بسم الله الرحمن الرحيم

Хабар ва изоҳ

Ўзбек режими халқни қўрқув остида ушламоқчими?

Хабар: Ўзбекистондаги “дарё уз” сайти 8 июн 2022 йилда қуйидаги хабарни тарқатди:

Тошкентда қўпорувчилик ҳаракатини режалаштирган экстремистик гуруҳ қўлга олинди

Ўзбекистонда 2022 йилда ИШИД ҳамда «Тавҳид ва жиҳод катибаси» халқаро террорчилик ташкилотлари жангариларига алоқадор 4 та яширин гуруҳ, якка тартибда радикаллашиб, экстремистик ташкилот ва оқимлар ғояларини тарғиб қилиб келган 10 та виртуал гуруҳ ҳамда 250 нафар экстремистик гуруҳ аъзолари аниқланиб, уларнинг ноқонуний фаолиятига чек қўйилди. Бу ҳақда Тошкент шаҳар ИИББ ахборот хизмати хабар берди.

Изоҳ: ўзбек режими ташқи сиёсатда кўпвекторли сиёсат йўлини тутаётган  бўлса, ичкарида мусулмонларга нисбатан “ширинлик ва қамчи”сиёсатини юргизмоқда. Яъни бир томондан қамоқларда узоқ йиллар ётган мусулмон сиёсий маҳбусларни озод қилаётган бўлса, бошқа томондан мана шундай айбловлар билан мусулмонларни ҳибсга олмоқда. Соқолли ёшларни милиция пунктларига мажбуран олиб бориб, соқолни қириб ташлашга мажбурлаш рейдлари ҳам ўтказилмоқда. Ўқув юртларида ҳижобга қаршилик ҳамон давом этмоқда. Ўзбек режими шундай сиёсат орқали халқни алдаш ва қўрқув остида ушлаб туришни кўзлаётган кўринади. Халқни қўрқув остида ушлаш макиавеллича сиёсат бўлиб, ўзбек режими бундай сиёсатни албатта Россия, Америкадаги хўжайинлари, ғарб мустамлакачилари кўрсатмаси билан юргизишида шубҳа йўқ. Чунки бутун дунёда бўлгани каби, Ўзбекистонда ҳам мусулмонлар Ислом ҳукмлари билан яшашга интилмоқда. Бу эса ана шу мустамлакачиларнинг, жумладан рус мустамлакачининг ҳам тинчини бузмоқда. Мирзиёев режими Россияни рози қилиш учун вақти-вақти билан мусулмонларга қарши мана шундай ишларни амалга оширмоқда. Россия учун Ўрта Осиё, хусусан Ўзбекистон муҳим минтақа ҳисобланади. 2022 йил 17 майда Россия ташқи ишлар вазирининг ўринбосари Андрей Руденко “валдав” халқаро дискуссия клубининг Марказий Осиёга бағишланган 2-конференциясида Марказий Осиё Россиянинг янги ташқи ишлар концепциясида бундан кейин ҳам муносиб имтиёзли ўринни эгаллашини айтди. “Терроризм”га, яъни Исломга, аниқроқ қилиб уларнинг тили билан айтганда “сиёсий Ислом”га қарши кураш, яъни Исломий давлат бўлиши зарурлиги ҳақидаги, Умматнинг бирлиги, иқтисод, ижтимоъ ва бошқа соҳалардаги ички ишлар, ташқи савдо, жиҳод, шартномалар ва ҳоказолар каби ташқи ишларга тааллуқли Шариат фикрлари ва ҳукмларига қарши кураш эса Россия, Америка ва ғарбнинг стратегик вазифасидир. Шунинг учун бу мустамлакачилар ўзбек режимининг Исломга қарши “терроризм ва экстремизмга қарши кураш” деган ниқоб остида курашишидан манфаатдор.

Қолаверса, Ўзбекистондаги халқ иқтисод жиҳатидан ҳам қийналмоқда. Масалан ҳукумат 1 июлдан бошлаб электр энергия ва газ нархларини оширмоқчи. Энергетика вазирининг ўринбосари Шерзод Хўжаев “Дарё” нашриётига берган интервьюсида айтишича, энергетика нархлари бозор нархларига ўтказилса бозорда инвесторлар пайдо бўлади ва бу соҳа хусусий компаниялар қўлига ўта бошлайди. Яъни рус ва бошқа мустамлакачиларнинг компанияларига қўлига ўтади. Вазир ўрибосарининг айтишича, ҳозирги нархлар давлатга молиявий зарар келтираётган эмиш. Нон нархи, нон маҳсулотлари ва озиқ-овқат маҳсулотлари нархлари ҳам аллақачон ошиб бўлди. Бу эса “ижтимоий портлаш”га олиб келиши мумкин. Шунинг учун ҳукумат шундай сиёсат орқали халқни қўрқувда ушлашни, унинг қўзғалишига ва Исломнинг ҳаёт майдонига кириб келишига йўл қўймасликни мақсад қилаётган кўринади.

Ўзбек режими ва унинг мустамлакачи хўжайинлари қанчалик уринмасин, Умматнинг уйғонишига ва Исломнинг ҳаёт майдонига кириб келишига асло ғов бўлолмайди. Зеро, инсонларнинг нафақат асосий эҳтиёжларини, балки камолий эҳтиёжларини ҳам, тинчлик, хавфсизликларини ҳам таъминлайдиган, ички ва ташқи ишларни ғамхўрлик билан бошқарадиган рошид Халифалик Давлати Аллоҳ Таолонинг ваъдаси ва Росулуллоҳ ﷺ нинг башоратидир.

"ثم تكون خلافة على منهاج النبوة"رواه أحمد.

“… Сўнгра Пайғамбарлик минҳожидаги рошид Халифалик бўлади”. Имом Аҳмад ривояти.

﴿وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً وَمَن كَفَرَ بَعْدَ ذَلِكَ فَأُوْلَئِكَ هُمُ الْفَاسِقُونَ﴾

“Аллоҳ сизлардан иймон келтирган ва яхши амаллар қилган зотларга худди илгари ўтган (иймон-эътиқодли) зотларни (ер юзига) халифа-ҳукмрон қилганидек, уларни ҳам ер юзида халифа қилишни ва улар учун Ўзи рози бўлган (Ислом) динини ғолиб-мустаҳкам қилишни ҳамда уларнинг (аҳволини Маккада кўрган) хавфу-хатарларидан сўнг (Мадинада) тинчлик-хотиржамликка айлантириб қўйишни ваъда қилди. Улар Менга ибодат қилурлар ва Менга бирон нарсани шерик қилмаслар. Ким мана шу (ваъда)дан кейин куфрони (неъмат) қилса, бас улар итоатсиз кимсалардир” (Нур:55).

Ҳизб ут-Таҳрир марказий медиа офиси радиоси учун Ислом Абу Халил – Ўзбекистон