Таъзия

      Биз чуқур қайғу ва изтироб билан юртимиз мусулмонларига, Ислом Умматига ва хоссатан Ўзбекистон қамоқларида елкадош бўлган азизларимизга биродаримиз Абдулин Шамил Шавкатовичнинг вафоти муносабати билан таъзиямизни изҳор этамиз!

    Биродаримиз Шамил, 1967 йили таваллуд топган. Ёшликдан жиноят оламида танилиб, Ўзбекистон Рес. Жиноят кодексининг 169 моддаси билан   қамалган ва қамоқхоналарда Ҳизб ут-Таҳрир Исломий сиёсий партияси сафига кириб, ҳидоят топган эди. У ўзининг зукколиги билан фикрларни тез ўзлаштириб, собит йигитларимиз қаторида кўп маротаба оммавий қийноқлардан собит чиққан мард йигитларимиздан бири бўлган эди. Биродаримиз, қамоқхоналардаги  синовлардан бир неча бор оғир жароҳатлар олган ва озодликка ўша асоратлар билан чиққан эди. Қамоқдан чиққач, уйланиб, биринчи маротаба оила қуриб, эндигина намунали ҳаётга қадам қўйган эди. Ва бугун 29.12.2023 йил Жума куни омонат жонни Роббул оламинга топширди.
    Бизлар биродаримиз хусусида оиласига ва барча мусибатларда елкадош бўлган биродарларимизга сабру жамил тилаймиз. Ва Шамил дўстимизни Жаннатда қамоқларда шаҳид кетган дўстларимиз билан бирга қилишини тилаб, дуо қилиб қоламиз.

إنا لله وإنا إليه راجعون

   – “Албатта, биз Аллоҳникимиз ва албатта биз Унга қайтгувчилармиз”. 

Ҳизб ут-Таҳрир Ўзбекистон матбуот бўлими
29.12.2023