بِسْمِ اللهِ الرَّحْمنِ الرَّحِيمِ

Ўзбекистон ИИВ лавозимига Адхам Ахмадбоев тайинланди

“Озодлик” радиоси сайтида, ишдан бўшаган Ўзбекистон ИИВ вазири Баходир Матлюбовнинг ўрнига Адҳам Ахмабоев тайинлингани хақида маълумот тарқади. Қуйида сайтдан иқтибос келтирамиз:

“Ўзбекистон ички ишлар вазири этиб тайинланган Адҳамжон Аҳмадбоев 14 декабрдан расман хизмат вазифасига киришди. “Озодлик” ихтиёридаги норасмий маълумотларга кўра, ўта қаттиққўл ва принципиаллиги билан танилган бу амалдор собиқ КГБ мактабидан чиққан. Унинг ИИВ раҳбари этиб тайинлаши Ўзбекистонда ходимлари сони 150 мингдан ортиқ экани айтиладиган ички ишлар вазирлиги устидан назорат тўлиқ Миллий хавфсизлик хизматига ўтганини англатиши ҳақидаги иддаолар бор.

Норасмий манбалар Адҳам Аҳмадбоевнинг ИИВ вазири этиб тайинланишида мустақиллик йилларидан буён бу вазирлик тарихида кузатилмаган муҳим жиҳатлари бор, деб ҳисобламоқда.

Ҳуқуқ-тартибот идораларидаги “Озодлик” манбасининг шахси сир қолиши шарти билан айтишича, янги вазир аввалгиларидан фарқли равишда миллий хавфсизлик хизмати структурасида етишиб чиққан кадрдир.

“Адҳам Аҳмадбоев КГБнинг кадри. Бу гап ҳеч қаерда айтилмасаям, ҳаммамиз биламиз унинг мелисадан чиқмаганини. Тошкентда ГУВД, УВДларда ишлагани тўғри, кадрдаям ишлаган. Лекин у кишининг асли келиб чиқиши собиқ совет замонидаги КГБ мактаби. Матлюбовнинг (собиқ вазир Баҳодир Матлюбов – таҳр.) вақтида МХХ(СНБ) мелисани роса эзган эди. Энди бу ёғига расман эзади”, деб иддао қилди шахси сир қолиши шарти билан “Озодлик”ка сўзлаган ИИВ таркибидаги идораларидан бири ходими.

Унинг иддаосича, собиқ вазир Баҳодир Матлюбов даврида миллий хавфсизлик хизматининг коррупцияга оид жиноятларга қарши кураш бўлими ходимлари биргина кўрсатма асосида ИИВ ходимларини ҳибсга олиш ва ишидан бўшаттириб юбориши ҳоллари кўпайган эди” – дейилади сайтда.

Бундан ташқари ўтган йиллар мобайнида Қўқон ва Андижон шаҳарларида МХХ ва ИИВ ходимлари ўртасида ўқ – отишмалар бўлиб ўтган. Буни кўпчилик эсласа керак.

Айни дамда собиқ вазир Матлюбовнинг ишдан кетишига оид маълумотлар йўқ.

Агар Ахмадбоевнинг КГБга алоқаси бўлганлини рост деб хисобланса, Матлюбовнинг кетиши ва мансабга ушбу шахснинг келишини, мамлакат МХХси томонидан олиб борилаётган сиёсий курашга боғлашга хақли бўламиз. Зеро мамлакатдаги сиёсий курашнинг асосий фаоллари деб ишонилаётган Иноятов ва Мирзиёевлар ва уларнинг орқасида турган қўллаб қувватловчи иқтисод олами магнатлари (Татьяна Каримова, Алишер Усмонов, Ғофур Рахимов ва хоказолар), барчаси Россия манфаатларига хизмат қилувчи кимсалардир. Энди бу кадрларнинг алмашинуви, Ўзбекистондаги сиёсий гурухларнинг бирини иккинчиси устидан қўли баланд келиб, мухим деб саналган министрлик лавозимларга ўз одамларини олиб келаётганлигини билдиради. Демак хокимиятни келажакдаги йўналишига хозирдан замин яратилаяпти, яъни хозирга келиб россияпараст кучларнинг хукумат тизгинини тобора ўз қўлларига олаётганлиги – йўналиш Россия манфаатларига хизмат қилишлик томонига қараб кетаётганини англатади.

Умумий қилиб қарайдиган бўлсак, бу алмашишлардан Ўзбекистондаги мусулмон умматига хеч қандай фойда йўқлиги очиқ – ойдин ва кундай равшан. Бу мансабга келувчи амалдорлар биринчи навбатда олдига қўядиган вазифаси Исломга ва мусулмонларга қарши кураш бўлади, чунки жорий хукумат ҳам Ғарб куфр етакчилари остида бўладими ёки Шарқнингми фарқи йўқ, айнан шундай тузумни қўллаб турганлиги боис, булар хам шу оқимда оқадилар.

Арабларда бир гап бор, الناس على دين ملوكهم – “Инсонлар, устиларидаги бошлиқлариннг эътиқодида бўладилар”. Ўзбекистонни бошқараётганлар эса “динни ҳаётдан ажратиш зарур” деган эътиқоддадир. Натижаси эса ўта аянчлилигини холис инсонлар кўриб турибдилар, чунки “динни хаётдан ажратишлик” ақидаси устига қурилган, хозирда бутун дунё бўйлаб хаёт низоми сифатида татбиқ қилинаётган демократик капитализми ҳам сиёсий, ҳам демографик, ҳам иқтисодий, ҳам ижтимоий (гей, лесбиларни турмуш қуришларига қонунан рухсат берилиши), ҳам ахлоқий, ҳам маънавий ва х., жабҳаларда қанчалик бўхронга (кризисга) учраётганлиги хозирдаги воқелигимиздаги хақиқатларидандир. Ва бошқарувда ҳам дунёдаги ўта бой шахслар (капиталистлар) бўлганлиги боис, буларнинг бошқарувига альтернатив бўлган хар қандай, ўзидан тузум ишлаб чиқувчи мабдадан хавфсирашиб, уни хаётга келмаслиги учун бор имконият ва қувватларини ишга солишликлари, бу ҳам хозирдаги воқеликларимизнинг хақиқатларидандир. Исломни хаётга низом сифатида олиб келиб ва исломий хаёт остидаги яшашлик учун харакат қилаётган холис мусулмонларни, ушбу куфр етакчиларининг қўллаб қувватлови билан исломий юртлар хокимиятидаги уларнинг малайлари қанчалик таъқиб қилишаётганини, қамашиб қийноққа солаётганларини, қатл қилишаётганларининг воқеликлари ҳам хозирдаги мусулмонлар устида содир бўлаётган ишларнинг хақиқатларидандир. Лекин бутун борлиқни яратган Аллоҳ Субҳанаҳу ва Таъоло ўз ваъдаларида мусулмонларнинг устидан кофирларга йўл бермаслигини ва Аллоҳ йўлида Исломни хаётга олиб келиш учун харакат қилаётган мусулмонларни ёрдамчиси Ўзи эканлигини хабарини берган ва бу ваъдалар албатта яқинда ўз исботини топади, чунки Аллоҳ ваъдасида туради ва У Ўз ишида ғолиб, лекин кўпчилик буни билмайдилар!!!

Ассалому алайкум ва роҳматуллоҳи ва барокатуҳу ва мағфиротуҳ!

Ўзбекистон Ҳизб ут-Таҳрирининг медиа офиси Муслим

18.12.2013й.