بِسْـــمِ اللهِ الرَّحْمٰـــنِ الرَّحِيـــم

Матбуот баёноти

Уйғур мусулмонларини Хитой режими жиноятларидан ҳимоя қилиш Малайзия ҳукумати бўйнидаги вазифадир

Бош вазир Датук Серининг ноиби доктор Аҳмад Зоҳид Ҳамидий «Малайзия қироллиги полицияси айни пайтда мамлакатда қамоқда сақланаётган 11 нафар уйғур мусулмонлар ҳақида атрофлича текширув олиб боради ва Хитой ҳукуматининг уларни топшириш тўғрисидаги талабини эътиборга олади» деди. Ички ишлар вазири мансабида ҳам ишловчи Зоҳид Ҳамидийга кўра, Малайзия ўзаро қонуний ёрдамларни ҳурмат қилади ва бу соҳада Хитой полицияси билан тиғиз ҳамкорлик қилади. Шуни таъкидлаб ўтиш ўринлики, қамоқда сақланаётган 11 нафар киши ўтган йили ноябр ойида Тайланд қамоқхонасидан қочишга имкон топган 20 нафар уйғур мусулмонларнинг бир қисмидир.

Интернет тармоғидаги http://www.hoylam.net/malaysiya_hokumitige_ochuq_xet веб-сайтига юкланган Малайзия ҳукуматига йўлланган очиқ хатда уйғур мусулмонлари Малайзия ҳукуматини маҳбусларни бошпана билан таъминлашга ва уларни Хитойга депортация қилмасликка чақирадилар. Ушбу мактубда уларнинг оғир қийноқларга дуч келиши ва баъзилари дини Ислом бўлгани учунгина Хитой режими қўлида ўлим топиши мумкинлиги айтиб ўтилади. Мактубда айтилишича, улар Хитойга топширилишдан кўра, Малайзия ҳукумати қўлида ўлим топишни афзал кўрадилар. Чунки, агар улар Малайзия ҳукумати қўлида ўлим топсалар ҳеч бўлмаганда Ислом аҳкомларига мувофиқ дафн қилинадилар. Уларнинг Малайзия ҳукуматидан умид қилаётган ишларининг биттаси ҳам шу. Малайзия ҳукумати ҳозиргача бунга эътиборсиз қараб келмоқда.

Уйғур мусулмонлари Ислом Умматининг бир қисмидир. Улар Хитой режими шафқатсизлигидан ўз ҳаётларини сақлаб қолиш учун қочишга мажбур бўлишмоқда. Уларнинг бирдан-бир жинояти мусулмон бўлганидир. Уйғур мусулмонлар бир неча ўн йиллар давомида ҳуқуқларидан маҳрум қилиндилар ва диний ибодатларини адо этишларига тўсиқ қўйиш учун занжирбанд қилиндилар. Кўпчилиги Шинжон ёки Шарқий Туркистонда яшовчи уйғур мусулмонларининг Хитой режими томонидан таъқибга учраётганини сиёсий кўр ва худбин кишиларгина кўра олмаслиги мумкин.

Хитой режими ҳукуматга қарши ҳар қандай қаршилик ҳаракатини террорчиликка боғлаш орқали ўз шафқатсизлигини оқламоқда. Гарчи баъзи уйғур мусулмонларнинг қурол кўтаргани тўғри бўлса ҳам, аниқ айтиш мумкинки, Хитой режими уларга босим ўтказгани ва уларни қирғин қилгани натижасида бу мусулмонлар қурол кўтаришга мажбур бўлишмоқда. Чунки улар босимга учраб бир неча ўн йиллардан бери ҳуқуқидан маҳрум бўлиб келишмоқда ва мусулмонларнинг ҳукмдорлари уларнинг ҳайқириғини эшитмаяпти. Малайзия бош вазири уйғур мусулмонларига ёрдам кўрсатмаслик билангина кифояланиб қолмади, балки у Исломга қарши курашувчи коммунистик режим билан тиғиз алоқа ўрнатди.

Ҳизб ут-Таҳрир Малайзия ҳукуматига шуни эслатиб ўтадики, уйғур мусулмонлари бизнинг биродарларимиздир ва Хитой режими жиноятларидан уларни ҳимоя қилиш Малайзия ҳукумати бўйнидаги вазифадир. Бундан ташқари Малайзия ҳукумати уларни бошпана билан ва уларга керакли барча нарсалар билан таъминлаши, шу жумладан улар барча ҳуқуқлардан фойдалана олишлари учун уларга фуқаролик бериши лозим. Шунингдек, уларни депортация қилиш ёки Хитой режимининг уларни қўлга олишига йўл қўйиб бериш Малайзия ҳукуматига ҳаромдир. Чунки бу уларнинг ҳаётини хавф остида қолдиради. Росулуллоҳ A айтадилар:

«الْمُسْلِمُ أَخُو الْمُسْلِمِ، لاَ يَظْلِمُهُ وَلاَ يُسْلِمُهُ»

«Мусулмон мусулмоннинг биродаридир, унга зулм қилмайди ва уни ўз ҳолига ташлаб қўймайди». (Бухорий ва Муслим ривояти). Бундан ташқари, Хитой коммунистик режими мамлакатдаги мусулмонларга нисбатан – улар қаерда жойлашганидан ва қайси ирққа мансуб бўлишидан қатъий назар – амалга ошираётган шафқатсиз жиноятларидан тийилиши учун Малайзия ҳукумати унга босим ўтказиши лозим. Шунингдек, модомики Хитой режими Исломга душманлик қилишни давом эттирар экан, у билан барча дипломатик ва тижорий алоқаларни тўхтатиш Малайзия ҳукуматига вожибдир.

Эй, Малайзия ҳукумати! Ҳозиргина биз эслатиб ўтган бу ишларни қилмаслигингга биз тўлиқ ишонсак-да, бироқ биз исломий сиёсий Ҳизб сифатида ҳукумат жавобгарлигини унга эслатиб туришни асло тўхтатмаймиз. Айни пайтда, пайғамбарлик минҳожи асосидаги Рошид Халифаликни барпо қилиш орқали исломий ҳаётни қайта тиклаш учун фаолият қилишни ҳам давом эттирамиз. Аллоҳнинг изни ила яқинда тикланажак бу давлат уйғур биродарларимизни ва зулмга учраган барча мусулмонларни қутқаради. Эй, Аллоҳ нозил қилган аҳкомлар билан бошқармаётган ҳукумат! Бошқарувинг даври узоқ эмаслигини ҳам эътиборга ол. Вақт борида мусулмон биродарларимизга ёрдам кўрсат, Аллоҳ Субҳанаҳу ва Таоло ва унинг Росули A буюрган аҳкомларни ижро қил. Чунки уйғур мусулмонлари маҳшар кунида ўзлари учун қасос олишни талаб қилган вақтда бирортаси сенларни Аллоҳнинг аламли азобидан қутқариб қола олмайди!

Абдулҳаким Усмон

Ҳизб ут-Таҳрирнинг Малайзиядаги

матбуот бўлими раиси

Телефон: 03-89201614

Электрон почта: htm@mykhilafah.com

Веб саҳифа: www.mykhilafah.com

Адрес: Khilafah Centre, 47-1, Jalan 7/7A,

Seksyen 7, 43650 Bandar Baru Bangi, Selangor