмун-моҳиятини кўриб чиқишнинг ўзи кифоя. Ушбу қонунчиликда “иқтисодий зўравонлик” ёки “руҳий тазйиқ” каби тушунчалар шу қадар ноаниқ ва кенг талқин қилинадики, натижада эркакнинг оиладаги табиий тарбиявий ва назорат функциялари жиноят даражасига кўтарилмоқда.

Ўзбекистон Республикаси Олий суди томонидан тақдим этилган сўнгги маълумотлар жамиятнинг энг муҳим бўғини бўлмиш оила институти чуқур инқирозга юз тутаётганини кўрсатмоқда. Олий суд раисининг биринчи ўринбосари Алишер Усмоновнинг таъкидлашича, фуқаролик ишлари бўйича судларда оилавий низолар сони йилдан-йилга кескин кўпайиб бормоқда. Хусусан, 2024 йилда 119 мингта оилавий низо кўрилган бўлса, 2025 йилга келиб бу кўрсаткич 134 мингдан ошган. Бу шуни англатадики, бир йил ичида оилавий низолар 12 фоизга ортган. Бундан ташқари, 2025 йил давомида судлар томонидан жами 4 миллиондан ортиқ турли ишлар кўрилгани жамиятдаги умумий зиддиятли муҳитнинг нақадар кенг кўламли эканидан далолат беради. Оилавий низоларнинг бундай шиддат билан кўпайиши Ғарбнинг оила институтига суқилиб кирган “либерал ва демократик ислоҳот”лари оқибатидир. Чунки бу “ислоҳот”лар эр ва хотин ўртасидаги азалий шаръий мувозанатни бузиб, уларни бир-бирига рақиб қилиб қўймоқда.

Ғарбнинг бу мафкуравий ҳужумида энг катта жиноят – эркак ва аёлнинг оиладаги табиий ўрнини қасддан аралаштириб-чалкаштириб юборишдир. Капиталистик демократия тузуми учун инсон фақатгина “ишчи кучи” ва “истеъмолчи”дир. Аёл кишининг асосан Уммат учун соғлом ва солиҳ авлод тарбиялаши капитализм учун “иқтисодий исроф” бўлиб кўринади. Ғарб мафкурачиларидан бири, феминизм асосчиси Симона де Бовуар ўз вақтида: “Аёл кишига уйда ўтириш ва бола тарбиялаш ҳуқуқини бермаслик керак. Агар бу танлов мавжуд бўлса, жуда кўп аёллар айнан шуни танлашади ва бу уларни ижтимоий меҳнатдан тўсади” деб очиқ эътироф этган эди. Бунинг натижасини Ғарб жамиятларидаги оила институтининг вайрон бўлганида яққол кўриш мумкин. Евростат (Eurostat) маълумотларига кўра, Европа Иттифоқида туғилаётган болаларнинг 42 фоизи никоҳсиз туғилган бўлса, Францияда бу кўрсаткич 62 фоиздан, Исландияда эса 70 фоиздан ошиб кетган. Бу рақамлар оила институтининг батамом емирилгани ва жамиятнинг ахлоқий инқирозидан далолат беради. Ғарб экспертлари мусулмон оиласига “эркинлик” ва “мустақиллик” ваъда қилар экан, аслида бизни мана шундай маънавий вайроналикка ва ёлғиз оналар жамиятига етакламоқда.

Техник жиҳатдан бу ҳужум “ҳимоя ордерлари” ва турли грантлар асосида ишлайдиган “социологлар” тизими орқали амалга оширилмоқда. Мазкур механизм оиладаги ҳар қандай ички келишмовчиликни давлат ва халқаро ташкилотлар назоратига ўтказиш орқали эр ва хотин ўртасидаги ишонч кўпригини вайрон қилади. Ғарбнинг мақсади – оилани муқаддас илоҳий иттифоқ(никоҳ ақди”дан оддий “фуқаролик шартномаси”га айлантиришдир. Бу жараёнда аёл кишига “молиявий мустақиллик” деган сохта тушунча сингдирилади, аммо амалда у икки томонлама эксплуатацияга учрайди: у ҳам капиталистик бозорда ишлаши, ҳам оила юкини тортиши керак бўлади. Натижада, аёлнинг фитратидаги нафосат ва оналик туйғуси бозорнинг қаттиқ талаблари остида эзилиб кетади, фарзандлар эса боғча ва интернет тарбиясига ташлаб қўйилади. Судларда кўрилаётган оилавий низоларнинг 12 фоизлик ўсиши айнан шундай вазифалар аралашуви, эркакнинг масъулиятдан қочиши ёки аёлнинг эркакни ушбу масъулиятига қарши исёни оқибатидир.

Бундай ботил ҳукмларга ва Ғарбнинг жоҳилона андозаларига эргашиш мусулмонлар учун ҳалокатдир. Аллоҳ таоло Моида сурасида шундай марҳамат қилади:

أَفَحُكْمَ الْجَاهِلِيَّةِ يَبْغُونَ ۚ وَمَنْ أَحْسَنُ مِنَ اللَّهِ حُكْمًا لِّقَوْمٍ يُوقِنُونَ

– “Жоҳилият ҳукмини истайдиларми?! Ишончи комил бўлган қавм учун Аллоҳдан ҳам гўзалроқ ҳукм қилувчи ким бор?!”   (Моида:50)

Ҳақиқий адолат ва хотиржамлик фақатгина Исломнинг ижтимо низомига тўлиқ қайтишда ва уни ҳаётга татбиқ қилишдадир. Шуни унутмаслик керакки, ушбу илоҳий низомни фақатгина Пайғамбарлик минҳожи асосидаги Халифалик давлатигина тўлиқ татбиқ қилади. Халифалик соясида аёл киши – эъзозланган, иффати олий даражада муҳофаза қилинадиган ва нафақаси эркакнинг зиммасига фарз қилинган мукаррам зотдир. Эркак эса оиланинг мустаҳкам таянчи, унинг моддий ва маънавий ҳимоячиси – ҳақиқий раҳбар сифатида қадрланади. Оиламизни Ғарбнинг бузуқ қонунларидан ҳимоя қилиш иймонимизни ва келажак авлодимизни ҳимоя қилиш демакдир.

Биз оилавий қадриятларимизни БМТ, ЕХҲТ ёки бошқа мустамлакачи кофир ташкилотлар белгилаб берган “стандартларга” солишга асло йўл қўймаслигимиз лозим. Давлатнинг вазифаси Ғарб грантлари эвазига мафкуравий заҳарни қонунийлаштириш эмас, балки аёл ва эркакнинг ўрнини ҳамда оиланинг муқаддаслигини шариат асосида муҳофаза қилишдир. Яна бир бор таъкидлаймизки, бу масъулиятни, фақат Аллоҳнинг ҳукмларини ер юзида барпо этувчи Халифалик давлатигина адо эта олади. Фақатгина мана шу илоҳий соя остида аёл ўз қадрини, эркак ўз иззатини ва фарзандлар соғлом, ақидавий тарбиясини топа оладилар.

Салоҳиддин

21.02.2026й