Сурия режими ҳам, мухолафат ҳам бир-биридан фарқсиз балодир
بِسْمِ اللهِ الرَّحْمنِ الرَّحِيمِ
Роя газетаси:
Сурия режими ҳам, мухолафат ҳам бир-биридан фарқсиз балодир
Ҳижрий 1439 йил 13 робиул-аввал, милодий 2017 йил 1 декабр жума куни «Русиял Явм» сайтида қуйидаги хабар нашр қилинди:
«Сурия ҳукуматининг «Женева-8» музокараларига тайинлаган делегацияси раиси Башар Жаъфарий – БМТнинг Суриядаги махсус вакили Стеффан де Мистура бугунги қатор музокаралар турида кўп хатолар содир этди, деди.
Жаъфарий матбуот конференциясида де Мистуранинг ўз саъй-ҳаракатларини Сурия ҳукумати билан маслаҳат қилмаган ҳолда олиб борганини ва бу билан музокарачи томонлар ўртасидаги воситачилик ваколатидан ҳатлаб ўтиб кетганини таъкидлади. Сўнг сўзини давом эттириб, «Биз де Мистурага очиқ ва шаффоф шаклда ҳаракат қилганимиз ҳолда, эртага Женевани тарк этишимизни етказдик», деди.
Жаъфарий жумладан «Бу музокаралар турида де Мистура биз билан маслаҳат қилмасдан қадамлар ташлади», деди, сўнг «Биз де Мистура билан музокара қилмаяпмиз, биз унинг воситачилигида музокара қиляпмиз. Бундай саъй-ҳаракати билан у воситачилик миссиясидан ҳатлаб ўтиб кетди», дея қўшимча қилди.
Жаъфарий «Аммо бу унинг делегацияси билан БМТ вакили ўртасида тўқнашув бўлганини англатмаслиги»ни урғулаб, Дамашқнинг Женева амалиёти жараёнини тўхтатмасликка аҳамият бераётганини таъкидлади.
Сурия ҳукуматининг музокараларга тайинлаган делегацияси раиси, ҳозирги сўзлашувлар турининг Дамашқ делегациясига нисбатан ниҳоясига етганини ва бу делегация эртага шанба куни Женевани тарк этишини билдирди.
Сўнг «Риёз-2 баёноти рад этилади. Чунки у сиёсий ўзгаришларни ҳисобга олмади», дея қўшимча қилди». (Хабар тамом).
Малай ва илмоний бўлган коалициянинг собиқ раиси Холид Хўжага кўра, Жаъфарий музокаралардан чиқиб кетиши билан де Мистурани ҳақорат қилди. У Твиттерда – бу воқеа ортидан ҳар доимги давлатлар элчилари ўйини бошланади ва бу ўйинда ҳамма давлатлар мухолафатнинг музокарачи гуруҳига ташланиб, уни БМТ вакили билан ҳамкорликни давом эттиришга ундайдилар — деди.
Холид Хўжа айни сўзлари билан Сурия режимига юқори баҳо бериб, унинг хатти-ҳаракатлари яхши эканига ишора қилмоқда.
Роя газетаси шарҳи:
Бу саҳна асари Америка ва кофир Ғарб давлатлари томонидан ёзилган. Бу разил асарда малай Сурия режими билан Сурия мухолафати иккаласи бош қаҳрамон ролини ўйнамоқда. Иккала тараф ҳам АҚШ ва мустамлакачи давлатлар қўлидаги арзонгаров қўғирчоқдир. Энди улар ўртасида кўринаётган зиддиятларга келсак, бу зиддиятлар у қадар муҳим бўлмаган зоҳирдаги зиддиятлардир. Улар юзларидаги шармандалик қора тамғасини тозалашда шу каби услублардан фойдаланишади. Америка Суриядаги ботқоқдан чиқиш учун тайинлаган БМТ вакили де Мистура эса, фирибгарликни жуда яхши биладиган маккор тулкидир. Агар шу тулки бўлмаганда эди, Америка Исломга қарши курашиш ва уни ҳокимиятга келтирмаслик учун мухолафат билан режимни бир столга ўтқаза олмас эди.
Роя газетасининг 2017 йил 6 декабр чоршанба кунги 159-сонидан
