Ўз жонига қасд қилаётганлар сони нега ортяпти?
Ўз жонига қасд қилаётганлар сони нега ортяпти?
بسم الله الرحمن الرحيم
ОАВлар Андижон вилояти Шаҳрихон туманида 46 ёшли машҳур тадбиркор Раҳмиддин Мирзаев ўз жонига қасд қилди, дея хабар тарқатди. Андижон вилояти ҳокимлиги эълон қилган таъзия матнида Раҳмиддин Мирзаев энг саҳоватпеша, камбағалларни қўллаб-қувватлашга ва ижтимоий соҳани ривожлантиришга катта ҳисса қўшиб келган инсонлардан бири бўлгани айтилган. Шунингдек, бир қатор машҳур компаниялар асосчиси бўлган Раҳмиддин Мирзаев 2019 йилда Ўзбекистон президенти тарафидан “Шуҳрат” медали билан тақдирлангани алоҳида таъкидланган. Машҳур бой тадбиркорнинг фожиали ўлими интернет нашрларини ва фаолларни тадбиркорлар муаммоларига ҳамда улар ўртасида ўлим ҳолатларининг ортаётганига эътибор қаратишга мажбур қилди. Маҳаллий ҳокимият бу борада Мирзиёев сиёсатидан ўрнак олиб, халқ кўзига тадбиркорнинг ўлими юзасидан чуқур таъзия билдириш билан кифояланди. Бундай юзаки муносабат ортидан айрим фаоллар “президент тарафидан маҳаллий ҳокимиятга кенг ваколатлар берилган, бу ваколатлар маҳаллий ҳокимиятга тадбиркорларга қўлланаётган ҳар турли босимларни ўрганиш ва уларни ўз вақтида бартараф этиш имконини беради. Агар маҳаллий ҳокимият муаммолар устида ишлаганида тадбиркорлар ноқонуний тўловлар қилишга мажбурлангани ортидан қамалмаган ва ўз жонига қасд қилмаган бўлар эди” деган фикрларни билдиришди. Бироқ маҳаллий ҳокимиятнинг фаолияти холис ўрганилса, уларнинг вазифаси, яъни уларнинг зиммасига юклатилган иш халқдан бойликни йиғиб олиш билан давлат режасини тўлдиришдан иборат эканлиги аён бўлади. Шу боисдан ҳокимият вакиллари сиёсий, мафкуравий ёки бошқа ишлар сабабидан эмас, фақат молиявий жиноятлар ортидан қўлга олинаётганига ва камомадлар сабабли (ҳоким ўринбосарлари) ўз жонига қасд қилаётганига гувоҳ бўляпмиз.
Ўзбек матбуоти, айниқса айрим интернет нашрлар ўз жонига қасд қилганлар сони юқори бўлган вилоятга диққатни қаратиб “Андижонда тадбиркорларга қирғин келяптими?” деган саволни ўртага қўйиш билан вазиятнинг даҳшатидан оммани огоҳ этмоқчи бўлишяпти. Ваҳоланки, нафақат Андижонда, балки бошқа вилоятларда ҳам тадбиркорлар, фермерлар, ҳатто зиёлилар ҳам сирли равишда ўз жонига қасд қилишмоқда. Ўзини осаётган ўсмирлар ҳақидаги хабарлар эса, афсуски жиддий муҳокама ҳам қилинмаяпти. Бу журналистлар барча иллатлар ҳукумат сиёсатиданми, қонунданми, давлат тузумиданми, қайси омилдан келиб чиқаётганини аниқлашга киришмай, муаммонинг мавжудлиги ҳақида ваҳима солаётгани халқни эсанкиратишдан нарига ўтмаяпти. Лекин бу журналистлар мана шу ишини ҳам жасорат, деб билишади. Чунки уларга нейтрал қолиш ва ҳукумат сиёсатига аралашмаслик журналистиканинг асоси, деб таълим берилган. Халқ ҳайрат ичида ўз жонига қасд қилганни охирати обод бўлсин, деб дуо қилиш билан овора. Жойнамоз шайтонлари бўлган имомлар “юртбошимиз учинчи ренессанс бошланганини эълон қилиб, улкан ислоҳотларни амалга ошираётган бир пайтда одамларимиз ношукрлик қилиб ўз жонига қасд қилиши улкан гуноҳдир” дейишмоқда. Ўзбек жамиятида зиёли деб эътибор қилинадиган кишилар эса, кириллдан лотин алифбосига ўтиш муҳокамаси тўхтатилгани хусусида ва ўзбекистонликларни фуқаро дейиш фақир дейишни англатади, бу эса, халқимизни очиқчасига таҳқирлашдир, дея айюҳаннос солишмоқда. Улар фуқаро деган сўз арабчадан келади, ватандош эса форсчадан, биз ўзбекчасини топишимиз керак, дея мунозара қилишмоқда. Бу “зиёлилар” халқимиз тушиб қолган инқирозлар ботқоғини ҳис қилишмаяпти. Тарих гувоҳки, мусулмон халқимизнинг эр йигитлари ҳеч бир вазиятда ожиз ва ночор ҳолда ўз жонига қасд қилишмаган. Уларнинг жуда оз сонлиси фақат душман тарафидангина дор остига олиб келинган. Шунда ҳам уларнинг ўлими шараф, мартабаси шаҳидлик бўлган. Бугун эса, моддани руҳдан, динни давлатдан ажратиш асосига қурилган демократик тузум татбиқи натижасида халқимиз энг тўғри тушунчалардан, яъни ҳаёт ҳақидаги Исломий нуқтаи назардан маҳрум қилинди. Натижада мусулмон халқимиз дунёга келишидан кўзланган ғояни унутиб, дунёга муҳаббат қўйди. Қалбларни иймон ҳаловати тарк этиб, унинг ўрнини дунё шаҳватлари эгаллади. Демократия сабаб саноатимизга, қишлоқ хўжалигимизга ва барча тижорий алоқаларимизга рибо (судхўрлик) аралашди. Табиийки, фоиз берувчи Ғарб йўқ жойдан манфаат олаётгани учун Ўзбекистонда судхўрлик тизимини кенгайтиришга ва аҳолини банк билан ишлашга ундаяпти. Ҳозирда касодга учраган ёки ҳаётда қолиш учун зарар билан ишлаётган корхоналар ва бизнеслар фаолияти ўрганилса, уларнинг аксари банклардан катта миқдорда қарздор бўлиб қолгани маълум бўлади. Демократик дунёнинг доҳийларидан саналган Бенжамин Франклиннинг “бу ҳаётда бошга келадиган муқаррар икки нарса бор, улар ўлим ва солиқлардир” деганидек, капиталистик тузумнинг адолатсиз солиқлари тадбиркорларимизни маҳв қилган учинчи омил бўлмоқда. Ҳозирда халқимизни демократик тузумнинг фикрлари ва қонунлари бошқараётган экан, одамларимизнинг ҳаёти ҳазонга айланишига ҳам мана шу тузум сабабдир.
21 июль куни Тошкент шаҳрида оилавий жанжал сабаб аёлини, 7 ёшли фарзандини, қайнонаси ва синглисини пичоқлаган кишини ақлан, руҳан ва маънан ўлдирган тузум ҳам мана шу демократиядир. Муслима аёл-қизларни қинғир йўлга юришига қулай шароит яратиб, уларнинг иффати ва номусини ўлдирган ҳам мана шу Худосиз тузумдир. Бу мабда (тузум) бекор қилиниб, унинг ўрнига Аллоҳнинг Шариати қоим қилинмас экан, одамларимизнинг дунё ва Охирати куйишда давом этаверади. Зеро, барча ишнинг ислоҳи Аллоҳга, Унинг Шариатига қайтиш билан бўлади. Шундай экан, бугуни ва келажаги ҳақида қайғурувчи кишилар Аллоҳнинг ҳукмларини татбиқ қилувчи Рошид Халифаликни тиклашга муносиб ҳиссаларини қўшсинлар. Ана шунда Аллоҳ буюрганидек барча зулм ва бузуқликларга қарши курашиб, келажак авлодларга покиза ҳаётни мерос қилиб қолдирадилар.
﴿وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى﴾
– “Ким Менинг эслатмамдан юз ўгирса, бас, унга танг-бахтсиз ҳаёт бўлур, уни қиёмат куни кўр ҳолда тирилтирурмиз”. (Тоҳа:124)
Ҳизб ут-Таҳрирнинг Ўзбекистондаги матбуот бўлими аъзоси Абдураҳмон
11.08.2022й
