Роя газетаси:

Муҳаммад Аллуш: Женева конференциясида Асад режими жиноятларини фош этиш учун иштирок этмоқдамиз

Сурия мухолафати делегациясидаги бош музокарачи, Жайшул Ислом вакили Муҳаммад Аллуш «Арабийя нет»га берган интервьюсида Женева конференциясига кечикиб келганининг сабаби Асад режимининг ечим топишга жиддий қарамаётганига ишонч ҳосил қилгани билан боғлиқ эканини билдирди. У «Режим яхши ниятли чора-тадбирлардан бирортасини ҳам бажармади», деб айтди. Кейин конференцияда иштирок этмаслик қароридан воз кечилгани сабабини ҳозирги вақтда унда иштирок этиш жуда муҳимлиги билан изоҳлаб, жумладан бундай деди: «Биз бутун дунёга юртни вайрон қилган, унинг аҳлини қувиб чиқарган террорист ким эканини ошкор қиламиз. Буни ҳужжат-далиллари ва рақамлари бор. Бундан ташқари, дунё халқларига қамалдаги минтақалардан муҳим номаларни етказмоқчимиз». Бош музокарачи Жайшул Исломни ўз ичига олган музокара олий ҳайъати конференцияда иштирок этаётган режим делегацияси аъзолари жиноятларини баён қилишини таъкидлаб «қилган жиноятларини номма-ном айтиб берамиз», деди. (Арабийя нет).

Роя газетаси шарҳи:

Муҳаммад Аллушнинг бу гаплари бизга Фаластин Озодлик ташкилоти хоинлари айтган гапни эслатади. Улар ҳам Қўшма Штатлар етакчилигида яҳудийлар давлати билан олиб борилган музокараларда хоинларча иштирок этишни Америкага ва бутун дунёга Фаластин халқи талабларини эшиттириб қўйишни ҳамда яҳудийлар давлати зўравонликларини эслатиб қўйишни исташлари билан оқлашган эди!!! Муҳаммад Аллуш ҳам бугун Женева конференциясида иштирок этишни «Асад режимини фош этиш учун» дея оқламоқда. Эй бош музокарачи! Сен Асаднинг жиноятларини фош этмоқчилигингни айтяпсан. Наҳотки, унинг жиноятлари бирортасига маълум эмас деб ўйласанг? Эсингдами, Шом аҳли жума кунида қилган намойишларини «Америка… шунча қонимизни ичиб, тўймадингми», деб атаган эди? Чунки Сурия режими уларга қарши жиноятларни Американинг очиқдан-очиқ мадади билан содир этаётганини Шом аҳли яхши англаган. Сен яна, Женева конференциясига кечикканинг сабабини Асад режимининг ечим топишга жиддий қарамаётганига ишонч ҳосил қилганинг билан изоҳладинг. Нима, бу режим унинг музокарасига боришларинг учун бирорта ечим беришга жиддий қарайдиган бўлиб қолдими?? Кейин, бир неча кун музокараларда иштирок этишдан кечикиш хиёнатни бир оз бўлса ҳам ўзгартирадими?? Фаластин, Ливия, Ироқ ва бошқа юртлардаги шунга ўхшаш музокараларда қатнашганлар аҳволидан сабоқ чиқармайсизларми??

Роя газетасининг 2016 йил 3 феврал чоршанба кунги 63-сонидан