Ўзбекистон хукумати аҳолини интернетдан тўсиш учун имомлардан фойдаланмоқчи
بِسْمِ اللهِ الرَّحْمنِ الرَّحِيمِ
Ўзбекистон хукумати аҳолини интернетдан тўсиш учун имомлардан фойдаланмоқчи
Ҳаммамизга маълумки, Ўзбекистон хукумати халқ устида олиб бораётган тазйиқлар ва зулмларни халқ кўзидан тўсиш учун қўллайдиган усуллари кундан кун турли, ранг – баранг кўриниш аҳамият касб этиб бормоқда. Хукуматнинг бу йўлда олиб бораётган хийлалари, макрлари турлари ҳақида бир неча маротаба гапириб ўтдик. Яъни бунга мисол қилиб, турли интернет сайтларию микроблогларида хукумат томонидан видео ва аудио алоқаларга тўсиқ қўйилгани, диний сабаб билан милиция ёки МХХ каби ташкилотлар қўлига тушганларни халқ орасида, интернетда ушланипти, одноклассникда билиниб қолибди, каби миш – мишлар тарқатиш билан халқ онгида интернетдан қўрқув пайдо қилиш учун қилган харакатлари ҳақидаги мақолаларни олишимиз мумкин.
Хукуматнинг олиб бораётган бундай адолатсиз, хийла ва макрларга тўла ишларини ўз вақтида аҳолига тўғри тушунтирилгани сабабли, хукуматнинг мазкур хийлалардан кўзда тутган мақсади деярли амалга ошмай қолди, дейиш мумкин. Яъни хукумат ёшларни интернетдан қўрқита олмади ва қайтара олмади ҳам.
Хукумат эндиликда ушбу курашни яна янгича кўринишга олиб чиқмоқчи эканини ифодаловчи хабарни Ўзбекистон хукумати вазирлар махкамаси хузуридаги дин ишлари бўйича қўмитаси расмий сайти religions.uz сайти тарқатди.
Ушбу хабарда келишича, Ўзбекистон мусулмонлари диний идораси раҳбари Усмонхон Алимов қуйидагиларни билдирган:
“Турли ақидапараст ва экстремистик кучлар ўзларининг бузғунчи ғояларини тарқатишда айни шу омилдан унумли фойдаланаётгани ҳам бор гап. Турли ижтимоий тармоқлардаги ғоявий тузоқлар эса биринчи навбатда ёшларга салбий таъсир кўрсатишининг эҳтимоли катта. Кейинги беш йил давомида юртимизда интернетдан фойдаланувчилар сони икки миллиондан ўн миллионга кўпайгани, уларнинг аксарияти ёшлар экани инобатга олинса, ижтимоий тармоқларга ин қурган бузғунчилар тарқатаётган пуч ғоялар хавфи нечоғли экани янада ойдинлашади. Демак, имом-хатибларимиз аҳоли ўртасидаги турли шаклдаги тушунтириш ишларини олиб боришларидан ташқари, ўз фаолияти жараёнида замонавий ахборот технологиялари имкониятидан самарали фойдаланишлари ҳам муҳим аҳамият касб этади”.
Бундан шуни тушуниш мумкинки, келажакда хукумат, интернетдаги халқнинг кўзига хукумат қилаётан жиноятларни очиб бораётган аккаунтлар эгалари билан фикрий бахслар, тортишувларга киришиш учун имомларни махсус давлат курсларида тайёргарликдан ўтишларини ташкил қилиши кутилади. Яъни бош муфтийнинг бу баёноти, хукуматнинг интернетдаги соф Ислом даъватига қарши, келажакда ушбу соҳада имомларни тайёрлаш учун қўйилаётган илк қадами дейиш мумкин.
Хукумат доим бир ишни қилмоқчи бўлса, бу иш тўғрисида аввал енгил хабар тарқатиб олади, кейин ушбу ишга қизиқиш ортиб бораётгани ва бу соҳага жиддий эътибор қаратиш кераклиги каби гаплар пайдо бўлади ва табиийки, имомлар бирин – кетин интернет ижтимоий тармоқларида кўриниш бера бошлайди.
Ўзбекистон хукуматига содиқлик билан хизмат қилиб келаётган, ушбу золим хукуматнинг қилаётган жиноятларини халқ кўзидан тўсилишига катта хисса қўшиб келаётган ушбу идоранинг навбатдаги хиёнатини халқ тўғри тушунишлари керак ва бу ишни халқни тазйиқ қилиш учун қилинаётган навбатдаги салбчилик харакатининг бир кўриниши эканини англаб етишлари керак. Зеро, шу кунгача ушбу идора золим хукуматнинг чизган чизиғидан заррача четга чиқа олгани йўқ.
Ўзбекистон мусулмонлари бундай хабарларни олишда, агар ушбу халқ, ушбу уммат ўзини Аллоҳга ишонган мўъмин – мусулмон бандаман, деб хисобласа, билсинки, ушбу диний идора ўз халқини, мусулмонларни зулм билан қийнаётган золим хукуматга хизмат қилиш билан, Аллоҳнинг ушбу оятларидаги ваъийдга ўзларини муносиб кўрмоқдалар.
أَلَمْ تَرَ إِلَى الَّذِينَ يَزْعُمُونَ أَنَّهُمْ آمَنُواْ بِمَا أُنزِلَ إِلَيْكَ وَمَا أُنزِلَ مِن قَبْلِكَ يُرِيدُونَ أَن يَتَحَاكَمُواْ إِلَى الطَّاغُوتِ وَقَدْ أُمِرُواْ أَن يَكْفُرُواْ بِهِ وَيُرِيدُ الشَّيْطَانُ أَن يُضِلَّهُمْ ضَلاَلاً بَعِيداً
“Сенга нозил бўлган нарсага ва сендан олдин нозил бўлган нарсага иймон келтирганларини даъво қилаётганларни кўрмайсанми?! Тоғутдан ҳукм сўраб беришни истайдилар. Ва холанки, унга куфр келтиришга буюрилган эдилар. Шайтон эса, уларни йўлдан бутунлай адаштиришни хоҳлайди”. (Нисо. 60)
Ҳизб ут-Таҳрирнинг Ўзбекистондаги медиа офиси Муслим
29.10.2014й.
