بِسْمِ اللهِ الرَّحْمٰنِ الرَّحِيم

Роя газетаси:

Ҳаж маросимлари бир сиқим ҳукмрон золим элита қўлида қолгач, аҳвол шундай бўлади-да?!

«Русиял Явм» веб-сайти (ҳижрий 1439 йил 21 зул-қаъда, милодий 2018 йил 3 август жума куни) нашр қилган хабарда бундай дейилади:

«Бирлашган Араб Амирлиги ташқи ишлар вазири Анвар Муҳаммад Қорақош Қатарни ўз фуқароларини ҳаж ибодатини адо этишдан ман қилганликда айблади. У Қатар қарорини «ғайритабиий қарор, унда кўра билиш қобилияти етишмайди, қатарликларга нисбатан ишончсизлик мавжуд», дея сифатлади.

«Ҳар қанча оқланмасин, айни қарор ўткинчи сиёсий масала билан муҳим масала орасини ажрата билувчи онгли кўз қараш етишмаётганини кўрсатмоқда. Зотан, масалани сиёсийлаштириш ва фуқароларни қўрқитиб, ҳаж ибодатини адо этишларига тўсқинлик қилиш уларга ҳам, уларнинг устувор вазифаларига ҳам, танловларига ҳам ишончсизлик билан қарашдир», деб ёзади Қорақош Твиттерда».

Роя газетаси шарҳи:

Афтидан, дам Риёз Давҳани айблаб, Давҳа буни инкор этиши ёки Давҳа Риёзни айблаб, Риёз буни рад этиши оқибатида Қатар ҳожилари иккинчи марта кетма-кет ҳаж қилиш имкониятидан маҳрум бўлишадиган кўринади. Бироқ ҳаж қилишдан маҳрум этиш, фақат Қатар мусулмонларига чекланмаяпти, балки, афсуски, бу Яман, Сурия ва Покистон аҳлигача етиб борди. Албатта, ҳаж масаласидаги ушбу қилмишлар ҳамда дунёдаги турли миллат ва масканлардаги мавжуд барча мусулмонларга қилинаётган тазйиқлар ва қўйилаётган чекловлар, барча мусулмонларга Нажд ва Ҳижоз заминини Саудлар оиласи ҳукмдорларидан озод этиш сари отилиб чиқиш вазифасини юкламоқда. Чунки Саудлар ҳукмдорлари оиласи икки ҳарам юрти устидан ўзларича васий бўлиб олиб, бутун ҳаж масканлари устидан ҳукмрон бўлиб олишган. Улар бунга ҳожилар ишларини бошқараётганларини, уларга хизмат кўрсатиб, ҳимоя қилишаётганини ҳужжат қилишади. Аслида эса, ўзлари турли баҳоналар билан ҳожилардан фойдаланиш, алдаб пулини олиш ва хорлашдан ўзга нарсани билишмайди. Масалан, гоҳ ушбу муқаддас юртга кириш тўловларини оширса, гоҳ жой етишмаслиги ёки катта сондаги ҳожиларга хизмат кўрсатиш имконсизлиги каби баҳоналар билан ҳар бир давлатнинг ҳожилари сонига чекловлар қўйишади, ҳаж қилишга лаббайка, деган инсонларни ҳаж фарзини адо этишдан маҳрум этишади. Баъзан, ҳукмдорлари билан Саудия ҳукмдорлари ўртасида сиёсий келишмовчилик ёки қабилавий низо мавжуд бўлган давлатлар ҳожиларини мамлакатга киришларига рухсат беришмайди.

Аллоҳдан дуо қилиб, бизга Ислом ва мусулмонларни қудратли қиладиган, куфр ва кофирларни, уларнинг тобею малай золимларини хор этадиган рошид Халифалик билан сийлашини сўраймиз.

Роя газетасининг 2018 йил 8 август чоршанба кунги 194-сонидан