Матбуот баёноти

Уммат ва унинг қўшинлари ёрдам бериш учун қўзғалмас экан, Фаластин болалари қиёмат куни уларнинг ёқасига осилади

Боно Амжад Бакр исмли 13 ёшли қиз 2024 йил 6 сентябр, жума куни кечқурун шаҳид бўлди. Унинг шаҳид бўлиши Ғарбий Соҳилнинг Наблус жанубидаги Қарют қишлоғида кўчманчи яҳудийларнинг армия ҳимояси остида ҳужум қилиб, қизнинг кўкрак қафасига жанговар қуролдан ўқ узиши натижасида содир бўлди. Шаҳиднинг отаси қизнинг ўз сингиллари билан хонасида ўтирган пайтда отиб ўлдирилганини айтди. Фаластин соғлиқни сақлаш вазирлиги маълумотларига кўра, Боно Бакрнинг шаҳид бўлиши билан Ғарбий Соҳилдаги шаҳидлар сони ўтган йилнинг 7 октябридан бери 692 нафарга етди, улардан 159таси болалардан иборат.

Яҳудий вужуди ҳамда унинг кўчманчи подалари Ғазо сектори ва Ғарбий Соҳилда муборак замин аҳолисига қарши – каттаю кичик, ёшу қарини ажратмасдан – қирғин ва шафқатсиз ҳужумларни амалга оширишда давом этмоқда. Ўз уйи ёки ташқарида ҳеч ким хавфсиз эмас. Мана, ўқ Бонога ҳатто уй ичкарисида ҳам етиб борди. Бу Ғазода уй-жойларни аёллар ва болалари билан қўшиб вайрон этаётган қонхўр вужуд учун оддий ҳол.

Бу қонхўр вужуд ҳамда унинг кўчманчи подаси ўзларининг шафқатсизлиги ва золимлигида ҳеч қандай чегарани билмаяпти. Чунки Ислом Уммати ҳалигача сукут сақламоқда ҳамда Росулуллоҳнинг Исро масканларини озод этиш, Ғазодаги геноцидни тўхтатиш ва бутун муборак замин аҳлидан зулмни бартараф этиш учун ҳалигача ҳаракатга келгани йўқ. У айни шафқатсиз жиноятларни кузатишда давом этиб, мазлум биродарларига ёрдам беришга тўсқинлик қиладиган тўсиқларни олиб ташлаш учун ҳеч қандай чора кўрмаяпти. Уларга ёрдам бериш эса исломий юртлардаги, хусусан, Миср ва Иорданиядаги малай ҳукмдорларни ағдариш билан бўлади. Чунки шулар қонхўр яҳудий вужуди билан тил бириктириб, унинг чегараларини мудофаа қиляпти, Уммат ва армиясини биродарларига ёрдам бериш сари қўзғалмаслиги учун кишанлаб туришибди. Бас, Уммат зудлик билан мана шу малайларни тахтларидан ағдариши ва мустамлакачилар ўрнатган сунъий чегараларни парчалаб ташлаши керак. Зеро, бу чегаралар Ислом Умматини бўлиб-парчалаш мақсадида ўрнатилган. Ваҳоланки, Росулуллоҳ ﷺ Уммат аъзоларидан бири дардга чалинса, қолган аъзолар ҳам иситмалаб бедор бўладиган бир тану бир жон эканини марҳамат қилганлар.

Ҳа, уларнинг зулму туғённи бунчалик қатъий давом эттираётганликларига исломий юртлардаги армияларимизнинг анави ювиндихўр ҳукмдорлардан тонмаётганлиги ҳамда Уммат сафига ўтмаётганлиги сабабдир. Шунингдек, Роббиларини рози қилишга ҳаракат қилмай, қардошларига нусрат-ёрдам бермай, бу қонхўр вужудни йўқ қилмаётгани сабаб бўлмоқда. Бу армиялар сафидаги холис ҳарбийларимиз бу ишни ҳозир қилишмаса, қачон қилишади?! Ғазолик қардошлари шундай аҳволда бўлсалар-у, уларга нусрат қўлини чўзишга ва зулмдан қутқаришга қодир бўла туриб, қандай қилиб тинч-хотиржам юрибдилар?!

Эй бутун Ислом Уммати, хусусан куч-қудрат аҳли!

Агар ўша тахтларни вайрон қилиб, армияларни ҳаракатга келтирмасангиз, у ҳолда  бу кичик қиз ҳамда жинояткор вужуднинг ваҳшийлигига учраган бошқа барча болалар ва бутун муборак замин аҳли қиёмат куни ёқангизга осилади. Сиз Аллоҳ ва Унинг жазосидан қутилгани жой тополмайдиган кунда улар эй Парвардигор, бизни Ислом Уммати ва армиялари ёрдамсиз ташлаб қўйди, дея шикоят қиладилар. Шундай экан, ўзингизга келинг ва шаръий бурчингизни бажаринг, шу билан дунёю охират азизлигига ноил бўлинг. Аллоҳ Субҳанаҳу ва Таолонинг халифа ва ғолиб қилишга оид ваъдаси ҳамда Росули ﷺнинг яҳудийларга қарши жанг қилиш ва муборак заминни озод этиш ҳақидаги башоратлари сизнинг қўлларингиз билан рўёбга чиқсин.

﴿يَٰٓأَيُّهَا ٱلَّذِينَ ءَامَنُواْ ٱسۡتَجِيبُواْ لِلَّهِ وَلِلرَّسُولِ إِذَا دَعَاكُمۡ لِمَا يُحۡيِيكُمۡۖ وَٱعۡلَمُوٓاْ أَنَّ ٱللَّهَ يَحُولُ بَيۡنَ ٱلۡمَرۡءِ وَقَلۡبِهِۦ وَأَنَّهُۥٓ إِلَيۡهِ تُحۡشَرُونَ﴾

«Эй мўминлар, Аллоҳ ва Унинг пайғамбари сизларни абадий ҳаёт берадиган нарсага (яъни, динга) даъват қилар экан, уни қабул қилинглар ва билингларки, шубҳасиз, Аллоҳ ҳар бир киши билан унинг қалби ўртасини эгаллаб турур ва шубҳасиз, Унинг ҳузурига тўпланурсизлар»                                   [Анфол 24]

Ҳизб ут-Таҳрирнинг марказий матбуот бўлими аёллар қаноти