بِسْمِ اللهِ الرَّحْمٰنِ الرَّحِيمِ

Шом қўзғолони БМТ таҳдидларига қарамай ўз ғояси сари давом этмоқда

«Shaam News Network»нинг (ҳижрий 1444 йил 18 сафар, милодий 2022 йил 14 сентябрдаги) хабарига кўра, БМТ ўзининг чоршанба куни чиқарган ҳисоботида сўнгги ойларда Сурия бўйлаб бир неча фронтлар қайта аланга олиб, кенг кўламли жанглар бошланиши ортидан, юртда яна зўравонлик авж олиши хавфидан огоҳлантирди. БМТнинг Сурия ишлари бўйича тадқиқот қўмитаси раиси Пауло Серхио Пинейро «Сурия қайта янада кенг миқёсдаги жангларни кўтара олмайди, бироқ, бу аҳволга дуч келиши мумкин», дейди. Женевада журналистларга берган интервьюсида у «қачонлардир биз Сурияда буткул уруш тугади дея ишонгандик, бироқ ҳисоботда кўрсатилган қонунбузарликлар бунинг аксини кўрсатди», дея қўшимча қилди. Қўмита аъзоси Хани Мегалли ҳам «Россия томонидан мухолафат назоратидаги ҳудудларга ҳаво ҳужумларини уюштириш сўнгги бир неча ой ичида сезиларли даражада ошди… Биз зўравонлик кучайганини гувоҳи бўляпмиз», деди.

Роя:

БМТнинг бу ҳисоботи фақатгина огоҳлантирув эмас, балки Шом қўзғолони учун ёмон ниятли таҳдиддир. Чунки Америка ўзининг итоатгўй нопок ташкилоти бўлган БМТдан Шом аҳлига таҳдид йўллаб, уларни уруш билан огоҳлантиряпти, гўёки бу аҳлимиз тинчлик ва хавфсизликда яшаётгандек! Америка, Ғарб ва уларнинг думлари қўзғолоннинг андак ҳаракатидан ҳам қўрқишади. Ҳолбуки, улар нопок сиёсий пуллари ва сотқин жангчи раҳбарлари орқали қўзғолоннинг қарорини тортиб олишган бўлиб, бу етакчилар (тил бириктирувчи донор) Эрдоган Туркияси буйруқлари асосида қўзғолонни кишанлаб қўйишган. Шуларга қарамай, Шом аҳлининг қўзғолонни қайта бошлаш ғайратини сўндириш учун ўзларининг сиёсий ишлари, матбуот баёнотлари ва ёлғон ҳисоботларидан фойдаланишмоқда. Бироқ, бу қўзғолон – Аллоҳнинг изни ила – аввало ғафлатга тушиб, оёқ-қўллари кишанланиб қолган қўзғолон аҳлини озод этгач, қонхўр режимни йиқитмагунча ҳаргиз тўхтамайди. Ана шунда қўзғолон аҳли ажнабий давлатлар билан алоқа қилаётган етакчилардан қутуладилар ва Шом тоғути томон юриб, бундай илмоний малай қонхўр режимни барча башаралари, таянч ва арконлари билан қўшиб қўпориб ташлайдилар. Сўнг унинг харобарлари узра куч-қудрат ва иззат-шараф давлати бўлмиш Пайғамбарлик минҳожи асосидаги рошид Халифаликни барпо этадилар.

Роя газетасининг 2022 йил 21 сентябр чоршанба кунги 409-сонидан