АҚШ ҳужжатларидан саудлар оиласи ҳукмдорлари хоинлиги очилиб қолди
بسم الله الرحمن الرحيم
Роя газетаси:
АҚШ ҳужжатларидан саудлар оиласи ҳукмдорлари хоинлиги очилиб қолди
Ҳижрий 1439 йил 17 Рамазон, милодий 2018 йил 2 июн шанба куни «Арабий 21» веб-сайти нашр қилган хабарда бундай дейилади (хабардаги баъзи сўзлар ўзгартирилган):
«АҚШ ташқи ишлар вазирлиги тарихий бир ҳужжатларни нашр қилди. Ҳужжатларда айтилишича, Саудия Миср билан босқинчи яҳудийлар ўртасида 1979 йил имзоланган Кэмп-Дэвид шартномасини қўллаб-қувватлаган.
Масалан, айни ҳужжатларга кўра, америкалик бир масъул (номи зикр қилинмаган) АҚШнинг Саудиядаги элчиси Жон С. Уэст билан ўша пайтдаги Саудия ташқи ишлар вазири Сауд Файсал ўртасида 1978 йил 9 августда бўлиб ўтган учрашувда иштирок этади ва саудиялик вазир унинг мамлакати Миср билан босқинчи яҳудийлар ўртасидаги шартномани тўла қўллаб-қувватлашини билдиради.
1978 йил 10 августда АҚШнинг Саудиядаги элчихонасидан АҚШ ташқи ишлар вазирлигига телеграмма юборилган. Телеграммада бир кун аввал 9 августда АҚШнинг Саудиядаги элчиси Жон С. Уэст билан ўша пайтдаги Саудия ташқи ишлар вазири Сауд Файсал ўртасида 1978 йил 9 августда учрашув бўлиб ўтгани айтилади.
Шу хусусдаги телеграммага кўра, Файсал «Саудиянинг Миср билан босқинчи яҳудийлар ўртасида имзоланган шартномага нисбатан позицияси ўзгарди, энди биз шартномага якун ясашни истамаймиз», деган. Сўнг «Биз Кэмп-Дэвид шартномаси муваффақият қучишини истаймиз. Чунки бу Миср ва Қўшма Штатлардаги энг яқин дўстларимиз муваффақиятидир», дея қўшимча қилган.
Файсал унинг мамлакати ўз қўллаб-қувватловини ошкора равишда бажаришини таъкидлаган. Бироқ «Кэмп-Дэвид хулосалари албатта араб давлатлари томонидан ҳам кенг миқёсда қабул этилиши зарур»лигини урғулаган.
Маълумки, Миср билан босқинчи яҳудийлар икки томон ўртасида урушга барҳам бериш ва тинчлик ўрнатиш учун 1979 йил 26 мартда АҚШнинг Кэмп-Дэвид шаҳрида тинчлик шартномаси имзолашган эди.
Шартнома матнида икки томон ўртасида муносабатларни нормаллаштириш ҳамда босқинчи яҳудийларнинг 1967 йилдаги олти кунлик урушдан сўнг босиб олишган Синайдан ўз кучларини олиб чиқиб кетишлари, Синайдаги мисрлик кучлар сонини ва айни ҳудудда қўллаш рухсат этилган қуроллар сифатини белгилаш айтилган.
Шунингдек, босқинчи яҳудийлар кемаларининг Сувайш каналидан ўтишига рухсат бериш ҳам, ҳарбий курашларга барҳам бериш учун Ақаба кўрфази билан Тиран қўлтиғини халқаро йўлак, деб ҳисоблаш ҳам айни матн мазмунидан ўрин олган».
Роя газетасининг 2018 йил 13 июн чоршанба кунги 186-сонидан
