بسم الله الرحمن الرحيم

Роя газетаси:

Саудия Арабистони Мамлакати ҳукуматга қарашли барча ўқув юртларидан исломий маърифат дастурини бекор қилди

Ҳижрий 1439 йил 1 зул-қаъда, милодий 2018 йил 14 июл шанба куни «Рисола» веб-сайти нашр қилган хабарда бундай дейилади:

«Саудия ҳукуматининг барча расмий ўқув юртларидан исломий маърифат дастурларини бекор қилиш тўғрисидаги қарори мисли кўрилмаган даражада шов-шувларга сабаб бўлди. Саудия газеталари таълим вазирлиги томонидан чиқарилган қарорни нашр қилган. Унда, барча ўқув муассасалари «интеллектуаллик, иффатлилик ва исломий маърифат дастурларини» ва бунга алоқадар барча қўмиталарни бекор қилиши лозимлиги айтилган.

Қарорда ушбу фаолиятларнинг барчаси яқинда вазирлик ташаббуси билан бошланган «мафкуравий онг» дастури ўзгартирилажаги айтилган.

Исломий маърифат дастури, мамлакатдаги либерал оқим томонидан «экстремист» авлодлар етиштираётганликда айбланди ҳамда уни бекор қилишга бўлган талаблар пайдо бўлди.

Шу нуқтаи назардан, исломий ишлар бўйича вазирлик ёзги татил бошланиши биланоқ, исломий даъват тадбирлари, йиғинлар ва тадбирларнинг барчасини тўхтатиб қўйди, одатда аксар бундай тадбирлар қурбон ҳайитига қадар давом этиши керак эди.

Роя газетаси шарҳи:

Бу каби чора-тадбирлар саудлар оиласи мамлакати валиаҳди Муҳаммад ибн Салмон олиб бораётган сиёсат доирасида амалга оширилмоқда. Бугун бу кимса билан унинг ортида турган Америка ушбу икки ҳарам юрти ва аҳлини илмонийлаштиришга ва бузишга астойдил ҳаркат қилишяпти. Аммо ушбу Нажд ва Ҳижоз ўлкаси аҳли бундай ювиндихўр рувайбизаларга, уларнинг америкалик хўжайинларини рози қилиш йўлида содир этаётган бузуқлик ва бузғунчиликларига қачонгача сукут қиларкин?!

Роя газетасининг 2018 йил 18 июл чоршанба кунги 191-сонидан