بِسْمِ اللهِ الرَّحْمنِ الرَّحِيمِ
 Ўзбекистон хукумати экстремистик гурухларга каршими ёки Ислом
динигами?

Мана бир неча кундирки Ислом аҳли учун улуғ бўлган Рамазон ойи бошланди. Бу ой мусулмонлар учун мағфират, раҳмат, дуолар кабул бўладиган, нусрат-ғалаба ойидир. Бу ой Ўзбекистон мусулмонлари тарихида кандай из колдирмокда. Ишончли манбаларнинг маълумотларига асосланган холда шуларни маълум киламизки, Ўзбекистондаги барча жазони ижро этувчи муассасалар ҳамда манзил колонияларида ( русчаси колония-поселение) Исломнинг асосий фарзлари бўлган намоз ва рўза ибодатларига кескин қаршиликлар кучайган. Исломий эътиқоди учун озодликдан маҳрум этилган мазлумлар ушбу ибодатларни бажараётган вактда қўлга тушсалар жазо изоляторларига ташланиб ҳамда келган якинлари билан бўладиган учрашувларга сунъий тўсиқлар қўйилмоқда. Бундай қаршиликларга қарамасдан рўза ибодатини адо қилаётган маҳбуслар зўрлаб овкатлантирилиб, рўзаларини бузишга мажбурланмокдалар.

Жазо муассасаларидан ташқаридаги холат ҳам ачинарли. Расмий масжидларда жумъа ва таровийх намозлари ўқилаётган бир вақтда, бу ибодатларни бажаришга чоғланган ўқувчи ва талабалар ўқиш даврида тўсилганлари етмагандек, ўқишларидан озод бўлганларида ҳам, яъни таътил кунларида хам қаршиликка учрашмокда. Ички ишлар ва миллий хавфсизлик ходимлари масжид эшиклари олдига туриб олиб, ибодатга келган ёшларни очиқдан очиқ қайтармоқдалар. Бундай холатлар асосан водий вилоятларида яққол кўзга ташланади. Ўзбекистон хукуматининг бу харакатлари ўзлари келтирган важлари, яъни экстремистик гурухларнинг фаолиятларига  эмас, балки муқаддас  Ислом динимизнинг аҳкомларига очиқ қарши эканликларини кўрсатиб турибди. Шундай ойда ҳақиқий шайтонлар занжирбанд килинган бўлсада, лекин «РУВАЙБИЗА» шайтонлари эса ўз фаолиятларини давом эттирмокдалар.

Салоҳиддинов Али