Трампнинг агрессив сиёсатларига жавобан: Европа ҳукмдорлари майдонга чорламоқда, мусулмонлар ҳукмдорлари эса лаганбардорлик қилмоқда
بِسْمِ اللَّـهِ الرَّحْمَـٰنِ الرَّحِيمِ
Роя газетаси:
Трампнинг агрессив сиёсатларига жавобан: Европа ҳукмдорлари майдонга чорламоқда, мусулмонлар ҳукмдорлари эса лаганбардорлик қилмоқда
Абу Ҳамза Хутвоний қаламига мансуб
Трампнинг ташқи агрессив сиёсатларига қарши бутун дунёдаги ғайримусулмонлар тарафидан танқидий овозлар янграётган бир пайтда, ирқчи маъмуриятнинг, хусусан мусулмонларга қарши агрессив ҳаракатлари ва баёнотлари қаршисида исломий олам давлатларида мутлақ сукунат ва ажиб бир жимлик ҳукмрон… Чунки, мусулмонлар ҳокимларининг деярли овози эшитилмади.
Европаликлар кескин чиқишлар қилди. Масалан, уларнинг вакили сифатида, Европа кенгаши раиси Дональд Туск 2017 йил 2 февралда Мальта пойтахти Валлеттада бўлиб ўтган Евроиттифоқ конференциясида «Европа қитъаси келажаги хавф остида. Евроиттифоқ парчаланиши тарихий фожеа бўлиши мумкин. Шу боис европаликлар муваффақиятсизликка учрамасликлари учун бирлашмоқлари лозим», деди. У Трампнинг хатти-ҳаракатларини «хавотирланарли ва иттифоқ келажагига салбий таъсир кўрсатувчи», дея сифатлади. Бундан олдин Германия канцлери ҳам «Европа тақдири фақат ўз давлатлари қўлида», деган эди. Трампнинг Европага қарши қилган салбий баёнотларига Франция президенти «Евроиттифоқ нима қилиши кераклигини ўргатувчи хорижий насиҳатларга муҳтож эмас», дея жавоб қайтарди.
Бунинг муқобили ўлароқ, юртлари Трампнинг ирқчи маъмурияти ҳужумига бошқа давлатлардан кўра кўпроқ нишон бўлаётган ҳукмдорларни эса, шармандаларча ялтоқлик, лаганбардорлик ва итоатгўйлик қилаётганига гувоҳ бўляпмиз. Бугун олтита араб давлати билан Эрон фуқаролари арзимас сабаблар билан АҚШ ерларига қадам босишдан ман этилди… Исломий халқларга қарши яқин келажакда энг қаттиқ чора кўриш учун тайёргарлик кўрилмоқда… Мусулмон жамоалар таҳқирланиб, эътиқодларига ҳужум қилинмоқда… Ҳукмдорларимизни эса ҳеч нарса қилишмаётганини, қилмоқчи ҳам эмаслигини кўриб турибмиз. Негаки, улар мусулмонларнинг таҳқирланишига рози, уларга зарар етишига парво ҳам қилиб қўйишмайди… Зотан, ёлланган разил малайлар аҳволи мана шундай бўлади.
Трамп маъмурияти мусулмонлар ва уларнинг юртларига нисбатан душманлигини яширмай очиқ-ошкор кўрсатаётиб, Ислом ва мусулмонларга нисбатан тишларини қайраётганига қарамай, исломий юртлар ҳукмдорлари ҳеч қандай ҳаракат қилишмади, кофир Американинг очиқчасига қилаётган адоватига қарши курашиш лозимлиги ҳақида ҳатто ўйлаб ҳам кўришмади.
Дональд Трамп ўзининг президентлик инаугурациясида қилган биринчи нутқидаёқ, «Бутун дунё экстремистик исломни ер юзидан ўчириб ташлаш учун бирлашади», дея исломий оламга ҳеч қандай чегарани билмайдиган салибчилик провокациясини қилди. Ҳали лавозимига ўтирмасдан туриб, Саудияни «Олтин ва доллар берадиган соғин сигир», деб атади, «Агар бу сигир сутдан қолиб, олтин ва доллар бермай қўйса, сўйиб юборамиз ёки бошқаларни сўйишга буюрамиз. Бу Американинг дўсту душманига, энг аввало Оли Саудга яхши маълум ҳақиқатдир», деди. У Саудия режимига қарата юзсизларча «Америка кучлари Оли Саудни ички ва ташқи жиҳатдан ҳимоя қилаётгани учун тўлов сифатида бойлигининг тўртдан бирини тўлаши керак», деди.
Унинг миллий хавфсизлик бўйича маслаҳатчиси Майкл Флинн эса, доим Исломни ҳақорат қилиб гапириши билан танилган. «Ислом саратон касаллиги», «Яқин ўн йиллик ичида ислом билан уруш ҳолатида бўлганмиз», «Мусулмонлардан қўрқиш мантиқий ҳол», «Мен араб ва форс олами раҳбарларини журъатли бўлишга ҳамда исломий фикрлар ўзгартириш керак бўлган касал фикр эканини тан олишга чорлайман»… каби сўзлари шулар жумласидан. Чунки бу кимса ҳужумда Ислом билан мусулмон ўртасини ҳам, ҳоким билан маҳкум ўртасини ҳам ажратиб ўтирмайди. Ҳаммага баравар ҳужум ва баравар душманлик қилади, исломий юртлардаги малай ҳукмдорларни сариқ чақага олмай, ҳақоратлайди, устларидан кулади…
Бироқ бу душманлик очиқ кўриниб туришига қарамай, ҳукмдорларимиз ва уларнинг жарчи ахборот воситалари баёнотларидан уларнинг Америка билан ҳамкорликни давом эттиришга, экстремистик ислом дея аталган нарсага қарши курашда у билан ҳамкорлик қилишга ҳарис эканликлари кўриниб турибди. Масалан, Миср президентлиги вакили Сафир Ало Юсуф бундай деди: «Сисий Американинг Ўрта Шарқ институтидан ташриф буюрган делегацияси билан учрашуви чоғида Мисрнинг Вашингтон билан муносабатларни қайта тиклашни жуда истаётганини ҳамда буни келаси яқин муддат ичида мустаҳкамлаб, АҚШнинг янги маъмурияти билан мувофиқлашувни кенгайтириш сари кескин қадамлар ташламоқчилигини таъкидлади». Ало Юсуф яна «Мисрнинг террористик ташкилотларга қарши мафкуравий курашдаги роли Азҳар Шариф етакчилигидаги Миср муассасаларининг диний маърузаларни тўғрилашлари орқали амалга ошади», деди.
Саудия энергетика вазири Холид Фолиҳ бўлса, Би-Би-Си радиосига берган интервьюсида АҚШ президенти Дональд Трампнинг олти давлат ва Эрон фуқароларини Америкага киритмаслик тўғрисидаги қарорини ҳимоя қилди ва жумладан, «АҚШнинг ўз халқи хавфсизлигини таъминлашга ҳаққи бор ва ҳар қандай давлат ўз халқи дуч келаётган хавфни йўқ қилишга ҳақли», деди. Америка-Саудия ўртасидаги муносабатларни «кучли», «ғоят чуқур», дея мақтади ҳамда Қўшма Штатларни «иқтисодий ва стратегик масалаларни биргаликда ҳал этиш»га чақирди.
Бирлашган Араб Амирликлари ташқи ишлар вазири Абдуллоҳ ибн Зайдон Оли Наҳён ҳам Абу Дабида берган матбуот конференциясида «Давлатларнинг ўз сиёсий қарорларини қабул қилишга ҳақлари бор. АҚШ ҳам қарорларини мана шундай сиёсий қарорлар доирасида қабул қилди», деди. Сўнг «Унинг қарорларига нисбатан гўё муайян динга қарши қаратилган, деган тасаввур уйғотишга уринишлар ҳам йўқ эмас»лигини қўшимча қилди ва «Бу нотўғри гап», дея таъкидлади.
Иордания қироли бўлса, Исломга қарши курашда Трампга биринчи бўлиб байъат бериш учун Америкага чопиб борди.
Судан ташқи ишлар вазири Америка-Судан ўртасидаги разведка алоқалари чуқурлашаётганини билдириб, ўз мамлакатига америкалик хўжайинларининг ортиқча кўп санкциялар қўймасликларига умид қилаётганини таъкидлади.
Шундай қилиб, биз кўряпмизки, исломий юртлар ҳукмдорлари Трампга хушомадгўйлик қилиб, уларни шунча ҳақоратлаётганига қарамай, унинг оёқлари остига тиз чўкишяпти. Биз уларнинг ўзлари ва халқларига қарши Трамп олиб бораётган душманлик сиёсатларини қўллаб-қувватлашаётганига ҳамда яққол равишда уларни провокация қилиб, нишонга олиб, чиқараётган унинг қабиҳ қарорларини оқлашга уринишаётганига гувоҳи бўляпмиз.
Наҳотки, шу даражада хор бўлишса?! Наҳотки, хорликка шу даражада кўникиб қолишган бўлса?!
Бу ориятсиз ҳукмдорларнинг шунча расволик ва ялтоқликларидан сўнг, энди, мусулмон халқлар уларни тахтдан ағдариш ва уларга тобеликдан қутулиш учун қайта қўзғолон бошлашлари вақти келмадими?!
Шубҳасиз, бугун бу ювиндихўр ҳукмдорлар шармандалиги яққол кўриниб қолган экан, энди улар билан сулҳ тузиш, келишиш тўғрисида гап бўлиши ҳам мумкин эмас, буни оқлаб ҳам бўлмайди. Ҳар қандай ақлирасо ва холис мусулмондан улар билан сулҳ тузиш, келишиш, деган нарса содир бўлишини асло қабул қилиб бўлмайди. Бугун ушбу мазлум халқлар олдида қўзғолон кўтариш ва ўзгартиришдан ўзга йўл қолмади.
Роя газетасининг 2016 йил 8 феврал чоршанба кунги 116-сонидан
