بِسْمِ اللهِ الرَّحْمنِ الرَّحِيمِ

Яхши хаётда яшаш учун ҳаракат қилиш керак

Ўйлаймизки хаётимиз бирданига яхши томонга ўзгариб кетади ва биз умримизнинг сўнгига қадар яхши яшаб ўтамиз. Аввало, Аллоҳ барчангизни яхши ниятларингизга етказсин деб тилак билдирамиз. Лекин барча ишни ўзига яраша тартиб қоидаси ва амалга ошириш йўли бўлганидек, яшаш тарзимизни яхши томонга ўзгартиришни ҳам керакли йўл йўриқлари бор деб биламиз.

Хаётимизни бирданига яхши бўлиб қолиши истагига қайтсак. Хўш биз хаётимизни ўзгариши учун бу ўзгартиришнинг қандай йўл йўриқлари борлигини биламизми? Ва биз шу йўл йўриқларга амал қилиб ҳаракат қилябмизми? Аввало мана шу саволга жавоб берайлик. Агар бу саволга “Йўқ” дея жавоб берадиган бўлсак унда нима учун яхши хаётни мақсад қилябмиз. Яъни кимдир қўй сотиб олмоқчи бўлса аввало шунга яраша пулга эга бўлиши керак ва бозорданми ёки бошқа жойданми қўй сотадиган бирортасини топиш керак. Кўриб турибмизки хатто қўй сотиб олишнинг ҳам ўзига яраша шартлари ва ҳаракат қилиш йўналиши бор экан. Унда нима учун хаётимизни ўзгартиришга ҳаракат қилмай ўзгаришини хоҳлаябмиз?

Баъзиларимиз кутиб турсак, хатто золимларнинг зулмига чидасак бир кун келиб хаётимиз ўзгаради деб биламиз. Бу қандай содир бўлади? Сизнинг хаётингизни ёмон бўлишига сабаб бўлаётган золим ўзгариб “Мен шунча вақт сизларга зулм қилибман мени кечиринглар ва бундан буён ўзингиз истагандек яшайверинглар” дейдими? Ёки устингиздаги золим ўлади ва ўрнига яхши одам келадими? Ёки кимдир “Шу золим шуларга кўп зулм қилиб юборди, уларни миқ этмай чидаб келаётганлари учун, қанчалар хорласа ҳам индамай жим сукут қилганлари учун бу золимни йиқитиб ўрнига бошқа яхшисини олиб келайлик” дермикан? Сиз бу вариантлардан қайси бирини танлагансиз?

Агарки “Аллоҳ сабр қилинглар деган” деб айтмоқчи бўлсангиз шошманг, чунки яхшилик сари ҳаракат қилмай туриб, Аллоҳга эмас золимга итоат қилиб турган холатингизда бу гапни гапиришингиз сизнинг зиёнингизга ишлмайдими? Хеч қачон Аллоҳга тухмат қилманг, яъни Аллоҳ золимга итоат қилишни сабр деб айтмаган. Яна бир нарса Аллоҳ сабрлилар билан дейилади. Кўриб турибмизки сабр инсондаги улуғ амаллардан экан ва сабр эгалари билан Аллоҳ бирга бўлар экан. Шунинг учун сиз Аллоҳ севган сабрни ўзгартириб талқин қилманг. Золим нима деса рози бўлишлик ва хатто нохақликни кўриб туриб кўрмасликка олишликни асло “сабр” дея атаманг. Сабр – бу ҳақ гапни гапирмоқ, ҳақ ишни қилмоқ, Аллоҳнинг йўлидаги озорларни эгилмасдан, букилмасдан, оҳ-воҳ қилмасдан кўтармоқдир.

Яна айримлар Аллоҳнинг душманларига йўлиқишдан келиб чиқадиган зарардан ўзларини эҳтиёт қилиб, ҳақ гапни гапириш ёки Аллоҳ рози бўладиган амални қилишга журъат этмасдан, бир бурчакка тиқилиб, жим ўтиришни сабрлилик деб билмоқдалар.

وَكَأَيِّنْ مِنْ نَبِيٍّ قَاتَلَ مَعَهُ رِبِّيُّونَ كَثِيرٌ فَمَا وَهَنُوا لِمَا أَصَابَهُمْ فِي سَبِيلِ اللَّهِ وَمَا ضَعُفُوا وَمَا اسْتَكَانُوا وَاللَّهُ يُحِبُّ الصَّابِرِينَ

– „Қаначадан-қанча пайғамбарлар ўтганки, улар билан биргаликда кўпдан-кўп художўйлар (кофирларга қарши) жанг қилганлар. Ҳамда Аллоҳ Йўлида ўзларига етган машаққатлар сабабли сусткашлик-заифлик қилмаганлар ва (кофирларга) бўйин эгмаганлар. Аллоҳ мана шундай сабр қилгувчиларни севади“.       [3:146]

Сабр бу – бало-қазо чоғида титраб, қалтирамасдан янада мустаҳкам бўлиш, Қуръонни тарк этмасдан янада маҳкамроқ ушлаш, Парвардигордан узоқлашмасдан янада яқинлашиш демакдир. Сабр бу – Аллоҳнинг йўлида ҳеч бир гап-сўздан қўрқмай, золимнинг қўлидан тутиб қола оладиганларнинг сабридир.

Аллоҳ севган сабр эгалари хар қандай холатда нохақликка қарши курашадилар ва уларга келган зулмларга, балоларга, мусибатларга қарамай Аллоҳ буюргандек ҳаракат қиладилар, ана шу ҳаракат хақиқий сабрдир. Ана энди, агар ўзингизни сабр эгасиман деб атасангиз Аллоҳнинг йўлидан юринг ва сизни бу йўлдан хеч қандай куч қайтара олмасин. Сабрлиларни хақ учун курашиши ва бор имкониятларини Аллоҳнинг йўлида сарфлаганлари, золимдан эмас Аллоҳдан қўрққанлари, бу йўлда керак бўлса жонларини аямаганлари, ўз вақтида энг яхши кўрган нарсаларидан воз кеча олганлари уларни мақтовга лойиқ қилди.

Биз ҳам ўз хаётимизни яхши бўлишлигини хоҳлар эканмиз, сабрли бўлиб қўлимиздан келганича яхши томонга ҳаракат қилайлик.

إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ

– „Аниқки, то бирон қавм ўзларини ўзгартирмагунларича, Аллоҳ уларнинг аҳволини ўзгартирмас“.  [13:11]

Ҳизб ут-Таҳрирнинг Ўзбекистондаги медиа офиси Фаррух

07.03.2015й.