Ўлик денгизи саммити ҳам денгиз номи каби ўлик саммит бўлди
بِسْـــمِ اللهِ الرَّحْمٰـــنِ الرَّحِيـــم
Матбуот баёноти
Ўлик денгизи саммити ҳам денгиз номи каби ўлик саммит бўлди
Араб давлатлари раҳбарлари Араб давлатлари Лигасининг навбатдаги йигирма саккизинчи саммитида қатнашиш учун Иорданияга етиб келди. Афтидан, анжуман ўтказилаётган жой Ўлик денгиз минтақаси деб аталганлиги ва паст жой бўлганлиги жиҳатидан, бу сафарги саммит ҳам Лиганинг ўликлигини ҳамда раҳбарларнинг ўлик, тубанликларини ўзида тамсил этди. Чунки Араб давлатлари Лигасидан на мусулмонлар, на араблар бирор наф кўрдилар. Масалалари устида, айниқса, Фаластин масаласи устида тил бириктирувдан бошқа фойда кўрмадилар. Бу саммитда ҳукмдорлар Фаластин масаласида ён бериш кетидан ён бериб, ушбу исломий масалани араб масаласига айлантиришди. Кейин конференциялари орқали уни фақат Фаластин аҳлига хос масалага ва уларнинг бирдан-бир қонуний вакили бўлиб олган Фаластин Озодлик ташкилоти эгаллаб олган масалага айлантиришди. Алал оқибат, 1948 йилда босиб олинган ерлари устида ён бериш, шу орқали Фаластиннинг 1976 йилда босиб олинган ерлари устида музокара қилиш мақсадида муборак заминнинг баъзи қисмларини бериб юборишга рози бўлишди. Бугун улар айни конференцияда янада кўпроқ ён беришни мақсад қилишган. Дарҳақиқат, Амун сайтининг 2017 йил 22 март кунги хабарига кўра, «Араб давлатлари Лигаси бош котиби Аҳмад Абу Ғит Фаластин режимининг шу ой охирида Аммон саммитига янги ечим лойиҳасини, яъни келишувга оид айрим фикрларни қайта кўриб чиқишни ўз ичига олган лойиҳани тақдим этишини билдирган эди. Лойиҳани Миср президенти Абдулфаттоҳ Сисий ҳам саммитдан бир неча кун ўтиб, Вашингтонда Дональд Трамп билан учрашганида унга етказди». Шунинг учун биз қатор Фаластиндан воз кечув жиноятларига қўшимча, навбатдаги хоинона жиноят жараёни манзарасида турибмиз.
Эй мусулмонлар!
Араб давлатлари Лигаси йиғинида ҳукмдорлар фақатгина Исломга қарши курашиш учун йиғилишади. Гарчи бу ҳукмдорлар бир-бирларига душманлик кайфиятида бўлсаларда, шунингдек кофир Ғарбга қай даражада малайлик қилишларига қараб, бир-бирлари билан шу даражада ихтилоф қилишсада, бироқ уларни битта нарса бирлаштириб туради. У ҳам бўлса, «терроризм»га қарши кураш ниқоби остида бир-бирлари билан ҳамда ғарблик хўжайинлари билан Исломга ва уни етказаётган даъват аҳлига қарши курашдаги якдилликдир. Бу курашларини илмонийликни тарқатиш учун ярим стандартлаштирилган дастур доирасида, диний тус берилган таълим дастурлари, мавъизалар ва лойиҳалар орқали амалга оширишади, Исломнинг соф беғубор тушунчалари ва аҳкомларини тушунарсиз-хира қилишга уринишади.
Эй мусулмонлар!
Бу Араб давлатлари Лигаси, дея номланган иттифоқ, мусулмонлар ўртасини бўлиб парчалаш ва Исломий Умматнинг Ислом асосида бирлашишига тўсқинлик қилиш мақсадида тузилган. Чунки у мустамлакачи кофир ясаган чегаралар ҳамда миллийлик асосига таянган. Бу лига кофир Ғарбнинг, хусусан Американинг минтақадаги лойиҳаларини амалга оширишдаги бир қурол бўлиб, Араб ҳукмдорлари то Америка рухсат бермагунча ўзаро иттифоққа келишмайди. Шунинг учун уларнинг учрашув ва иттифоқлари Ислом Умматига бало ва вайроналардан бошқа нарса келтиргани йўқ.
Шундай бўлгач, арабу ажам дохил барча мусулмонлар учун битта имом раҳбарлиги остидаги битта давлат, Пайғамбарлик минҳожи асосидаги давлат бўлмоғи лозим. Мустамлакачи кофир мана шу ювиндихўр ҳукмдорлар қўли билан юртларимизда содир этган бошбошдоқлик ва хорлик, фақат ушбу давлат билангина йўқ бўлади. Фақат шу давлат билангина Ислом ўзининг улуғвор маконига қайта эгалик қилади, заминига ва у ердаги бойликларга ўзи эгалик қилади. Бу заминлари Абу Бакр Сиддиқ, Умар Форуқ, Холид ибн Валид, Салоҳиддин Айюбий, Қутз ва Муҳаммад Фотиҳ сингари асл эр ўғлонлари қўли билан қайта Аллоҳнинг шариати билан бошқарилади.
Ҳизб ут-Таҳрирнинг
Иорданиядаги матбуот бўлими
E-Mail: info@hizb-jordan.org
