Стокгольм муниципалитети Ҳизб ут-Таҳрир – Швеция уюштирган форумни бекор қилди
بِسْمِ اللهِ الرَّحْمٰنِ الرَّحِيمِ
Стокгольм муниципалитети Ҳизб ут-Таҳрир – Швеция уюштирган форумни бекор қилди
Стокгольм муниципалитети швед ижтимоий хизмати томонидан болаларни ўз оилаларидан мажбуран тортиб олинаётганига оид Ҳизб ут-Таҳрир – Швеция уюштирган форумни бекор қилди.
Бу борада Ҳизб ут-Таҳрир – Швеция матбуот бўлими чиқарган баёнотда бундай дейилади:
«Сўз эркинлиги швед конституцияси билан ҳимояланган. Шунга қарамай, қачон ҳокимият ва полициядан жиноятлари тўғрисида ҳисоб сўраладиган бўлса, улар «эркинлик муқаддас», деган иддаоларини унутишади-қолади! Сиёсатчилар билан оммавий ахборот ходимлари айблов бармоқларини Исломга ўқталишиб, муаммонинг асл ҳақиқатидан одамлар диққатини буришга уринишяпти. Ҳолбуки, асл жиноят оилалардан болаларини зўрлик билан тортиб олиш бўлиб, бу оилаларни вайрон қилувчи ғайриинсоний қилмишдан бошқа нарса эмас. Оилалар ўз фарзандлари қўрқитилишини танқид қилишга ва бунга чек қўйилишини талаб қилишга тўла ҳақлидирлар. Бироқ, сиёсатчилар эса, швед мамлакатининг бундай сиёсатини танқид қилиш у ёқда турсин, ҳатто уни қўллаб-қувватлашяпти, ваҳоланки, бу сиёсатни юртда одатга айланган исломофобия ва мажбурий интеграция сиёсати, деб тушуниш мумкин, бундан бошқача тушунилмайди!».
Баёнотда яна қўшича қилинди:
«Оммавий ахборот воситалари билан сиёсатчилар бу сиёсатни танқид қилганлар овозини ўчиришмоқчи. Шунинг учун Ҳизб ут-Таҳрир – Швеция томонидан уюштирилган форум иккинчи марта бекор қилинди… Шундай экан, Швеция билан ҳокимиятни танқид қилган мухолифларни бостираётган бошқа полиция давлатлари ўртасида нима фарқ бор?! Швеция Хитойга тақлид қиляптими, у мусулмонларнинг фарзандларини қамоқ лагерларига ташлаётган Хитой режимига ўхшамоқчими?!
Шубҳасиз, бундай сиёсат заифлик аломати бўлиб, Ғарбнинг даъволари ёлғонлигини ва кенгбағирлиги сохта эканини фош этмоқда.
Роя газетасининг 2022 йил 23 феврал чоршанба кунги 378-сонидан
