Туркия олдида Ислом Уммати сафига ўтишдан ўзга альтернатив йўқ
بِسْمِ اللَّـهِ الرَّحْمَـٰنِ الرَّحِيمِ
Роя газетаси:
Туркия олдида Ислом Уммати сафига ўтишдан ўзга альтернатив йўқ
Туркия бош вазири европаликларни ўз мамлакати олдида альтернативлар кўп эканидан огоҳлантирмоқда
Анқара – «АФП»: Кеча шанба куни Туркия бош вазири Бинали Йилдирим Европа Иттифоқидан иккитомонлама алоқалар тобора таранглашаётган бир пайтда, Туркиянинг олдида альтернативлар кўплигини унутмаслигини талаб қилди. Йилдирим бу қандай альтернатив эканини очиқламади, бироқ Туркиянинг Москва билан яқинлашаётгани Ғарбда хавотир пайдо қилмоқда. У Адолат ва Тараққиёт партияси съезди чоғида «Туркияда доим альтернатив бор, Европа унутмасин: талабларни кўпайтиравериш нафрат пайдо қилади», деди. Туркия Европа Иттифоқига аъзо бўлишга ўтган асрнинг олтмишинчи йилларида уринган, лекин расмий музокаралар фақат 2005 йилда бошланган. 35 та шартнома моддасининг 16тасидагина иш бошланди, холос. Июл ойи ўртасидаги инқилобга уриниш ҳодисаси ортидан Анқара билан Брюссел ўртасидаги муносабатлар таранглашди, Европага келувчи муҳожирлар кризисига оид битим доирасида октябр бошидан бошлаб, туркларнинг Европага виза билан киришларини бекор қилинишига Европа рози бўлмади. Туркия Европа Иттифоқини танқид қилди, чунки у инқилобга уриниш ортидан Европа Иттифоқидан қўллаб-қувватлов кутганди. Аммо у Туркияни инқилобда қатнашганлик айблови қўйилганларга қарши бошлаган кенгкўламли репрессияси учун танқид қилди. (Ахбару Холиж).
Роя газетаси шарҳи:
Туркия ҳукумати олдида Европа Иттифоқи, АҚШ, Россия, барча Ғарб давлатлари ва уларнинг мустамлакачилик ташкилотларию ҳайъатлари қаршиcида қабул қиладиган фақат битта альтернатив бор, ҳатто Эрдоганга қабул қилмоғи фарз бўлган фақат битта танлов бор, у ҳам бўлса Исломдир, Ислом Уммати тарафига ўтиш танловидир. Бу – башарият таниган ва танийдиган, энг тараққий топган ва энг буюк сиёсий тузумга оид, яъни Пайғамбарлик минҳожи асосидаги рошид Халифалик тузумига оид танловдир. Чунки бутун башарият шу тузумга имон келтиради, шу тузум остига кириб, ихтиёрий ва мажбурий тарзда унга итоат қилади. Бироқ Эрдоган Аллоҳнинг тўғри йўлидан бошқа ҳамма йўлга эргашди, шу билан Аллоҳнинг йўлидан узилди.
وَأَنَّ هَـٰذَا صِرَاطِي مُسْتَقِيمًا فَاتَّبِعُوهُ ۖ وَلَا تَتَّبِعُوا السُّبُلَ فَتَفَرَّقَ بِكُمْ عَن سَبِيلِهِ ۚذَٰلِكُمْ وَصَّاكُم بِهِ لَعَلَّكُمْ تَتَّقُونَ
«Албатта, мана шу Менинг Тўғри Йўлимдир. Бас, шу йўлга эргашинглар, (бошқа) йўлларга эргашмангизки, улар сизларни Унинг йўлидан узиб қўяр. Шояд тақво қилсангиз, деб сизларни мана шу нарсаларга буюрди» [Анъом 153]
Роя газетасининг 2016 йил 26 октябр чоршанба кунги 101-сонидан
