Президент ташрифи: муаммони ҳал қилишми ёки парда ортига яширишми?

بسم الله الرحمن الرحيم

15 апрел куни президент Шавкат Мирзиёев ҳудудлар ривожи, аҳоли ҳаёти билан яқиндан танишиш мақсадида Андижон вилоятига келди. Андижон аҳолиси сони уч ярим миллионга яқин, майдони 3400 км кв атрофида, Ўзбекистон бўйича аҳоли энг зич жойлашган ҳудуд ҳисобланади. Андижонликларнинг аксарияти ўзини-ўзи иш билан таъминлаб, асосан ҳунармандчилик, савдо ва киракашлик билан шуғулланади. Шунинг учун ўзбек ҳукуматининг яширин иқтисодга қарши курашиш доирасида “автомобиль транспортида йўловчи ташиш фаолиятини тартибга солиш”, “тадбиркорликни легаллаштириш” каби қарорлари сабабли солиқ ва жарималар турини кўпайиши натижасида андижонликларнинг – депутат Алишер Қодировнинг таъбири билан айтганда – “косаси оқармаяпти”. Андижон шаҳрида 49 ёшли эркак пневматик милтиқдан ўқ узиб, 29 та чорраҳада ўрнатилган йўл ҳаракати қоидабузарликларини қайд этувчи 51 та фото ва видеокамерани ҳамда 1 та радар комплексни синдирганлиги айнан шунинг оқибати эмасми?! Бундан ташқари, вилоят ҳокими Шуҳрат Абдураҳмонов иштирокида хитойлик тадбиркорлар билан турли келишувлар имзоланган. Унга кўра, Андижон туманида 218 гектар майдонда 3 млрд долларлик Хитой инвестицияси жалб қилинадиган “Ипак йўли” ЭИЗ ташкил этиш учун юзлаб фермерларнинг суғориладиган ерлари ички ишлар ва прокуратура босими остида мажбуран хитойлик тадбиркорларга олиб берилди. Андижон вилояти 2022 йилда 6,9 трлн сўмлик, 2023 йил январ-сентябр ойларида 6,9 трлн сўмлик, 2024 йил январ-сентябр ойларида 1,1 трлн сўмлик инвестиция ва кредитлар ўзлаштирди. Бу қарзлар қайси ўринларга ишлатилгани ноаниқ, лекин қарз юки андижонликлар бўйнига тушиши аниқ. Шунингдек, фермерлар, тадбиркорлар ўз ерида, ўз мулкида хитойликлар қўлида ишлашга мажбур қилиняпти. Иш берувчи хитойликлар аҳолига ибодат қилмаслик, соқолли, ҳижобли бўлмаслик шартини қўйиши табиий.

Чунки Андижон Абдували Мирзаев роҳимаҳуллоҳ каби кўплаб илм аҳли ва Қуръон ҳофизлари етишиб чиққан, Исломий амалларга талпиниш кучли  муҳитга эга бўлганлиги учун Исломга қарши курашнинг ўчоғига айланган. Шу сабабли, минглаган мусулмонлар қатл қилинган 2005 йилдаги “Андижон воқеалари”, соқол, ҳижоб каби Исломий кўринишларга босим қилиш, Ислом таълими, ҳатто мактаб ва ўқув марказларида араб тилидан сабоқ олишни тақиқлаш ёки чеклашда Андижон алоҳида ажралиб туради. Шулардан хулоса қилинса, президент ташрифи муаммоларни ҳал қилиш учун эмас, балки парда ортига яшириш учун эканлиги маълум бўлади. Муаммоларни тубдан, буткул ҳал қилиш эса, Ислом асосида сиёсат юритадиган Рошид Халифалик давлатини тиклаш билан бўлади. Аллоҳ таоло айтади:

وَنَزَّلْنَا عَلَيْكَ الْكِتَابَ تِبْيَانًا لِّكُلِّ شَيْءٍ وَهُدًى وَرَحْمَةً وَبُشْرَىٰ لِلْمُسْلِمِينَ

– “Биз бу Китобни (Қуръонни) сенга ҳар бир нарсанинг баёни сифатида, ҳидоят, раҳмат ва мусулмонлар учун хушхабар қилиб нозил қилдик”.  (Наҳл:89)

Ҳизб ут-Таҳрир Ўзбекистон Матбуот бўлими аъзоси Иззатуллоҳ

18.04.2025й