Умматнинг кураши ва бу курашдаги қуроли
Умматнинг кураши ва бу курашдаги қуроли
بِسْمِ اللهِ الرَّحْمٰنِ الرَّحِيم
Атрофда довул каби бизга ёт бўлган фикрлар тўзғимоқда. Ва бу ҳолат бошланганига кўп йиллар бўлди. Шунинг учун бу каби фикрлар нафақат ҳаётимизга таъсир кўрсатди, балки онгимизга илдиз отиб ўрнашиб ҳам бўлди. Бироқ онгимизни улардан тозалаб, ҳимоя қилувчи фикрларга муҳтож эканлигимизни тушуниш ҳаракатларига тўсиқлар ҳамон мавжуд ва фаолдир. Чунки бу фикрларни онгимизда илдиз отиши учун ҳаракат қилганлар ва уларга хизмат қилганлар жим қараб турмасликлари табиий. Сабаби умматнинг онги тозаланиб, фикрлари ўсишда давомли бўладиган ҳақиқий йўлни тутса, уларнинг шунча қилган амаллари бекор бўлади. Бунинг ортидан биласизми нима бўлади?! Мана шу онгимизни захарлаганлар биздан қолоқлашиб кетади ва худди тарихда бўлгани каби тиззалари қалтираб биздан яна қўрқишни бошлашади. Лекин энг муҳими биз бу курашни тушуниб етишимиз, бу курашда ўз “қуролимиз”ни тўғри танлай билишимиз зарур. Шу икки нарсага эътибор қаратган ҳолда фикрларимизни давом эттирамиз.
Курашни англаш. Бу жуда муҳим, жиддий иш! Сабаби оддий, уруш кетаётган вақтда бу майдонда нималар бўлаётганини билмаган томон, табиийки, душманини ҳам танимайди, ўзининг қайси томонда эканлигини ҳам билмайди, бундай ҳолатда натижа мағлубият, сўнг хорлик, тубанлик ва мазлумликдир. Ўзлигини унутиш шу ҳолатга олиб келади. Ҳатто зулм кўраётганлигини ҳам ҳис қила олмай қолади. Аслида буларнинг барчаси фикрий ухлоқликдан келиб чиқади. Чунки фикрлаш, ақл юритиш инсонни ўзлигини танишига, томонини аниқлашга, ўзлигига ҳужум қилаётганларни мағлуб этиш учун ҳаракат қилишга мажбур қилади. Ўзлигини танимаган инсон, ҳатто у уламо сифатида танилган бўлса ҳам, ўзи билиб ёки билмай мазлум умматга қарши золимлар томонида, уларнинг хизматида бўлиши мумкин. Ўзлигини таниш ўз томонини ва душманини танишга ҳамда ўзлигига ҳужум қилаётганларга қарши ҳимояланиш зарурлигини тушунишга олиб келади.
Ҳужум ким томонидан ва қаерга қаратилганлигини англаш қурол танлашга ёрдам беради. Мисол учун, кофир ҳужум қиляпти, зарба исломий дунёқарашга қаратилган. Исломий дунёқарашни шакллантирувчи асос бу Ислом ақидаси. Демак, нишон умматни ақидасидан узоқлаштириш. Агар умматни ақидасидан узоқлаштира олишмаса, бу ақида атрофида уммат бирлашади ва ўз ақидасидан келиб чиққан тузум ҳаётда татбиқ бўлиши учун ўз давлатини қуради. Бунга қарши уммат ўз ақидасини тушуниши ва шу ақидага маҳкам ёпишиши зарур. Бу иш шу ақида ва ундан келиб чиққан фикрларни тушуниш билан бўлади. Демак, қурол айнан шу ақида ва ундан келиб чиққан фикрлардир.
Шундай экан, ўзини Ислом умматидан деб биладиган ҳар бир мусулмон ақидани ва ундан келиб чиққан фикрларни тушуниши керак. Бундан кейин бу уммат ўз ҳаётини ўз ақидаси бўйича тартиблаштиришни тушунади ва ўрганади. Бу дегани ўз ақидасининг тузуми ҳаётда мавжуд бўлишига, татбиқ қилинишига интилади. Бу иш амалга ошганида уммат ўзининг мустаҳкам қўрғонига эга бўлган ҳисобланади. Шундагина уммат ўзининг ҳаётдаги ишларини ўз ақидаси талабига кўра шакллантиради, ин ша Аллоҳ!
Ҳизб ут-Таҳрирнинг Ўзбекистондаги медиа офиси. Абдуллоҳ
29.10.2020й
