Ҳизб ут-Таҳрир — Судан вилояти вакилларининг Судан аҳолиси нуфузли кишилари билан учрашувлари давом этмоқда
Ҳизб ут-Таҳрир — Судан вилояти вакилларининг Судан аҳолиси нуфузли кишилари билан учрашувлари давом этмоқда
Ҳизб ут-Таҳрир — Судан вилояти вакиллари Судан аҳолисининг нуфузли кишилари билан учрашувларини давом эттирмоқда.
* 2026 йил 19 сентябрь, шанба куни, Ҳизб ут-Таҳрир — Судан вилояти вакилларидан иборат делегация Судан вилоятидаги Ҳизб ут-Таҳрир Марказий алоқа қўмитаси раиси, устоз Носир Ризо бошчилигида, Ҳизб ут-Таҳрир — Судан вилояти Мажлиси аъзолари: устоз Муҳйиддин Бухорий ва доктор Аҳмад Абдулфазил, шунингдек, ҳизб аъзолари — устозлар Холид ал-Жазиъ, Фазлуллоҳ Али Сулаймон ва Абдулваҳҳоб Муҳаммад Абдулваҳҳоб ҳамроҳлигида ташриф буюрди.
Делегация биринчи ташрифида Дар Ҳамар қабилалари Шўро кенгаши раиси устоз Абдулҳай Софийуддин Ножиҳ билан Хартум Баҳрийдаги Купер маҳалласидаги яшаш жойида учрашди.
— Учрашув аввалида устоз Абдулҳай Судандаги уруш, унинг давлат ва жамиятга таъсири ҳамда у келтириб чиқарган вайронагарчилик ва харобалар ҳақида сўзлади. Сўнг устоз Носир режалаштирилган фитнанинг хавфлилигини очиб берди. Унда қабилаларни сафарбар қилиш, уларни қуроллантириш ва мамлакатни парчалайдиган урушларга жалб этиш кўзда тутилганини таъкидлади. Унинг таъкидлашича, бундан чиқиш йўли — мустамлакачи кофирларнинг режаларини англаб етиш ва Ислом давлатини — пайғамбарлик минҳожи асосидаги Рошид Халифаликни барпо этиш учун ҳаракат қилишдир.
Устоз Абдулҳай эса: «Ислом ақида ва Шариат сифатида татбиқ этилмас экан, ҳеч қандай ечим йўқ», дея таъкидлади ҳамда делегацияга ташрифи учун миннатдорчилик билдирди.
* Иккинчи ташрифда делегация Хартумдаги Каваҳла қабиласи амири устоз Муҳаммад аз-Зайн Фазлулмавло Абу Ҳафс билан Умдурмон шаҳрининг Ас-Савра маҳалласидаги уйида учрашди.
Учрашув аввалида Каваҳла қабиласи амири Судандаги уруш, Тезкор ҳаракатланиш кучлари томонидан содир этилган жиноятлар ва мол-мулкларни талон-торож қилиш ҳолатлари ҳақида сўзлади. Унинг таъкидлашича, бунинг сабаби одамларнинг Исломга қайтмаганидир.
Сўнг устоз Носир ушбу уруш ташқи томондан бошқарилаётганини таъкидлаб, қабилаларни бу можарога тортиш ва уларни қабилачилик асосида қуроллантириш хавфидан огоҳлантирди. Бу мустамлакачи кофирнинг мамлакатни парчалаш ва бўлиб ташлашга қаратилган ҳаракатларига хизмат қилишини билдирди.
Унинг айтишича, ечим Исломдадир — яъни пайғамбарлик минҳожи асосидаги Рошид Халифаликни барпо этишдадир. У амирни Халифалик лойиҳасига нусрат беришга чақирди.
Амир эса: «Сизлар Ислом билан бирга экансизлар, биз ҳам сизлар билан биргамиз», — деди.
* 2026 йил 20 сентябрь, якшанба куни, устоз Носир Ризо бошчилигидаги вакиллар Ҳизб ут-Таҳрир — Судан вилояти Мажлиси аъзоси устоз Муҳйиддин Бухорий ҳамроҳлигида Умдурмон шаҳрининг Ас-Савра маҳалласида Жумуъия қабиласининг умумий маки, Маки Ғоним ат-Таййиб Муҳаммад Носир билан унинг уйида учрашди.
Учрашув аввалида Маки Ғоним Судандаги уруш ва унинг келтириб чиқарган вайронагарчилиги ҳақида сўзлади. Уларнинг уруш бошланган илк кунларданоқ қабилани сиёсий фаолиятдан четда ушлашга ҳаракат қилганини ва қабила армия атрофида бирлашиши кераклигини айтди. Чунки, унинг фикрича, мамлакатни парчаланишдан ҳимоя қиладиган ва уни асрайдиган куч армиядир.
Сўнг устоз Носир режалаштирилган фитнанинг хавфли эканини баён қилди: қабилаларни сафарбар қилиш, уларни қуроллантириш ва мамлакатни парчалайдиган урушларга киритиш кўзда тутилганини айтди.
Шу сабабли, Ҳизб ут-Таҳрир қабила ва уруғ бошлиқлари билан алоқа ўрнатиш устида ишлаётганини, бу ишни Курдуфан ва Дарфурдан бошлаб, Шарқий Судангача давом эттираётганини билдирди.
«Сизнинг ҳурматли шахсингизга ташрифимиз ҳам шу доирададир. Мақсад — кофирнинг режасини тушунтириш ва уни барбод этиш учун ҳаракат қилиш, бу эса Ислом ақидасига маҳкам ёпишиш ҳамда қабиланинг пайғамбарлик минҳожи асосидаги Рошид Халифалик лойиҳаси билан бирга туришидир. Чунки Халифалик барча муаммоларни ҳал қилиш ечимидир ва уни барпо этиш учун ҳаракат қилиш барчамиз зиммамиздаги шаръий вазифадир», — деди у.
Маки Ғоним эса улар Ислом тарафдори эканликларини ва Шариатни татбиқ этишни қўллаб-қувватлашларини тасдиқлади.
* Шунингдек, 2026 йил 21 сентябрь, душанба куни, устоз Носир Ризо бошчилигидаги делегация Марказий алоқа қўмитаси аъзоси устоз Абдуллоҳ Ҳусайн ва Ҳизб ут-Таҳрир аъзоси муҳандис Авз ал-Ҳодий ҳамроҳлигида аҳоли бошқаруви тизимидаги етакчи, Исломий ҳаракат аъзоси ва собиқ парламент аъзоси шайх Абдурраҳим Исо билан Умдурмон шаҳридаги Ан-Нил маҳалласидаги уйида учрашди.
Учрашувда мустамлакачи кучларнинг, хусусан, Американинг исломий юртларга нисбатан режаси — уларни қайта бўлиш ва парчалаш, айниқса Суданни бўлиб ташлаш масаласи муҳокама қилинди.
Америка ўз режасини жадал суръатда амалга ошираётгани, бу режа Жанубий Суданни ажратиб олишдан бошлангани ва ҳозир эса бошланган ушбу уруш ҳамда қабилаларни қуроллантириш, қабилавий милициялар ташкил этиш, вазиятни портлатиш ва ирқий-этник адоватларни қўзғаш орқали Дарфурни ажратиш учун ҳаракат қилинаётгани таъкидланди.
Шунинг учун Ғарб лойиҳасига йўл қўймаслик талаб этилади. Бунинг учун қабилаларни Уммат бирлиги лойиҳаси — пайғамбарлик минҳожи асосидаги Рошид Халифалик томон йўналтириш лозим. Зеро, Халифалик Аллоҳ субҳанаҳу ва таолонинг ваъдаси ва Пайғамбар Муҳаммад ﷺнинг башоратидир.
Шайх Абдурраҳим Исо Суданнинг бирлигини таъкидлаб, унинг парчаланишига йўл қўймаслик кераклигини билдирди. Шунингдек, у Халифалик сояси остида мусулмонларнинг бирлиги тарафдори эканини тасдиқлади.
Роя газетасининг 2026 йил 30 сентябр чоршанба кунги 619-сонидан
