1924 йил 3 март – Ислом тарихидаги энг аламли кун
1924 йил 3 март – Ислом тарихидаги энг аламли кун
بسم الله الرحمن الرحيم
Ислом тарихига назар ташлайдиган бўлсак, унинг ҳақ ва адолат тантанаси, шон-шавкат, буюк фатҳлар, оламшумул ихтиролар, барча соҳалар бўйича мисли йўқ тараққиёт, дунёга яхшилик улашиш каби ишларга тўла бўлганлигини кўрамиз. Шу билан бирга, аччиқ мағлубиятлар, йўқотишлар, ҳатто Халифаликнинг мавжуд бўлишига катта хавф туғилган даврлар ҳам бўлди. Бироқ Ислом давлати мавжуд бўлиб турар экан, Уммати Исламия ҳар қандай хавф-хатарга қарши оёққа туришда ўзида куч топа билди. 1924 йил 3 март санасигача шундай бўлиб келди. Мана шу машъум санада Ислом Уммати қалқони ва ғамхўри – Халифалик давлати тугатилди. Бунгача мусулмонлар ҳар қанча йиқилмасинлар, душман ҳар қанча кучли бўлмасин, барибир қаддини тиклаб, яна ғалабали юришларини давом эттирдилар. Чунки мусулмонларни бирлаштириб, бир мушт қилиб тугадиган ўз давлати ва халифаси бор эди. Аммо Халифалик қулатилгач, ҳаммаси ўзгариб кетди. Ўша вақтда дунёда биринчи давлат бўлган ва Усмоний Халифалик давлатини қулатишда асосий рол ўйнаган Англия бошчилигидаги кофир мустамлакачи давлатлар Ислом оламини 50 дан ортиқ майда давлатчаларга бўлиб-парчалаб ташлаб, ўзаро тақсимлаб олишди. Шундан сўнг бу очкўз ва ёвуз давлатлар мусулмонлар бошига не кунларни солмади дейсиз. Уларнинг Исломий юртлар бойликларини талаб, ҳарбий ва сиёсий жиҳатдан мустамлака қилишлари натижасида миллионлаган мусулмонлар қирғин қилинди. Улар бу жиноятларини ўта шафқатсизлик ва пасткашлик билан қилишдики, уни таърифлаш учун тил ожизлик қилади…
Мусулмонлар ўз давлатидан маҳрум бўлгач, уларнинг жони, моли ва обрўсининг сариқ чақалик қиймати қолмади, балки энг арзон матоҳга айланди. Биз буни Ироқ, Афғонистон, Чеченистон, Мянма, Шарқий Туркистон каби юртлар мисолида кўришимиз мумкин. Айниқса, бугун Муборак Фаластин заминидаги мусулмонлар лаънати сионист режим томонидан мисли йўқ шафқатсизлик билан қатли ом қилиняпти. Албатта, мусулмонларнинг бугунги хор ва ожиз аҳволда қолаётганининг бош сабабчиси Халифалик давлатининг йўқлигидир. Исломий юртларнинг, хусусан Фаластиннинг ҳарбий ва сиёсий жиҳатдан босиб олинишида ўзини мусулмон санаётган хоин ҳукмдорлар ва уларнинг сиёсатини оқлаб бераётган ёлланма имомлар асосий ролни ўйнамоқда. Айнан улар Халифалик тугатилгандан сўнг кофир мустамлакачи давлатларга хизмат қилишни бўйнига олиб ҳокимиятга келдилар. Уларнинг хоинликлари шу даражага бориб етдики, мусулмонларнинг қони дарё бўлиб оқса ҳам бир туки қимирламайдиган, агар кофирнинг бир томчи қони тўкилгудек бўлса кўз ёш тўкиб ҳамдардлик билдирадиган аҳволга келиб қолишди. Мана, Ғазода кунига юзлаб мусулмонлар ўлдирилаётган бир пайтда, Американинг уч аскари ўлгани ҳақида хабар тарқалиши билан Араб режимлари тезда ўз ҳожасига таъзия билдиришга шошилишди. Демакки, бу режимлар учун мусулмонлар қонининг сариқ чақалик қиймати йўқ. Ислом Умматининг куни мана шундай ҳамиятсиз, қўрқоқ, малай ҳукмдорларга қолди.
Бироқ мусулмонлар устида содир бўлаётган бундай ишлар Халифаликнинг йўқлиги сабабли эканлигини тушунишларини тезлаштиряпти ва осонлаштиряпти. Хусусан, Муборак Фаластиндаги сўнгги ҳодисалар мусулмонлар ўз давлатига эга бўлмагунларича уларни ҳимоя қилгувчи топилмаслигини англаб етишяпти. Ҳамма бало бундан 100 йил муқаддам бой берилган давлатимизнинг йўқлигида эканлиги ҳамда ана шу қалқонимизни қайта тиклаш билангина хорлик ва қолоқликдан чиқа олишимиз мумкинлигини тушуниб етишяпти. Албатта, Халифаликни тиклаш нафақат зарурат, балки вожиб бўлган ишдир. Шу билан бирга, бу хомхаёл эмас, балки амалга ошириш мумкин бўлган ишдир. Чунки бу борада Аллоҳ таолонинг ваъдаси бор:
وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً وَمَن كَفَرَ بَعْدَ ذَلِكَ فَأُولَئِكَ هُمُ الْفَاسِقُونَ
– “Аллоҳ сизлардан имон келтирган ва яхши амаллар қилган зотларга худди илгари ўтган зотларни халифа қилганидек уларни ҳам ер юзида халифа қилишни ва улар учун Ўзи рози бўлган (Ислом) динини ғолиб-мустаҳкам қилишни ҳамда уларнинг (аҳволини) хавфу-хатарларидан сўнг тинчлик-хотиржамликка айлантириб қўйишни ваъда қилди. Улар Менга ибодат қилурлар ва Менга бирон нарсани шерик қилмаслар. Ким мана шу (ваъда)дан кейин куфрони (неъмат) қилса, бас улар фосиқлардир”. (Нур:55)
Росулуллоҳ ﷺ шундай башорат қилдилар:
ثم تكون خلافة على منهاج النبوة"رواه أحمد.
“… Сўнгра Пайғамбарлик минҳожидаги рошид Халифалик бўлади”. Имом Аҳмад ривояти.
Айниқса, ҳозир Аллоҳ таоло мусулмонлар учун қулай шарт-шароитлар яратиб бераётган бир вақтда бу ишни амалга оширишга ҳар қачонгидан ҳам яқин турилибди.
Бугун биз Халифалик қулатилишининг аламли хотираси куни бутун Ислом Уммати, хусусан Марказий Осиё мусулмонларига бу кунни яна ёдларига соламиз. Ислом тарихидаги энг қора кунни хотирлаш бугун мусулмонлар устидаги ушбу аччиқ воқеликни ўзгартириш учун бир туртки бўлишидан умидвормиз. Ҳолбуки, ўз давлатимизга эга бўлмас эканмиз, муаммоларимиз ҳаргиз тўғри муолажа қилинмайди, йирик давлатларга қарам ва ҳимоясиз аҳволда қолишда давом этаверамиз. Қуръон ёқилиши, Росулуллоҳ ﷺни таҳқирлаш, масжидларимизни топталиши каби муқаддасотларимиз оёқ ости қилинишига чек қўйилмайди. Биз сўз билан айтганда, Ислом Умматини азоб-уқубат, қолоқлик ва хорликдан боши чиқмайди.
Бугун Халифалигимизнинг аламли хотираси кунида биз мусулмонларга буюк давлатларини яна ёдларига соламиз! Мусулмон аждодларимизни азиз ва қудратли қилган, душманларимиз қалбига қўрқув солган буюк Ислом давлатингизни яна қайтариб олиш сари қадам ташламайсизми, дея нидо қиламиз! Хорлик ва заифликдан куч-қудрат ва азизлик сари илдам ҳаракат қилмайсизми, дея савол берамиз! Ғайратингиз, қувватингиз, бойлигингиз, илмингиз, хуллас бор имкониятингизни мана шундай буюк иш учун сарфламайсизми, дея ҳимматингизни қўзғаймиз! Аллоҳнинг ғазабини келтирадиган ғайриисломий тузумлардан воз кечиб, Аллоҳ рози бўладиган бошқарувни олиб келиш вақти келганини баралла эълон қиламиз! Бундай буюк иш учун бериладиган Аллоҳнинг буюк мукофотига шошилинг!
يَا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ
– “Эй мўминлар, агар сизлар Аллоҳга ёрдам берсангизлар (яъни Унинг йўлида жиҳод қилсангизлар), У зот ҳам сизларга ёрдам берур ва жанг майдонида қадамларингизни собит-барқарор қилур”. (Муҳаммад:7)
Ҳизб ут-Таҳрир Ўзбекистон матбуот бўлими аъзоси Форуқ
03.03.2024й
