بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Ҳалаб ва Шомга ёрдам беришда Умматнинг ҳамда Уммат армияларининг роли

Ҳизб ут-Таҳрирнинг Судан вилоятидаги расмий нотиғи Иброҳим Усмон Абу Халил нутқи

Ҳалаб жангида қатъият кўрсатилмагани ҳар қанча аччиқ ва ачинарли бўлса ҳам жангдаги йўқотиш асло қўзғолон ниҳояси бўлмайди. Балки, бу янги қўзғолоннинг бошланишидир. Бу қўзғолонда позициялар қайта эгалланади, мақсадлар белгиланади, йўл тўғриланади ва ишлар ўз ўрнига қўйилади. Дарҳақиқат сиз эй Ҳалаб ва Шом аҳли, сиёсий мақсадда берилган пуллар ҳамда қўзғолонингизни қўлловчилар қилган ишларнинг вайрон қилувчи таъсирини синовдан ўтказдингиз. Сизлар ҳаракатга келган пайтингизда ҳаракатларингиз зараркунанда, малай давлатлар қўллови билан бўлмади. Балки сиз Исломга ёрдам бериш учун ҳаракатга келдингиз ва «Бизга сендан бошқаси керакмас эй Аллоҳ» шиори сизнинг шиорингиз бўлди. Қўзғолонингиз бир неча йил сабот билан турди. Америка сизнинг қатъиятингизни, қасдингиз кучлилигини кўргач қўзғолонга ёрдам кўрсатиш баҳонасида қўзғолонингизни жиловлашга уринди. У орангизга тафриқа солиш учун баъзи гуруҳларга пул ва қурол-яроқ билан ёрдам кўрсатиб бошқаларни бу ёрдамдан маҳрум қилди. Ҳақиқатдан ҳам улар истаган нарса бўлди. Уммат душманларидан ҳамда золим, фосиқ ва бузғунчи ҳокимлардан ёрдам олувчи гуруҳлар қўрқоқлик қилмаганида Ҳалаб қуламаган бўларди.

Биз сизга шундай нома йўллаймиз: Қўзғолонингиз душманга боғланган барча етакчиларни рад этиши ва етакчиликни холис кишиларга бериши керак. Модомики мақсад маълум ва ғоя аниқ экан ягона холис етакчилик остида бирлашинг. Бу мақсад ва ғоя жиноятчи Башар режимини қулатиш ва Ислом низомини, яъни пайғамбарлик минҳожи асосидаги рошид Халифаликни тиклашдир. Аллоҳ сизга шубҳасиз ёрдам бергувчидир. Аллоҳ Субҳанаҳу ва Таоло айтади:

يَا أَيُّهَا الَّذِينَ آمَنُوا إِن تَنصُرُوا اللَّـهَ يَنصُرْكُمْ وَيُثَبِّتْ أَقْدَامَكُمْ

«Эй мўминлар, агар сизлар Аллоҳга ёрдам берсангизлар (яъни Унинг йўлида жиҳод қилсангизлар), У зот ҳам сизларга ёрдам берур ва жанг майдонида кадамларингизни собит-барқарор қилур»

                                                                                                 [Муҳаммад 7]

Ислом Умматига биз йўллаган нома шуки, Ҳалаб ва Шомдаги биродарларимизга ёрдам бериш Умматнинг бурчидир. Бу ёрдам фақат дуо қилиш билан, норозилик намойишларига чиқиш билан ҳамда булардан бошқа зараркунанда ҳокимларга босим ўтказиш воситаларини қўллаш билан бўлиб қолмаслиги, балки бу ёрдам жиддий фаолият кўрсатиш билан бўлиши лозим. Яъни Уммат, ўз фарзандлари ва биродарлари бўлган мусулмонлар армияларидан биродарларига ёрдам кўрсатиш учун ҳаракатга келишларини талаб қилмоғи лозим. Аллоҳ Таоло айтади:

وَإِنِ اسْتَنصَرُوكُمْ فِي الدِّينِ فَعَلَيْكُمُ النَّصْرُ

«Агар улар дин йўлида сизлардан ёрдам сўрасалар, ёрдам қилиш зиммангиздадир»                                                                            [Анфол 72]

Бутун Исломий юртлардаги армиялар қўмондонлари ва зобитларига айтамизки, орангизда Салоҳиддин, Қутз ва Бейбарслар сийратини такрорлаб Исломга ёрдам берадиган, ишларни ўз ўрнига қўйиб дунёю охират яхшилигини қўлга киритадиган бирор тўғри йўл кўрсатувчи киши йўқми?! Сизлар зиммасига ночор аҳволда қолганларга ёрдам кўрсатиш юкланган мусулмонлардан эмасмисиз?! Аллоҳ Таоло айтади:

وَمَا لَكُمْ لَا تُقَاتِلُونَ فِي سَبِيلِ اللَّـهِ وَالْمُسْتَضْعَفِينَ مِنَ الرِّجَالِ وَالنِّسَاءِ وَالْوِلْدَانِ الَّذِينَ يَقُولُونَ رَبَّنَا أَخْرِجْنَا مِنْ هَـٰذِهِ الْقَرْيَةِ الظَّالِمِ أَهْلُهَا وَاجْعَل لَّنَا مِن لَّدُنكَ وَلِيًّا وَاجْعَل لَّنَا مِن لَّدُنكَ نَصِيرًا

«(Эй мўминлар), сизларга нима бўлдики, Аллоҳ йўлида ва «Парвардигоро, бизни эгалари золим бўлган бу шаҳардан озод қил ва бизга ўз ҳузурингдан бир дўст бергин, бизга ўз ҳузурингдан бир ёрдамчи қилгин», деяётган эркаклар, аёллар ҳамда болалардан иборат бўлган бечоралар(ни озод қилиш) йўлида жанг қилмаяпсизлар?!»                                                                             [Нисо 75]

Сиз, қувват эгалари турганда Умматга сиздан бошқа ким ёрдам беради. Бас шундай экан, ўзингиздан Аллоҳга яхшиликни кўрсатинглар.

Роя газетасининг 2016 йил 21 декабр чоршанба кунги 109-сонидан