Референдумни қўллаш Исломга қарши курашни қўллашдир
“Инсоннинг ноқис конституциясига – ЙЎҚ! Қуръон ва Суннат асосидаги дастурга – ҲА!” номли кампания доирасида
Референдумни қўллаш Исломга қарши курашни қўллашдир
بسم الله الرحمن الرحىم
Ўзбек ҳалқи танлов арафасида. Диктаторлик ва тахтга муҳаббат қўйган золим, зўравон бошқарувларда бўлгани каби юртимизда ҳам 30 апрел куни референдум найрангига старт берилиши кутилмоқда. Ҳаётда инсоният турли танловлар қаршисида яшайди. Булар ичида хатарлиси куфр ёки иймон танловидир. Ҳар нарсани номлашда унинг асл моҳиятидан келиб чиқиб номланмоғи лозим. Лекин бу борада куфр асл ҳақиқатни референдум сўзи ортига яширади. Шунинг учун референдумни қўллаш ва танлаш куфр ёки иймонни танламоқ эканидан кўпчилик бехабар қолаверади. Исломда ҳукм қилиш ҳуқуқи фақат Аллоҳники. Референдум қонун чиқариш ҳуқуқини инсонларга бериш бўлганлиги учун ҳаромдир. Аммо мусулмон ҳалқимизни чалғитаётган нарсалар ҳам талайгина. Президентларни ҳар иккисини умра сафарларида бўлгани, масжидларда азон янграши, ҳаж сафарларига йўлларни очилиши, Қуръон мусобақалари кабилар содда халққа юртни Исломобод қилиб кўрсатишга етарлидир. Аммо ўз Исломини Росулуллоҳ ﷺ олиб келганидек таниганларни чорак асрдан буён қамоқларда ушлаб турилиши, аввалги раҳбар қўли билан қийноқларга солингани, қатл қилингани, ҳатто шу кунларда ҳам, яъни Ш. Мирзиёев даврида ҳам зиндонларда кўплаб аҳли илмларни сақланиши, Қуръондан таълим берувчиларни таъқиб этилиши содда халққа экстремизмга қарши кураш, дея изоҳланиб чалғитилади. Ҳа, афсуски мусулмонлар устида юз йилдирки ўзларини мусулмон санаса-да, Исломга қарши бўлган Ғарбнинг малай ҳокимлари турибди. Озгина фикрланса кифоя. Уларни Исломга душманлиги ойдек равшан кўринади. Масалан, “ноқонуний диний таълим” билан “қонуний диний таълим” қандай фарқланади? Бири таълимни Исломий асосда етказса, анави “қонуний таълим” кишилари ҳукуматни ношаръий ишларига шаръий тўн кийдиришни қўшиб ўргатади. Атрофингизда очиқ куфр саналган байрамларни ҳалол қилиб танитувчи имомлар, ҳижобни арабларни миллий кийими дегувчи “қонуний таълим” берувчи “уламолар” мусулмонларни референдумни қўллашга тарғиб қилмоқдалар.
Бизлар асл ҳақиқатни етказишдан сўраламиз. Танлов эса сизларникидир. Ушбу Аллоҳнинг ғазабини келтирувчи куфр конституциясини қўллаш билан Исломга қарши курашни қўллашдан эҳтиёт бўлинг!
Биз мусулмонлар Сарвари Коинот ﷺни мушрикларга жавобини айтиш билан кифояланамиз:
وَلَا أَنَا عَابِدٌ مَّا عَبَدتُّمْ
– “Ва мен сиз ибодат қилган нарсага ибодат қилувчимасман”. (Каафирун:4)
#Инсоннинг_ноқис_дастурига_ЙЎҚ_Қуръон_ва_Суннат_асосидаги_дастурга_ҲА
Ҳизб ут-Таҳрирнинг Ўзбекистондаги матбуот бўлими аъзоси Зайниддин
27.04.2023й
