Ўзбекистон республикасининг алкогол махсулотларини чеклаш тўғрисидаги қонунига Исломий назар
بِسْمِ اللهِ الرَّحْمنِ الرَّحِيمِ
Ўзбекистон республикасининг алкогол махсулотларини чеклаш тўғрисидаги қонунига Исломий назар
Муайян, аниқ мафкурага эга бўлмаган хукумат, бошқарувни қай тарзда жорий қилишга қийналиши табиий албатта. Ўзбекистон ҳам айнан шундай давлатлар жумласидандир. Бирон бир ақидага асосланган мабдаси йўқ, фақатгина бош диктаторнинг калласидан келиб чиққан фикрларни қонун қилиб оладиган жамият, ҳеч қачон инсонларга тўғри адолат қила олмаслиги аниқ ва буни хозирда Ўзбекистон мисолида кўриб турибмиз.
Мусулмонлар, Роббиси айтган кўрсатмалар асосида яшашни орзу қилар эканлар, бунинг учун уларнинг яшаётган жамиятлари ушбу кўрсатмаларни жорий қилиб бериши зарур бўлади. Нега ундай деймиз? Сабаби, хозирда золим Каримов томонидан жорий қилиниб турган, етакчи давлатлар демократиясининг мустамлака давлатлар учун чиқиндиси бўлган, Каримов диктатураси хукмрон бўлган тузумда, қонунларга эътибор берадиган бўлсак, демократиянинг асоси бўлган, фақатгина манфаат асосий омил қилиб олинганини кўрамиз. Бу эса, Ислом шариатига зид бўлиб, Ислом шариатида ҳар бир нарса устида тузилган қонун, Аллоҳ белгилаган харом ва халол чекловларига асосланади. Хусусан спиртли ичимликлар ва тамаки махсулотлари тўғрисидаги қонун ҳам, ундан келадиган зарарга қараб эмас, балки Аллоҳ нозил қилган кўрсатмаларга қараб белгиланади. Ўзбекистоннинг алкогол ва тамаки махсулотларининг тарқатилишини чеклашга доир қонунидан иқтибос келтирамиз.
13—модда. Алкоголь ва тамаки маҳсулотларини реализация қилишга доир чеклашлар
Алкоголь ва тамаки маҳсулотларини: йигирма ёшга тўлмаган шахсларга; таълим, спорт муассасалари ва диний муассасалардан беш юз метрдан кам радиусда жойлашган савдо объектлари томонидан; Улар техник жиҳатдан тартибга солиш соҳасидаги норматив ҳужжатларга,қонун ҳужжатларида белгиланган бошқа талабларга мувофиқ бўлмаса; акциз маркалари билан тамғаланмаган ҳолда (пиводан ташқари) ёки акциз маркалари қалбаки бўлганда; уларнинг ишлаб чиқарувчисини аниқлаш имконини берадиган тарзда аниқ тамғаланмаган бўлса; ва ҳоказолар….
Чеклашларга сабаб бўлиши айтилган. Инсон томонидан ўйлаб чиқилган қонунларнинг бошқа инсонлар ҳаёти учун меъёрий ўлчов бўла олмаслиги, ушбу қонунлардан кўриниб турибди. Фақатгина манфаатни халол дейдиган, манфаат келмаган нарсани ўзига харом қиладиган ушбу куфрий жамият, бу каби қонунларда, агар эътибор берилса, қонундан кўзда тутилган мақсад фақатгина ушбу моддаларни истеъмол қилганларни тиббий жиҳатдан фойда ёки зарарга учрашларини эътиборга олиб тузиб чиқилган. Буни ушбу қонун бошида келган, қонуннинг мақсади ифодаланган бўлимлардан билиб олса бўлади:
“Ушбу Қонун фуқароларнинг соғлиғини, аввало, йигирма ёшга тўлмаган шахсларнинг соғлиғини алкоголь ва тамаки маҳсулотларини истеъмол қилишнинг зарарли таъсиридан, шу билан боғлиқ ижтимоий ва бошқа салбий оқибатлардан ҳимоя қилишга, шунингдек жамиятда соғлом турмуш тарзини шакллантириш ҳамда қарор топтиришнинг ташкилий ва ҳуқуқий шарт-шароитларини яратишга қаратилгандир. Алкоголга қарамлик — алкогол маҳсулотига патологик ружу қўйиш, алкоголдан сурункали заҳарланишнинг психосоматик (руҳий ва жисмоний) ҳамда ижтимоий оқибатлари билан тавсифланадиган сурункали кучайиб борувчи касаллик (сурункали алкоголизм);
Тамакига қарамлик — тамаки маҳсулотига патологик ружу қўйиш, никотиндан сурункали заҳарланишнинг психосоматик (руҳий ва жисмоний) оқибатлари билан тавсифланадиган сурункали кучайиб борувчи касаллик (никотинга қарамлик);” Исломда эса, бирон нарсани харом ёки халоллигини ундан келиши мумкин бўлган зарар ёки фойдага қараб эмас, балки Аллоҳ харом ёки халол қилганлигига қараб белгиланади. Бу тўғрида Халифалик давлати дустури лойиҳасида(конституцияси) шундай дейилади:
12 – модда. Китоб, Суннат, саҳобалар ижмоси ва қиёс — фақат шуларгина шаръий аҳкомлар(жамият бошқарувида қонунлар олиш учун) учун эътиборли далилдир.
Ислом шариати, алкогол махсулотларига улардан зарар келяпти шунинг учун тарқалишини чеклашимиз керак, деб қарамайди балки, бу тўғрида Аллоҳ нима деган бўлса ўшанга қатъий амал қилади, яъни
يَا أَيُّهَا الَّذِينَ آمَنُواْ إِنَّمَا الْخَمْرُ وَالْمَيْسِرُ وَالأَنصَابُ وَالأَزْلاَمُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ
“Эй иймон келтирганлар! Албатта, хамр(алкогол ва бошқа маст қилувчи нарсалар), қимор, бутлар ва (фол очадиган) чўплар ифлосдир. Шайтоннинг ишидир. Бас, ундан четда бўлинг. Шоядки, нажот топсангиз”. (Моида. 90)
Яъни ароқ ва бошқа спиртли ичимликлар, ортидан келадиган кулфатлар, касалликлар, ташвишлар, жанжаллар ва шунга ўхшаш ноқулайликлар сабабидан харом эмас, балки Аллоҳ харом деганлиги учун харомдир. Мусулмон шаръий ахкомларга шундай эътибор билан қараши керак.
Ҳизб ут-Таҳрирнинг Ўзбекистондаги медиа офиси Муслим
17.04.2014й.
