Қадрини йўқотган халқим

بسم الله الرحمن الرحيم

Россиянинг Калининград шаҳрида жойлашган кўп қаватли уйларнинг биридан тўрт нафар ўзбекистонликнинг жасади топилди. Бу ҳақда Калининград вилояти прокуратураси хабар қилди. Маълум қилинишича, уларнинг жасади 13 апрел куни Гагарин кўчасидаги кўп қаватли уй хонадонидан топилган. Дастлабки хулосаларга кўра, улар ис газидан заҳарланиб вафот этган. Жасадларда зўравонлик излари кузатилмаган. “Каскад.тв” берган маълумотларга кўра, ўзбекистонлик фуқаролар ушбу хонадонда 1 ойдан буён ижарада яшаб келган. Қўшнилар вафот этган шахслар ҳақида ижобий фикр билдирган, улар кўп ишлаб, уйга кам келганларини айтишган.

Аллоҳ ўтганларни раҳматига олсин, марҳумларнинг яқинларига сабри жамил ато этсин. Умрининг энг гуллаган даврини яқинларидан узоқда яшаб, оғир меҳнат ва ёмон шарт-шароитларда ишлаб аянчли ўлим топаётган биродарларимизнинг қисмати ҳар қандай иймонли, виждонли кишини маҳзун қилмасдан қолмайди. Фарзандини, турмуш ўртоғини, отасини ёки яқин жигарини йўқотган инсонларнинг бир умрлик изтироблари ва қайғуларини тасаввур қилишнинг ўзи оғир, сўз билан ифодалашга тил ожиз. Оғир мусибатга учраган оилаларга ва етимга айланган гўдакларга бўлган ачиниш ҳисси бизни бундай кўнгилсиз ҳодисаларнинг олдини олиш ёки жиллақурса кескин камайишига эришиш учун натижали амаллар қилишга ундаши лозим. Мазкур муаммонинг илдизини очиқлашдан олдин, юртдошларимиз ўлими билан боғлиқ вазият ва унга туртки бўлган сабабларни қисқача ёритишимиз зарур.

Юртдошларимизнинг турли сабабларга кўра муҳожирликда ўлим топаётганига ўзбек режими бефарқ қараётгани бор гап. Буни матбуотда фожеа сифатида ёритилмаётганидан ҳам билиб олса бўлади.  Айтиш мумкинки, бу мудҳиш ҳодисалар режим сиёсатига тааллуқли бўлиб, унинг кўп жиҳатдан Россияга қарамлигини фош қилиб қўйиши учун ҳам матбуот бу жиноятларнинг тафсилотларини ёритмаяпти… Мақсади “халқни рози қилиш”, “инсон ҳуқуқларини таъминлаш” эканлигини иддао қиладиган бугунги демократиянинг ва унга асосланган ўзбек режимининг асл башарасини кўринг! Барча ишларимиз “инсон қадри ва унинг манфаатлари учун” деган гапни эрта-ю кеч такрорламасин, демократик тузум ва ҳозирги бошқарув учун инсоннинг жони, моли ва шаънининг сариқ чақалик аҳамияти йўқлиги кундек равшан бўляпти. Агар бу режим учун инсон қадри  бўлганида эди, Ўзбекистон давлат структуралари ўз фуқароларининг ўлими, майиб-мажруҳ бўлиши ва ҳақ-ҳуқуқлари поймол бўлаётгани тўғрисида Москвадан ҳисоб талаб қиларди.

Ҳолат шундай бўлгач, меҳнат муҳожирлари ўлими билан боғлиқ ҳодисаларни етарлича ёритиш ва уларнинг ҳақлари учун курашиш мусулмонлар зиммасига тушади. Агар Аллоҳдан савоб умидида жабрланувчилар ҳақларини ҳимоя қилиш учун адвокатлар ёлланса ёки шариат доирасида ҳуқуқни ҳимоя қилувчи ташкилотларга мурожаат қилинса ва суриштирув, тергов ишлари фаол ёритиб борилса, жамоатчилик эътибори бу муаммога қаратилади. Шунда халқимиздаги инсонлар ўлимига нисбатан бефарқлик ҳисси қисман бўлса-да камайиб, ўз ҳақ-ҳуқуқларини билиш ва талаб қилиш кўникмаси пайдо бўла бошлайди. Айниқса, жабрланувчиларнинг ҳуқуқлари таъминлангани ва жавобгарлар ҳеч қандай жазога тортилмаётгани бот-бот намойиш қилинса, бу нарса халқимиз ичида Россияга қарши кайфиятниниг етилиб боришига хизмат қилиб, ўрис кучишлатар тизимларини Марказий Осиёликларга нисбатан зулм қилишдан тийиб қўйиши мумкин. Бу – Уммат тепасида битта имом-раҳбар ва ҳимоя қилувчи давлати бўлмаган бугунги мусулмонларнинг ўзини ҳимоя қилишдаги бир усулидир.

Халқимизнинг ҳуқуқлари ҳар қадамда топталиши мумкин бўлган Россия каби хавфли мамлакатларда яшаб, ишлашга ва ёмон муомалаларга рози бўлишига Ўзбекистондаги ишсизлик ҳам асосий сабаблардан биридир. Иш ўринларини яратиш учун эса давлат завод фабрикалар очиши ва мавжудларини кенгайтириши зарур. Фермерларни қўллаб-қувватлаши ва бошқа чораларни кўриши керак. Бироқ бунинг ўрнига ўзбек режими ҳокимиятини мустаҳкамлаш ва Ислом даъватига қарши курашишга ҳазинанинг катта қисмини сарфлаб ётибди. Зеро, инсонлар жонига қайғурмаган тузумдан халқ манфаати учун ҳаракат қилишни кутиш ақлдан бўлмайди. Ишсизликдан кейинги муаммо ойлик маошларнинг энг кам эҳтиёжни ҳам қоплай олмаётганидир. Бу муаммо иқтисоднинг ўта заифлигини кўрсатади. Давлат ҳозиргидек қишлоқ хўжалигига эмас, оғир саноатга асосланса, яъни атом, кимёвий ва биологик қуролларга эга бўлиш ва ядро қуролларини ишлаб чиқариш ҳуқуқига эга бўлса, бу иқтисодий муаммони ечиши мумкин. Акс ҳолда, иш ўринларини яратиш учун ускуналарни чет элдан сотиб олишга ёки хорижлик сармоядорларга ишлаб чиқариш соҳасини ва бозорларни қўш-қўллаб топширишга олиб келади. Бу йўл билан ишсизлик ва иш ҳақлари камлиги муаммосини ечиб бўлмайди. Шунинг учун таъкидлаб айтамизки, халқимизни ҳозирги ночор ҳолатга олиб келган нарса динимиздан ва ҳақ сўзни айтишдан тўсиб, рўзғор ғамида юртни тарк қилишга зимдан мажбур қилаётган яроқсиз демократик тузум ва уни ижро қилаётган ўзбек режимидир. Айтиш лозимки, юртларимизда Исломнинг иқтисод низоми жорий қилинсагина халқимиз ишсизлик, иш ҳақи камлиги ёки чет элларда сарсон бўлиш муаммосидан қутулади. Чунки Исломда халқни рўзғори ва бошқа эҳтиёжларини қоплайдиган иш билан таъминлаш вазифасини давлат ўз зиммасига олади. Шу сабабли, Ислом ҳукмлари татбиқ қилинган даврларда мусулмонларнинг иш излаб четга чиққани ривоят қилинмаган. Аксинча, мусулмонлар жиҳод ёки Ислом даъватини ёйишдаги услублардан бири бўлган савдогарлик ишлари билан четга чиқишган. Битта мусулмоннинг нафақат жони ёки моли, балки ор-номуси учун Ислом армиясини сафарбар қилган давлат сифатида тарихга кирган ҳам Халифалик давлатидир. Чунки Халифаликда бир мусулмоннинг сўзи бутун Умматнинг сўзи, бутун Уммат эса яхлит бир вужуд деб эътибор қилинади. Шундай бўлгач, мусулмонлар олдида мана шу давлатни тиклаш ҳамма ишдан муҳимроқ вазифа бўлиши зарур. Чунки бу давлатнинг тикланиши бизга азизлигимизни қайтаради ва энг асосийси, Аллоҳ рози бўладиган ҳаётда яшашимизни таъминлайди. Росулуллоҳ ﷺ шундай деганлар:

«إِنَّمَا الْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ»

“Имом-халифа қалқондир. Унинг ортида туриб жанг қилинади ва у билан ҳимояланилади”.

Ҳизб ут-Таҳрир Ўзбекистон Матбуот бўлими аъзоси Абдураҳмон

30.04.2025й