Ёлғиз Исломий Халифалик давлатигина ирқчилик ва қабилачиликка чек қўяди
بِسْمِ اللهِ الرَّحْمٰنِ الرَّحِيمِ
Ёлғиз Исломий Халифалик давлатигина ирқчилик ва қабилачиликка чек қўяди
2019 йил 20 ноябр чоршанба куни Порт Судан шаҳрида Бани Омир ва Бажо қабилалари ўртасида урушни тўхтатиш бўйича келишув имзоланди. Қабилалараро уруш ўтган душанба куни бошланиб, унда 6 киши ўлдирилиб, ўнлаган кишилар яраланган эди. Уруш бошланишига сабаб қўзғолон фронти раиси ўринбосари Амин Довуд қўзғолон фронти билан давлатга қарши қурол кўтаргандан бир неча йил ўтиб, ўтган ҳафта Суданга келди ва халқ симпозиумини ўтказди. Хартумда уни кўпчилик қарши олди. Амин Довуд ўз қабиласини яхши кўришини айтар экан, Бажо қабиласининг сони озлиги ҳақида гапирди.
Бу нарса Бажо қабиласининг жаҳлини чиқарди ва ижтимоий тармоқларда қабилавий жанжални қўзғади. Натижада, одамлар қабила ва ирқчилик асосида йиғилишди. Фитна меваси пишиб, узиб олиш вақти келгач, одамлар Порт Судан шаҳри томон йўналишди. Бож Ньюс сайтининг ёзишича, Амин Довуд Қизил денгиз вилояти губернатори билан тузган иттифоқни бузган. Чунки улар бўлиши кутилаётган Жуба сўзлашувларидан кейин халқ симпозиумини ўтказишга келишиб олишган эдилар. Амин Довуд келишувни бузиб симпозиум ўтказган ва натижада жанжал бошланган.
Аслида юртда фитна қўзғаётган ҳамда одамларнинг қабилачилик ва ирқчилик асосида жанжаллашишига сабаб бўлаётган нарса ҳукумат ва кофир Ғарбга боғланган сиёсий элитадир. Улар тарафкашлик оловини ёқиб, мусулмон юртларини парчаловчи кофир Ғарб лойиҳасига хизмат учун ёки арзон сиёсий мақсад йўлида юрт аҳолиси ўртасини ажратмоқда. Бугунги ҳукумат олдингиси каби кабинет бўлишиш асосига қурилган. Абдуллоҳ Ҳамдук 2019 йил 5 сентябр, пайшанба куни бўлиб ўтган матбуот конференциясида 18 вазирдан иборат ҳукумат аъзоларини эълон қилди. Шунингдек, икки вазирлик вазирсиз қолаётганини айтди. Ҳамдук: «Биз бу икки вазирликка Шарқ ва Кўк Нилдан вазирлар тайинланишига ҳаракат қиламиз», деди. (Арабийя сайти, 2019 йил 6 сентябр). Демак ушбу ҳукуматдагилар халқ орасини ажратяпти ҳамда бўлиниш аломатларини йўқотиш ва халқни битта деб кўриш ўрнига, уларни тарафкашлик асосида бўлмоқда!
Муваққат ҳукуматнинг «Шошолинч программа»сидаги дин ва давлат бўлими, 10 бетида диний асосдаги сиёсий партиялар тузиш ман қилинади деган пункт мавжуд. Лекин тарафкашлик, ирқчилик ва тоифачилик асосидаги сиёсий партиялар тузиш ман қилинади дейилмаган. Чунки бундай таназзул сиёсатни тирикчилик манбаи қилиб олган сиёсатчиларнинг матоҳидир. Бундан ҳам ёмони зулм ва зўравонлик ҳақида гапираётган анави сиёсатчилар карвони зулмни йўқотадиган одил сиёсий тушунча ҳақида баҳс қилиш ўрнига кабинет бўлишиш ва вазирни талашиш билан овора бўлмоқдалар. Қўзғолон жабҳаси ва Суданни озод қилиш ҳаракатлари ҳам худди шу каби Жубадаги ҳукумат борасида музокара ўтказишди. Улар келишув охирига етмагунича парламент ва губернаторларни тайин қилишни тўхтатиб туришни талаб қилишди. Токи, ҳукуматдаги ўз ўринларини эгаллаб олсинлар. Демак, ҳокимлар ва сиёсий элитанинг мақсади кабинет бўлишиш ва одамларни бўлишдир. Улар буни ижобий бўлиш деб очиқ айтмоқдалар. Шунинг учун бу юртда фитна давом этаверади, одамлар ўртасида чегаралар ва тўсиқлар тикланаверади, натижада одамлар уришаверади.
Буюк Ислом динигина инсоният тарихида турли қабила, ирқ ва халқларни битта Умматга айлантирди. Натижада мусулмонларнинг Халифалари араб ва форслардан иборат насроний, маздакий ва зардуштийлар яшайдиган Ироқни фатҳ қилишди. Форслар, яҳудийлар ва румликлар яшайдиган Форсни фатҳ қилишди. Сурияликлар, арманлар, Румликлар ва араблар яшайдиган Рум ерлари бўлмиш Шомни фатҳ қилишди. Барбарлар яшайдиган Шимолий Африка, Синд, Хартум, Самарқанд ва Андалусияни фатҳ қилишди. Бу халқларни бир-биридан ажратмай, битта Умматга айлантиришди. Бунинг сабаби Исломдаги буйруқлар фуқароларга тарафкашлик, ирқчилик ва мазҳабпарастлик назарида эмас, балки инсоний назарда қарайди. Шунинг учун Ислом ҳукмлари мусулмон ва ғайримусулмон бўлишидан қатъий назар барчага татбиқ қилинади.
﴿وَلَا يَجْرِمَنَّكُمْ شَنَآنُ قَوْمٍ عَلَىٰ أَلَّا تَعْدِلُوا اعْدِلُوا هُوَ أَقْرَبُ لِلتَّقْوَىٰ﴾
«Бирон қавмни ёмон кўришингиз сизларни адолат қилмасликка тортмасин! Адолат қилингиз! Шу тақвога яқинроқдир» [Моида 8]
Шунингдек, барча одамлар қози ҳузурида бир хилдирлар. Бошқарув низоми вилоятларнинг Байтул молга киритаётган киримидан қатъий назар, уларнинг ҳар бирининг эҳтиёжини кафолатлашни тақозо этганидек, давлатнинг барча бўлакларини бирлаштиришни ҳам тақозо этади. Бу эса, давлатнинг барча вилоятларидаги фуқаролари орасини бирлаштиради.
Эй мусулмонлар: Ғарбга боғланган, турли фитналарни қўзғаётган ва ўзларининг шошилинч программалари билан Исломга қарши курашаётган ҳоким ва сиёсий элита душмандир. Сизлар уларни улоқтиринг, Роббингизга итоат қилинг, сассиқ жоҳилият даъволарини ташланг, тарафкашликка чақираётганларни ташланг, қуролни ташланг ва Аллоҳ Таоло хоҳлаганидек бўлинг. Зеро, Аллоҳ Таоло айтади:
﴿إِنَّمَا الْمُؤْمِنُونَ إِخْوَةٌ﴾
«Мўминлар ҳеч шак-шубҳасиз оға-инилардир» [Ҳужурот 10]
Росулуллоҳ ﷺ:
«الْمُسْلِمُ أَخُو الْمُسْلِمِ»
«Мусулмон бошқа бир мусулмоннинг биродаридир», деб айтганларида сизларни жаннатдаги сўриларда дўст биродар бўлишингизни истаганлар. Билингки, зулм ва зўравонлик ҳамда аччиқ ҳаётингиз рошид Халифалик давлати татбиқ этадиган Ислом адолати билангина йўқолади. Шунинг учун биз сизни дунё ва охират яхшилигига чақирамиз:
﴿يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ﴾
«Эй мўминлар, Аллоҳ ва Унинг пайғамбари сизларни абадий ҳаёт берадиган нарсага (яъни, динга) даъват қилар экан, уни қабул қилинглар» [Анфол 24]
Ҳизб ут-Таҳрир 25 робиул-аввал 1441ҳ
Судан вилояти 22 ноябр 2019м
