بِسْمِ اللهِ الرَّحْمٰنِ الرَّحِيمِ

Ямандаги курашаётган томонлар АҚШ ва Британия сиёсатларини ижро қилиш учун одамларни фронтларга сафарбар этмоқдалар

Ҳизб ут-Таҳрир – Яман вилояти матбуот бўлими ўз баёнотида Яманда кураш олиб бораётган томонлар, яъни, Ҳусийлар ва Ҳодий кучлари одамларни пул билан қизиқтириш ёки жарчилари ёрдамида чалғитиш орқали фронтга жалб қилишда мусобақалашмоқда», деди. Баёнотда қуйидагиларга эътибор қаратилди:

«Ямандаги барча ёвузлик ва фитналарнинг боши Абдуроббиҳ Ҳодий, Абдулмалик Ҳусий, Али Муҳсин Аҳмар, Айдарус Зубайдийлардир. Улар юрт устида курашаётган АҚШ билан Британия режаларини бажариш ва уларнинг манфаати йўлида Яман фарзандларини турли номдаги урушларга тиқиш билан шуғулланишмоқда.

Инсонларнинг чор атрофга сочилиб ётган таналарини кўриш жуда оғриқли ҳол. Ҳизб ут-Таҳрир бу урушдан мақсад, Ҳусийларни қутқариш ва уларни ҳужум қурбонлари қилиб кўрсатиб, сохта уруш орқали уларга ҳокимиятдан қонунийлик тусини бериш эканини бошидаёқ баён қилган. Чунки Ҳусийлар Америка манфаатларига хавф солмайди, аксинча, унинг манфаатларини ҳимоя қилишади, унга қарши баёнотлари эса, юзаки-ёлғондир. Америка ҳам уларга террорист жамоалар деб қарамади, балки Ал-Қоида, ИШИД ва бошқа «террорчи» ташкилотларига қарши Ҳусийлар билан ҳамкорлик қилаётганини очиқ айтди. Улардан фарқли ўлароқ, Ҳодий, унинг қонуний ҳукумати ва ўтиш даври ҳукумати Англия қўлидаги қўғирчоқлардир». Баёнот сўнггида Яман аҳлига насиҳат йўлланди:

«Мудом бу уруш мустамлакачилар манфаатига хизмат қилаётган экан, демак, сиз Яман аҳли сохта шиорларга ҳамда у ёқ, бу ёқлардан келаётган нопок молларга алданишдан сақланинг. Биз сизни ўзаро жанг қилишдан тийилишга, Яман ўлкасида Аллоҳ шариатини, Ислом бошқарувини қоим қилишга даъват қиламиз ҳамда Пайғамбарлик минҳожи асосидаги рошид Халифалик давлатида Ислом аҳкомлари билан ҳукм юритадиган бир раҳбарга байъат қилишга чақирамиз.

Роя газетасининг 2019 йил 23 октябр чоршанба кунги 257-сонидан