Сизлар албатта амру маъруф ва наҳий мункар қилишингиз вожибдир
“Халифалик қулатилганига 100 йил тўлиши муносабати билан… Эй, мусулмонлар! Уни қайта барпо этинглар” кампанияси доирасида
Сизлар албатта амру маъруф ва наҳий мункар қилишингиз вожибдир
بِسْمِ اللهِ الرَّحْمٰنِ الرَّحِيم
Муқаддас динимиз бўлган Ислом бутун инсоният учун тушган дин бўлиб, бу динни бутун оламга етказиш биз мусулмонларнинг гарданидаги энг долзарб вазифадир. Амри маъруф ва наҳий мункар қилишга ундайдиган шаръий ҳужжатлар кўп бўлиб, улар гоҳида ҳокимларга, гоҳида олимларга ва гоҳо мусулмонлар оммасига хитоб қилади. Бир сўз билан айтсак, амри маъруф, наҳий мункар олдида барча мусулмонлар масъулдирлар.
Амри маъруф ва наҳий мункар қилиш қуйидаги ҳужжатларга асосан мусулмонларга фарздир. Аллоҳ Таоло айтади:
كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللَّهِ
– “(Эй уммати Муҳаммад), одамлар учун чиқарилган миллатларнинг энг яхшиси бўлдингиз. Зеро, сиз яхши амалларга буюрасиз, ёмон амаллардан қайтарасиз ва Аллоҳга иймон келтирасиз. (Оли Имрон: 110)
Ҳузайфа ибн Яман ривоят қилишича, Пайғамбар ﷺ шундай деганлар: “Жоним қўлида бўлган Зотга қасамки, ё сизлар амри маъруф, наҳий мункарни албатта қиласизлар ё Аллоҳ Таоло Ўз тарафидан сизларга бир азобни юбориши яқиндир. Кейин унга дуо қилганларингизда дуоингиз ижобат бўлмайди”.
Пайғамбаримиз ﷺ ҳадисларидаги урғу берилаётган жиҳатларга тўхталсак, амри маъруф ва наҳий мункар қилишга таъкидли буйруқ келяпти. Бу ишни бажармасликни азобга ва дуонинг ижобат бўлмаслигига сабаб қилиняпти. Шунинг учун ҳам бу ишни қилишга талаб қатъий бўлаётир. Демак, амри маъруф, наҳий мункар мусулмонларга фарздир.
Бугунги жамиятни кўриб турибмизки, жамики бузуқликлар кун сайин урчиб бормоқда. Агар жамият мана шу даражада тубанлашса, зулм ҳаддан ошиб бузуқлик ёйилиб, сезгиларимиз ўлиб, зулм аламини сеза олмайдиган, бузуқликнинг бадбўй ҳидини ажрата олмайдиган бўлиб қолсак, дилларимиздаги иймонимиз заифлашиб, гуноҳлардан қўрқиш ҳисси ўлиб кетса, эртага буюк азобга грифтор бўлишимиз муқаррардир. Аллоҳ Таоло мусулмонларни амри маъруф ва наҳий мункар ишидан тўхтаб қолишларидан огоҳлантириб, балонинг фақат йўлдан озганлар ёки тойилганларгагина эмас, балки уларни қайтармаганларга ҳам, яъни ҳаммага келишини хабарини бериб шундай дейди:
وَاتَّقُوا فِتْنَةً لا تُصِيبَنَّ الَّذِينَ ظَلَمُوا مِنْكُمْ خَاصَّةً وَاعْلَمُوا أَنَّ اللَّهَ شَدِيدُ الْعِقَابِ
– “Ҳамда сизлардан фақат золим кимсаларнинг ўзигагина етмай, балки барчага баробар етадиган балодан сақланингиз! Ва билингизки, Албатта Аллоҳнинг азоби қаттиқдир!” (Анфол:25)
Мана шундай бир кунда турибмизки, жамиятдаги мувозанат издан чиққан, бунинг натижасида одамлар Аллоҳнинг буйруқлари ва тақиқларидан четлашиб, тубан бир аҳволга келди. Ушбу бузуқ воқеликдан чиқишнинг ягона йўли Росулимиз ﷺ кўрсатиб қўйган ҳамда амалга ошириб, бизлар учун қолдириб кетган йўлларидир. Яъни Аллоҳнинг китоби ҳамда Пайғамбар ﷺнинг суннатлари асосида бошқариладиган Халифалик давлатидир. Бироқ бундай буюк ишни шахсий суратда амалга ошириш имконсизлиги барчага аёндир. Шундай экан, бу ишни ўз гарданига олган Ҳизб ут-Таҳрир партияси билан биргаликда фаолият қилинг, уни қўллаб-қувватланг.
Ҳизб ут-Таҳрир Аллоҳнинг изни ва мадади ила тўғри йўлдаги Халифаликни Ислом диёрларида барпо қилиш орқали Исломий ҳаётни қайта тиклаш учун оғишмай, бардавом ҳаракат қилишга азму қарор қилган. Золимларнинг зулми, қамашлару ҳибсга олишлари, ҳатто шаҳидликка олиб борувчи қийноқлари ҳам уни бу йўлдан қайтара олмайди. У Аллоҳнинг фазлу марҳамати ила мўмин бандаларига нусрат беришига, ҳаддидан ошган золимларни эса, хорлигу азобга гирифтор қилишига чин дилдан ишонади ва кўнглини хотиржам қилади. Жамоанинг ушбу эзгулик ишларида уларга ёрдам беринг ва содиқлар билан бирга бўлинг. Чунки улар Аллоҳ Субҳанаҳунинг нусратидан кўнгиллари хотиржам ҳолда У зотнинг ризолигини истаб, ўзларини бахш этган мўминлардир. Шояд, ушбу эзгу ишингиз туфайли Аллоҳ Субҳанаҳу ҳузурига ёруғ юз билан кириб борсангиз. Аллоҳ Таоло айтади:
وَلَيَنصُرَنَّ اللَّهُ مَنْ يَنصُرُهُ إِنَّ اللَّهَ لَقَوِيٌّ عَزِيزٌ
– “Албатта, Аллоҳ Ўзига (яъни динига) ёрдам берадиган зотларни ғолиб қилур. Шубҳасиз, Аллоҳ кучли, қудратлидир” (Хаж:40)
#ReturnTheKhilafah / #أقيموا_الخلافة / #YenidenHilafet
#TurudisheniKhilafah / #خلافت_کو_قائم_کرو
Ҳизб ут-Таҳрирнинг Ўзбекистондаги матбуот бўлими. Зайниддин
25.02.2021й
Халифалик давлатини тилларингизга жойлаган Аллоҳга ҳамдлар бўлсин!
Ғарбнинг фисқ-фасод омили бўлмиш лойиҳаларини амалга оширишда Халқаро меҳнат ташкилотининг роли
Насроний ва кофирларни байрамлари билан табриклаш тўғрисидаги саволга жавоб
Республика президентлиги сайловлари ҳукми