Рамазон Аллоҳнинг изни ила яна нусрат ва фатҳлар ойи бўлсин
Рамазон Аллоҳнинг изни ила яна нусрат ва фатҳлар ойи бўлсин
بِسْمِ اللهِ الرَّحْمٰنِ الرَّحِيم
Аллоҳ Таоло Ислом Умматига Рамазон ойида тортиқ қилган ғалабали кунларни мусулмонлар ёдига солишда давом этамиз. Токи, мусулмонлар ўзларининг буюк тарихидан руҳланган ҳолда Исломий ҳаётни қайта бошлаш йўлидаги ҳаракатларини ушбу Рамазон ойида янада кучайтирсинлар ва Аллоҳ Таолодан келадиган нусрат-ғалабага бўлган ишончлари янада қатъийлашсин.
Рамазоннинг 6-кунида қуйидаги муҳим воқеалар содир бўлган:
Ҳижрий 163 йил – мусулмонлар Синдни фатҳ қилдилар. Моҳир қўмондон Муҳаммад ибн Қосим Сақофий бошчилигидаги мусулмонлар қўшини Инд дарёси яқинида бўлган жангда ҳиндлар устидан ғалаба қозонди;
Ҳижрий 223 йил – Аббосий халифалардан Мўътасим Биллаҳ қўшини Византия шаҳарларидан бири Аморийни қамал қилди ва шундан сўнг уни фатҳ қилди. Бунга кофирлар томонидан асир олинган бир муслиманинг халифа Мўътасимдан ёрдам сўраб қилган нидоси сабаб бўлди;
Ҳижрий 532 йил – Халабда Имомуддин Занги бошчилигидаги мусулмонлар қўшини салибчилар устидан илк бор ғалаба қозонди.
Рамазоннинг 7-куни:
Ҳижрий 361 йил – Қоҳирада намоз ўқиш ва Исломдан таълим бериш мақсадида ал-Азҳар масжиди очилди. Шу куни ушбу масжидда биринчи ҳутба ўқилди ва намоз ибодати бажарилди;
Ҳижрий 960 йил – Усмоний Халифалик денгиз флоти қўмондони Турғут-раис (Драгут) кофирларнинг ҳарбий горнизонини йўқ қилиб, етти минг мусулмон маҳбусларни озод қилади, Корсика ороли ва Сицилиянинг порт шаҳри Катанияни эгаллайди.
Рамазоннинг 8-куни:
Ҳижрий 9 йил – Табук жанги бўлиб ўтади. Византия ва унинг араб қабилаларидан бўлган иттифоқчилари мусулмонлар билан тўқнаш келади.
Рамазоннинг 9-куни:
Ҳижрий 212 йил – Мамун халифалиги даврида мусулмонлар Исломни ёйиш мақсадида Асад ибн Фурот бошчилигида Сицилиядаги Мазара-дель-Валлога тушиб, Византия қўшинини тор-мор қилдилар ва Сиракузини қамал қилдилар.
Рамазоннинг 10-куни:
Ҳижрий 648 йил – Эль-Мансурдаги жангда мусулмонлар француз салибчилари устидан ғалаба қозондилар. Француз қироли Людовик IX ни асир олдилар.
Рамазоннинг 11-куни:
Ҳижрий 9 йил – Росулуллоҳ ﷺ ҳузурларига Сақиф қабиласидан вакиллар келиб Исломни қабул қиладилар. Росулуллоҳ ﷺ улар билан бирга абу Суфён ва Муғийра ибн Шўъбаларни уларнинг бутларини синдириш учун жўнатадилар.
Ҳизб ут-Таҳрирнинг Ўзбекистондаги матбуот бўлими аъзоси Фаррух
02.05.2021й
