Ушбу кунларимизда бизларга эслатилиши зарур бўлган баъзи хадислар ва булар билан боғлиқ фикрларимиз!
بسم الله الرحمن الرحيم
Ушбу кунларимизда бизларга эслатилиши зарур бўлган баъзи хадислар ва булар билан боғлиқ фикрларимиз!
Бугунги хаётимизга назар солиб сизларга қалбимда анча вақтдан буён сақланиб келаётган гапларимни ва булар билан боғлиқ хадисларни айтишга қарор қилдим. Умар розиаллоҳу анҳунинг муттафақун алайҳ ҳадисида Пайғамбар соллаллоҳу алайҳи васаллам шундай деганлар:
الْمُسْلِمُ أَخُو الْمُسْلِمِ لاَ يَظْلِمُهُ وَلاَ يُسْلِمُهُ, مَنْ كَانَ فِي حَاجَةِ أَخِيهِ كَانَ اللَّهُ فِي حَاجَتِهِ, وَمَنْ فَرَّجَ عَنْ مُسْلِمٍ كُرْبَةً فَرَّجَ اللَّهُ عَنْهُ بِهَا كُرْبَةً مِنْ كُرَبِ يَوْمِ الْقِيَامَةِ, وَمَنْ سَتَرَ مُسْلِمًا سَتَرَهُ اللَّهُ يَوْمَ الْقِيَامَةِ
«Мусулмон мусулмоннинг биродаридир. Унга зулм ҳам қилмайди, уни ташлаб ҳам қўймайди. Кимки биродарининг ҳожатини чиқариш йўлида бўлса, Аллоҳ унинг ҳожатини чиқариш йўлида бўлади, кимки бир мусулмоннинг хафалигини тарқатиб юборса, Аллоҳ унинг қиёмат кунидаги бир хафалигини тарқатиб юборади, кимки бир мусулмоннинг айбини ёпса, Аллоҳ қиёмат кунида унинг бир айбини ёпади».
Инсонларнинг хаётига чуқур назар ташлар эканмиз, унинг ожизлиги яққол кўриниб туради. Шу ожизлигидан келиб чиққан холда, ўз хаёти давомида ўзига рахбар, ишбошчи, йўлбошчи излайди. Шу нуқтаи назардан келиб чиққан холда, сизу биз мусулмонлар хаётимиздаги барча ишларимизда ибрат оладиган инсон бор, у ҳам бўлса етакчи рахбаримиз, дохиймиз Мухаммад соллаллоҳу алайҳи васалламдирлар. Биз бугунги кунда хаётимизда долзарб мавзулардан бирига айланиб бўлган, Ислом уммати орасида йўқолиб бораётган меҳр оқибатни тиклашга олиб борувчи бир хадис шархига тўхталамиз.
1. Бир мусулмон иккинчи бир мусулмонга зулм қилмайди, хамда уни ўз холига ташлаб ҳам қўймайди. Дунёдаги халқаро вазиятга назар ташлар эканмиз, бугунги кунда ер куррасининг бирор жойида мусулмон киши эътиқоди доирасида яшашликка имконят йўқ. Мустамлакачи ғарб барча Ислом юртларини босиб олган кундан эътиборан, мусулмонларга зулм қилишда бардавом бўлиб келмоқда. Аянчли жойи шундаки, бу зулмлар ижросини мусулмонлик даъвосидаги малай хокимлардан фойдаланмоқда. Бу хокимлар ўзларига буюрилган топшириқларни бажаришда, халқимиз ичидаги ўз динининг мохиятини тушунмаган, дўсту душманнинг фарқига бормайдиган дин кишилари сифатида намоён бўладиган инсонлардан, жамиятдаги инсонларнинг умумманфаатларини ўз манфаатлари олдида сариқ чақага илмайдиганлардан, хамда хаётда ўз йўлини топа олмайдиган, ҳукуматнинг манфур ишларида хизматчи бўлиб халол инсонларни жамиятдаги хурмат эътиборларини оёқ ости қилиш билан кун кўришга ўрганган хоинлардан фойдаланмоқда. Бундай кимсаларга огохлик урнида шуни айтамизки, Қиёмат кунида золимнинг қаламини учлаб берган инсонни пешонасига, Аллохнинг рахматидан йироқ деб ёзиб қуйилади. Бу ишларнинг акси бўлган ишни қилса, яъни бир мусулмонни обрўсини ғойибона ҳимоя қилса, у инсон хақида Пайғамбар соллаллоҳу алайҳи васаллам шундай деганлар:
مَنْ رَدَّ عَنْ عِرْضِ أَخِيهِ رَدَّ اللَّهُ عَنْ وَجْهِهِ النَّارَ يَوْمَ الْقِيَامَةِ
«Кимки биродарининг обрўсини ҳимоя қилса, қиёмат кунида Аллоҳ унинг юзидан ўтни қайтаради». Парвардигоро, бизларни бир биримизни химоя қилгувчи, бир бириларимизни яхши кўргувчилардан қилгин.
2. Кимки бир мусулмонни ҳожатини чиқариш йўлида бўлса, Аллоҳ унинг ҳожатини чиқариш йўлида бўлади. Яна бугунги кунимизга назар ташлаймиз. Ҳукумат томонидан хар ҳил тухматлар билан кўз ўнгимизда улғайиб вояга етган, ҳамшахар, ҳам махалла, хатто бир таълим даргохида тахсил олган дўстларимизни, ака укаларимизни зулм махкамаларига олиб кетаётганларга лоақал бу инсон сизлар ўйлагандек ёмон инсон эмас дейишга ярадикми? Хақиқатда, бу инсонларни айблари нима эди? Уларнинг дин душманларига ёқмаётган “айблари” битта, у ҳам бўлса роббим Аллоҳ деганларидир! Аҳир бу инсонлар сиз билан бирга яшамоқдалар, маст қилувчи ичимликларни ичмасалар, ёмон йўлга юрмасалар, ўғирлик, қароқчиликдан узоқда бўлсалар, ота оналарини розилигида юрган бўлсалар, оиласига, фарзандларига зулм қилмаса, қариндош уруғчилик, қўни қўшнилари билан яхши муносабатда юрган бўлсалар қандай қилиб халқ душмани деб обрўъсизлантиришларига жим сукут қилиб турасизлар? Шуни унутмангки соқов киши яъни хақиқатни кўриб тилини тишлаганлар Қиёмат кунида шайтонни хукмида тириладилар. Қачонгача хақиқатдан кўз юмамиз, бу ақлларни қачон ишга соламиз? Бир фикр қилиб кўрдингизми ёки гумрох кимсалар қаторида, ҳукумат кимни ёмон деса ёмон деб эргашиб кетаверасизми? Муслим ибн Умардан ривоят қилган ҳадисда Пайғамбар соллаллоҳу алайҳи васаллам шундай деганлар:
مَنْ كَانَ وُصْلَةً لأَخِيهِ الْمُسْلِمِ إِلَى ذِي سُلْطَانٍ لِمَنْفَعَةِ بِرٍّ أَوْ تَيْسِيرِ عَسِيرٍ أُعْيِنَ عَلَى إِجَازَةِ الصِّرَاطِ يَوْمَ دَحَضَ الأَقْدَامُ
«Кимки мусулмон биродарининг ҳожатини чиқариш ёки мушкулини осон қилиш учун салтанат эгасининг олдига алоқачи бўлиб борса, қадамлар тойиладиган кунда унинг кўприкдан ўтиб олишига ёрдам берилади».
Олтмиш ёки етмиш йилда ўтиб кетадиган бу арзимас дунёни деб, абадий саодатдан айрилиб қолманг! …
Кимки бир мусулмоннинг хафалигини тарқатиб юборса, Аллоҳ унинг қиёмат кунидаги бир хафалигини тарқатиб юборади, кимки бир мусулмоннинг айбини ёпса, Аллоҳ қиёмат кунида унинг бир айбини ёпади. Бошига мусибат тушган дўстингизни, яқинингизни, қўшнингизни холидан хабар олишга вақт ажрата олдингизми? Умар розиаллоҳу анҳунинг муттафақун алайҳ ҳадисида Пайғамбар соллаллоҳу алайҳи васаллам шундай деганлар:
الْمُسْلِمُ أَخُو الْمُسْلِمِ لاَ يَظْلِمُهُ وَلاَ يُسْلِمُهُ, مَنْ كَانَ فِي حَاجَةِ أَخِيهِ كَانَ اللَّهُ فِي حَاجَتِهِ, وَمَنْ فَرَّجَ عَنْ مُسْلِمٍ كُرْبَةً فَرَّجَ اللَّهُ عَنْهُ بِهَا كُرْبَةً مِنْ كُرَبِ يَوْمِ الْقِيَامَةِ, وَمَنْ سَتَرَ مُسْلِمًا سَتَرَهُ اللَّهُ يَوْمَ الْقِيَامَةِ
«Мусулмон мусулмоннинг биродаридир. Унга зулм ҳам қилмайди, уни ташлаб ҳам қўймайди. Кимки биродарининг ҳожатини чиқариш йўлида бўлса, Аллоҳ унинг ҳожатини чиқариш йўлида бўлади, кимки бир мусулмоннинг хафалигини тарқатиб юборса, Аллоҳ унинг қиёмат кунидаги бир хафалигини тарқатиб юборади, кимки бир мусулмоннинг айбини ёпса, Аллоҳ қиёмат кунида унинг бир айбини ёпади».
Ҳизб ут-Таҳрирнинг Ўзбекистондаги медиа офиси Зайниддин
24.03.2015й.
