بِسْمِ اللهِ الرَّحْمٰنِ الرَّحِيمِ

Рувайбиза ҳукмдорлар Америка томонидан ўз юртлари дахлсизлиги бузилишига ёрдам беришмоқда

Ироқ разведка хизмати АҚШ Марказий Разведка Бьюросига ИШИД раҳбарини топишга ёрдам берувчи махфий маълумотларни бергани билан мақтанди. Туркия президенти Эрдоган ёрдамчиси Фаҳриддин Алтун ҳам «Туркия ёвуз террорчини жазолашда НАТОдаги ҳамкоримиз Қўшма Штатларга ёрдам кўрсатганидан фахрланади», деди. Суриядаги АҚШ демократик полицияси хизмати қўмондони Мазлум Абдий ҳам ўзининг Твиттердаги саҳифасида «Қўшма Штатлар билан ҳамкорликда ўтган разведка операциясининг муваффақиятли натижа бергани» тўғрисида «хушхабар» берди. АҚШ президенти Трамп ҳам ўз юртига Бағдодийни ўлдиришда ёрдам берган Сурия режими билан бошқа разведка хизматларига миннатдорчилик билдирди.

Роя газетаси шарҳи:

Агар минтақадаги исломий эканликларини даъво қилаётган партиялар ўзларининг иззат-ҳурматини билиб, озгинагина ҳаё қилишганда эди, мустамлакачи кофирга ёрдам беришдан бош тортган бўлишарди… Шунингдек, ўз ерларида ўз диндош биродарларидан бўлган ушбу «душман»га кофир томонидан ўлим тайинланишига кўмаклашмай, аксинча, бор овозда – биз у билан ўзимиз ҳисоблашиб оламиз, дейишган бўларди. Хусусан, улар бу жинояткор мустамлакачи давлатни ўз тажрибаларида синашган. Масалан, Кувайт 1991 йил АҚШдан ёрдам сўради, аммо Америка Кувайтнинг елкасига миниб олиб, мустаҳкам жойлашиб олди ва қайтиб чиқмади. Туркия АҚШдан Совет Иттифоқига қарши ёрдам сўради, Америка у ерга йирик базаларини жойлаштириб олди ва у ердан чиқиб кетмади. Душманлардан ёрдам сўраган ҳар бир давлатнинг аҳволи мана шундай бўлди! Чунки мусулмонлар билан боғлиқ бу разведка хизматлари кофирлар ва душманлар билан дўстлашишдан ҳаё қилишмади. Ким ҳаё қилмас экан, гуноҳ ишлардан, хоинликлардан тап тортмайди ва буларни оқлашга, тўғри иш қилаётганини исботлашга уринади. Улар ва уларга ўхшаганларга Росулуллоҳ ﷺнинг

«إِذَا لَمْ تَسْتَحْيِ فَاصْنَعْ مَا شِئْتَ»

«Уялмасанг, истаганингни қилавер», деган сўзлари тўғри келади.

Роя газетасидан олинди