بِسْمِ اللهِ الرَّحْمٰنِ الرَّحِيم

Роя газетаси:

Туркманистон ҳукумати худди ўғрилар каби ўз фуқароси уйидаги унни тортиб олмоқда!

Устоз Мухлиса хоним – қаламига мансуб

«Туркманистон альтернатив янгиликлари»да айтилишича, сўнгги вақтларда Туркманистон давлат магазинларида ун ва нон тақчиллиги кузатилмоқда. Нон етказиб бериш кунига фақат бир марта эрталаб бўляпти ва бу ҳам ҳамма савдо нуқталарида эмас. Кузатувчилар бу етказилаётган нон шаҳар аҳолисининг барчасига етмайди дейишмоқда. Юқоридаги мазкур манбага кўра, «дўконлардаги барча турдаги нонлар, ҳатто илгари фақат айримларгина сотиб олган қиммат нонлар ҳам тезда сотилиб кетяпти».

Айни пайтда, Туркманистон шимолий минтақаси ҳокимияти ун танқислиги муаммосини ҳал этиш йўлларини изламоқда, ҳатто маҳаллий аҳолидан «ортиқча ун»ларни мусодара қилиш йўлини ҳам қўллади. Аҳвол шу даражага етдики, одамлар чорва ҳайвонларига бериладиган арпани ҳам нон қилиб ейишди… Дашоғуздаги «Озодлик» радиоси туркман хизматига кўра, мана шу арпа ҳам аҳолига етарли эмас.

Минтақадаги манбаларнинг айтишича, аҳоли маҳаллий ҳукумат бинолари олдида тез­тез норозилик намойишига тўпланмоқда. Бунга жавобан ҳукумат диний арбоблар ва оқсоқоллар иштирокида тушунтириш йиғинлари уюштириш билан одамларни тинчлантиришга уринмоқда. Маҳаллий полиция ҳам тартибсизликлар келиб чиқишини олдини олиш учун чора­тадбирлар қўлламоқда, намойишга тўпланганлардан телефон рақамларини олиб, буғдой савдоси йўлга қўйилган пайтда уларни чақиришга ваъда бермоқда.

Аммо туркман ҳукумати ҳам, маҳаллий ахборот воситалари ҳам озиқ­овқат ва хизматлар баҳосининг ортиб кетиши сабабларига панжа орасидан қараб, давлатнинг иқтисодий ютуқлари тўғрисида сохта хабарлар тарқатмоқда.

Маълумки, беш миллион атрофида аҳолиси бор Туркманистон, дунёда энг катта табиий газ захирасига эга давлатлар ичида тўртинчи ўринда туради. Юртнинг биринчи президенти Сафармурод Ниёзов 1991 йил мустақиллик эълон қилгандан сўнг Туркманистоннинг иккинчи Кувайтга айланишини, у аҳолининг ҳар бирига «мерседес» машинаси билан таъминлашни ваъда қилган эди. Бироқ бунинг акси ўлароқ, бу юрт икки йилдан бери қиш фасли яқинлашиши билан асосий эҳтиёж моллари танқислигига гувоҳ бўлмоқда. «Озодлик» радиоси мухбирлари юртдаги вазиятга ҳали иккинчи Кувайт бўлишга анча бор, дея баҳо беришяпти.

Экспертларнинг айтишича, Туркманистон мустақилликдан бери энг хавфли иқтисодий кризисни бошдан кечирмоқда. Бунга асосий сабаб, дунё бозорида энергетик ресурслар баҳосининг тушиб кетиши бўлди. Зеро, бу юрт иқтисодиёти, асосан, энергетикага боғлиқ.

Дарвоқе, сентябрда Осиё ўйинларининг ёпиқ ўйингоҳларда ўтказилиши, юрт иқтисодига кучли зарба берди. Чунки ҳукумат бунинг учун 10 миллиарддан 15 миллиард доллар ўртасида харажат қилди.

«Озодлик» мухбирининг билдиришича, полиция зобитлари Амударё кўпригидан ўтаётган машиналарни бирма­бир тинтув қилиб, 25 манат (турк валютаси) қийматида буғдойи бор шахсларга жарима солмоқда, бўйсунмаганларни эса жазога тортиш ва буғдойини мусодара қилиш билан таҳдид қилмоқда.

Эй Туркманистондаги мусулмонлар!

Президентингиз ўз фуқаросини қашшоқ ва оч қолдирди, ҳатто уйларидан унларини талаб кетмоқда, қўшни давлатлардан буғдой импорт қилмоқчи бўлган савдогарларни жазога тортиб, қароқчилик қиляпти, унинг югурдаклари машиналарингизни тинтув қилиб, унларини мусодара қилмоқда… Хўш, шундай кимса раҳбарликка лойиқми?!

Юртингиз табиий бойликларга тўла бўлишига қарамай, озиқ­овқат танқислигида кун кечиряпсиз. Зотан, бундай аҳвол, асосан, ёмон бошқарув, қишлоқ хўжалиги ва саноатга эътибор бермаслик ҳамда ҳукуматнинг ўз вазифасини суиистеъмол қилиши, ўз вазифаси билан шуғулланмаслиги сабабли келиб чиққан. Чунки Ўрта Осиёда ҳар қандай экин ўсадиган ҳосилдор ҳудудлар кўп, шу боис бу юртда озиқ­овқат ресурслари танқислиги келиб чиқиши мумкин эмас. Фақат қурғоқчилик ва сел каби офатлар туфайлигина бу нарса келиб чиқиши мумкин, аммо бундай офатларга биз гувоҳ бўлмадик.

Бундай жинояткор, золим ҳукуматни илдизи билан қўпориб ташлаб, Пайғамбарлик минҳожи асосидаги рошид Халифаликни барпо этиш вақти аллақачон келган. Чунки ушбу Халифалик шариат билан ҳукм юритади, ўз зиммасидаги фуқаролари ҳаққидан – Умар Форуқ каби – қўрқади… Умар Форуқ халифалиги вақтида фуқаронинг оч аҳволдалигини кўриб, уларга байтулмолдан ун ва ёғларни елкасига ортиб етказган, овқат пишириб, болаларга ўз қўли билан едирган эди. Бугун барпо бўлажак халифа ҳам ишсизлик, қимматчилик ва қашшоқликни… мана шундай тақво билан албатта йўқ қилади, мусулмонлар очликдан халос бўладилар ва Аллоҳ Субҳанаҳу ва Таолони рози қилиш учун ўзларига буюрилган фарзларни адо этиш билан шуғулланадилар.

Роя газетаси сайтидан олинди

+2

0