Трамп Американинг мустамлакачилик ҳақиқатини фош қилди 

Америка президенти Трамп мамлакатининг Венесуэла нефти захираларидан 65 миллиард баррелдан ортиқ миқдорда ўзлаштириб олганидан фахрланиб, шундай деди: «Давлат котиби Рубио ва ҳарбий вазир Хегсет менинг кўрсатмам асосида ҳаракат қилиб, Венесуэлада тасдиқланган нефть захираларининг асосий қисми — 65 миллиард баррелдан ортиғи устидан Америка назоратини таъминлашга муваффақ бўлдилар. Бунда Америка солиқ тўловчилари учун ҳеч қандай харажат бўлмади».

Шу муносабат билан Ҳизб ут-Таҳрир марказий матбуот бўлими баёнот бериб, шундай деди:

«Трамп ўз мамлакати қўшни бир давлатнинг бойликлари ва нефтини ҳеч қандай ҳақ-ҳуқуқ ва асосга эга бўлмаган ҳолда, фақат Америка ундан кучли бўлгани учун тортиб олгани билан мақтаниб, ҳеч қандай пардани қолдирмади. Шу тариқа у кучсизни кучли еб қўядиган ўрмон қонунини намоён қилди!

Американинг ҳақиқий моҳияти сир ҳам, янги ҳам эмас. Бу моҳият унинг ташкил топганидан бери мавжуд. Зеро, Америка европалик асосчилар томонидан ўлдирилган миллионлаб туб аҳоли вакилларининг бош суяклари устига барпо этилган.

Америка моҳияти ўтган асрнинг иккинчи ярмидан кейин, у ўз яккалиги ва изоляциясидан чиқиб, дунё давлатларини мустамлака қилишга киришганида, ўзининг энг хунук қиёфасида намоён бўлди. У мусулмонлар юртларини босиб олди ва уларнинг кўпини мустамлака қилди. Халқларига малай ҳукмдорларни бошлиқ қилиб қўйди. Улар эса халқларни оғир азобларга гирифтор қилиб, юртларни қашшоқлаштирди ва бойликларини талон-торож қилди. Натижада мусулмонлар юртлари қашшоқлик, очлик ва қолоқликнинг мисолига айланди!

Ваҳоланки, уларнинг юртлари бойликлар, нефть, газ ва турли маъданларга тўлиб-тошиб ётибди. Шунга қарамай, бу халқлар электр, сув, нон, дори-дармон ва энг оддий эҳтиёжлар тақчиллигидан азият чекмоқда. Чунки уларнинг бойликларини ҳукмдорлар томонидан мустамлакачи Америка ва Европани тўйдириш учун ўғирланмоқда!»

Шунинг учун бутун дунё халқлари барча халқларга адолат ва раҳм-шафқатни қайта тиклайдиган, Трамп каби мустамлакачилар, такаббурлар ва золимларнинг илдизини қирқадиган Рошид Халифалик давлатига ниҳоятда муҳтож.

Ислом инсоннинг қадр-қимматини юксалтиради ва уни зулмат, қашшоқлик ҳамда тангликдан нур, раҳм-шафқат ва фаровонлик сари олиб чиқади. Мусулмонлар тарихи ва уларнинг давлати бунга гувоҳдир.

Зеро, қизил танли билан қора танлини, араб билан ажамни, фақир билан амирни тенг қилган ҳам Исломдир. Ислом давлати бирор юртни фатҳ қилганида, уни талон-торож ва мустамлакачилик асосида эмас, балки унга ғамхўрлик, хизмат ва адолат кўрсатиш асосида ўз давлати таркибига қўшар эди. Бу Аллоҳ таолонинг қуйидаги қавлини рўёбга чиқаришдир:

﴿وَمَا أَرْسَلْنَاكَ إِلَّا رَحْمَةً لِّلْعَالَمِينَ﴾

«Биз сизни оламларга фақат раҳмат қилиб юбордик» (Анбиё сураси, 107)

Роя газетасининг 2026 йил 9 сентябр чоршанба кунги 616-сонидан