Саудия ва Судан ўртасидаги мувофиқлаштирув кенгаши — Суданни бўлиб ташлаш занжирининг навбатдаги халқасидир
Саудия ва Судан ўртасидаги мувофиқлаштирув кенгаши — Суданни бўлиб ташлаш занжирининг навбатдаги халқасидир
Саудия ва Судан ўртасида янгича мувофиқлашув кетмоқда… ва ҳамкорлик столи устида 10 та пакет бор. «Аш-Шарқ ал-Авсат» газетаси 2026 йил 18 август сешанба куни Саудия ва Судан икки мамлакат ўртасидаги ҳамкорлик даражасини ошириш мақсадида душанба куни Саудия-Судан мувофиқлаштирув кенгашини ташкил этиш ҳужжатини имзолаганларини маълум қилди.
Саудия ахборот агентлиги «SPA» шундай деди:
«Ташқи ишлар вазири шаҳзода Файсал ибн Фарҳон ибн Абдуллоҳ ҳамда Суданнинг Ташқи ишлар ва халқаро ҳамкорлик вазири Муҳиддин Солим Аҳмад Иброҳим Риёздаги вазирлик қароргоҳида Саудия-Судан мувофиқлаштирув кенгашини ташкил этиш тўғрисидаги ҳужжатни имзоладилар».
Агентлик қуйидагиларни қўшимча қилди:
«Кенгашнинг ташкил этилиши икки мамлакатнинг ўзаро ҳамкорлик ва мувофиқлашувини юқори босқичга кўтаришга бўлган иштиёқидан келиб чиқади — токи у икки томонлама муносабатларни ривожлантириш ва мустаҳкамлаш учун фаол институционал майдон бўлсин ҳамда ҳамкорлик ва интеграцияни кучайтирадиган, икки қардош мамлакат раҳбарияти ва халқларининг интилишларини рўёбга чиқарадиган аниқ ташаббуслар, лойиҳалар ва мақсадлар орқали сезиларли натижаларга эришиш учун икки томондан тегишли идораларни жамловчи институционал доира бўлиб хизмат қилсин».
Судан Ташқи ишлар вазирлиги эса «X» тармоғидаги баёнотида қуйидагиларни таъкидлади:
«Кенгаш Саудия ва Судан ўртасидаги икки томонлама муносабатларни бошқариш ва ривожлантириш ҳамда уларни ўзаро манфаатли бўлган турли соҳаларда янада кенгроқ мувофиқлашув ва ҳамкорлик даражасига кўтариш учун янада юқори ва кенг қамровли институционал асосни яратишни мақсад қилади.
Кенгаш қарашларни бирлаштиришга, икки мамлакат ўртасидаги расмий шерикликни мустаҳкамлашга ҳамда иқтисодий ва инвестициявий ҳамкорлик учун янги уфқларни очишга ҳисса қўшадиган сиёсий, иқтисодий, молиявий, савдо ва ҳамкорликнинг бошқа соҳаларини ўз ичига олган ўнта асосий йўналишни қамраб олади. Шунингдек, кенгашнинг қўшма лойиҳа ва дастурларни амалга оширишни осонлаштиришга, тараққиёт ва барқарорлик саъй-ҳаракатларини қўллаб-қувватлашга ҳамда Судан-Саудия муносабатларининг ўзига хослигини ва икки мамлакат раҳбариятининг уларни институционал ва барқарор тарзда ривожлантиришга бўлган қатъиятини акс эттирган ҳолда ўзаро манфаатларни мустаҳкамлашга ҳисса қўшиши кутилмоқда».
Баёнот қуйидаги сўзлар билан якунланди:
«Битимнинг имзоланиши Хартум ва Риёз ўртасидаги ривожланиб бораётган алоқалар ҳамда янада барқарор ва тараққий этган келажак учун муштарак қараш ва ўзаро манфаатларга асосланган стратегик ҳамкорликнинг янги босқичи сари интилишлар соясида амалга ошмоқда».
Ушбу баёнот Суданда 2023 йилдан бери давом этаётган уруш тўртинчи йилининг бешинчи ойига кирган, ҳисоб-китобларга кўра 200 мингдан ортиқ одамнинг ҳалокатига олиб келган бир вазиятда эълон қилинмоқда, айни пайтда эса Риёз ушбу урушдан Америка кўзлаган талабларни рўёбга чиқаришга уриниш учун ўз бор кучи билан ҳаракат қилмоқда.
Судандаги воқеаларни синчковлик билан кузатган киши шуни кўрадики — у ерда ишларнинг тизгинини маҳкам тутиб турган ҳақиқий куч бу Америкадир! Урушни алангалатган ҳам, ўз фарзандлари қўли билан Суданнинг парчаланган ҳудудларини янада парчалаб ташлашни истаётган ҳам айнан удир! Саудия эса унинг қўлларидан бир қўлдир, холос. Биз унинг уруш бошланганидан бери икки томон музокараларига мезбонлик қилишда катта роль ўйнаган Жидда минбаридаги аралашувларига гувоҳ бўлдик. Лекин у ҳеч нарсага эришмади, балки Америка ўзи хоҳлаган нарсани қўлга киритиш имкониятига эга бўлиши учун унинг кўрсатмаси билан уруш муддатини чўзди, холос.
Биз ушбу пок юртдаги аҳлимизга таъкидлаб айтамизки: Саудия ва унинг ортидаги Америка ҳамда бутун кофир Ғарб сизларга ҳеч қачон яхшиликни истамайди! Балки уларнинг ер усти ва ости бойликларга бой бўлган юртингизга нисбатан очкўз таъмалари бордир.
Шунингдек, армиядаги холис фарзандларимизга айтамизки: пайғамбарлик минҳожи асосидаги Рошид Халифаликни барпо этиши учун Ҳизб ут-Таҳрирга нусрат беринг! Токи, биз бу билан Халифалик бўлмагани сабабли бўйнимизда осилиб турган улкан гуноҳни соқит қилайлик. Зеро, Росулуллоҳ ﷺ айтганлар:
«Кимки бўйнида байъати бўлмаган ҳолда вафот этса, жоҳилиятда ўлими билан ўлибди».
Биз сизларни мана шундай улкан эзгу ишга даъват этамиз — токи азизлик қуёши янгидан порлаб чиқсин! Зеро биз фотиҳларнинг авлодларимиз, Ислом учун улкан хизматлар кўрсатган Султон Али Динорнинг авлодларимиз:
﴿لِـمِثْلِ هَذَا فَلْيَعْمَلِ الْعَامِلُونَ﴾
«Амал қилувчилар мана шундай (улкан саодат) учун амал қилсинлар!» (Соффат сураси, 61-оят).
Устоз Майсара Яҳё Муҳаммад Нур
Ҳизб ут-Таҳрир Судан вилояти Матбуот бўлими аъзоси
Роя газетасининг 2026 йил 2 сентябрь чоршанба кунги 615-сонидан
