بسم الله الرحمن الرحيم

Роя газетаси:

﴿وَلاَ تَقْتُلُوا النَّفْسَ الَّتِي حَرَّمَ اللهُ إلاَّ بِالْحَقِّ﴾

«Аллоҳ (ўлдиришни) ҳаром қилган жонларни ноҳақ ўлдирмангиз»

Салт шаҳрида юз берган аламли ҳодисалар ҳамда ҳарбийлар ва фуқароларнинг Аллоҳ тўкишни ҳаром қилган қонлари тўкилиши ортидан Ҳизб ут-Таҳрир – Иордания вилояти матбуот бўлими баёнот чиқарди. Баёнотда жумладан бундай дейилади:

«Биринчи: Ислом ноҳақ одам ўлдиришни ҳаром қилди: Аллоҳ Таоло бундай дейди:

﴿وَلاَ تَقْتُلُوا النَّفْسَ الَّتِي حَرَّمَ اللهُ إلاَّ بِالْحَقِّ﴾

«Аллоҳ (ўлдиришни) ҳаром қилган жонларни ноҳақ ўлдирмангиз»   [Анъом 151]

Мусулмонлар бир-бирларини ўлдириш оқибатидан огоҳлантирилдилар. Бу ҳақда Росулуллоҳ ﷺ

«وَيْلَكُمْ لا تَرْجِعُوا بَعْدِي كُفَّارًا يَضْرِبُ بَعْضُكُمْ رِقَابَ بَعْضٍ»

«Мендан кейин бир-бирингизни ўлдириб, қайта кофир бўлиб кетманглар. Акс ҳолда, ҳолингизга вой бўлади», дедилар.

Биз Росулуллоҳ ﷺнинг қуйидаги сўзларидан келиб чиққан ҳолда, ҳарбий ва фуқаролардан иборат мусулмоннинг бир қатра қонини ҳам қизғанамиз:

«مَنْ أَشَارَ إِلَى أَخِيهِ بِحَدِيدَةٍ فَإِنَّ الْمَلَائِكَةَ تَلْعَنُهُ حَتَّى يَدَعَهُ وَإِنْ كَانَ أَخَاهُ لِأَبِيهِ وَأُمِّهِ»

«Кимда-ким ака-укасига қурол ўқталса, фаришталар уни то қўлидагини ташламагунича лаънатлаб туради, ҳатто ота бир, она бир ака-укаси бўлса ҳам (яъни ака-укаси билан ҳазиллашиб бўлса ҳам ўқталмасин)».

Иккинчи: Биз Иордания режимини Карак ҳодисасида ҳам огоҳлантириб, бундай деган эдик: «Каракда ҳарбийлар ва фуқаролар қони тўкилди. Иорданиядаги анави режим бўлмаганда эди, уларнинг қони тўкилмас эди. Чунки бу режим даъватни етказаётганларни, ёрқин фикр эгаларини қатағон қилиб қамоққа олишни тўхтатмади. Уламолар овози эшитилмаслиги, фикрлари ўрганилмаслиги учун уларга қарши масжидларда курашиб, минбарларга чиқишларини тақиқлади, турли воситалар билан тазйиқ ўтказиб таъқиб қилди. Ваҳоланки, уламолар ҳарбийларга фақат яхши кўз билан қарайдилар. Уларга Уммат воқеини ўзгартирадиган, унга нусрат-ёрдам берадиган, иззат-ҳурматини ҳимоя қиладиган унинг умид чироқлари деб қараб, Умматнинг бир бўлаги бўлганликлари учун муқаддас даргоҳларимизни озод этадиган ҳам, номусларимизни сақлайдиган ҳам шу ҳарбийлар, деб биладилар. Аслини олганда, ҳарбийлар ва мард аскарларнинг қони тўкилиши табиий. Лекин уларнинг ўз юртларимиз ва шаҳарларимизда тўкилмаслиги керак. Балки, ҳақиқий мард ўғлонлар майдонида, фахру ифтихор маъракаларида, Қуддусни озод этиш жиҳодларида, Қуддус деворларида тўкилиши лозим.

Учинчи: Ислом ва унинг фикрларини Салтда бўлаётган воқеаларга боғлаш мақсадида ҳамда Исломнинг ақида ва аҳкомларига қарши курашда айни ҳодисалардан фойдаланиш учун баъзи бир жирканч овозларни ишга солинмоқда. Албатта бу нарса Исломни «терроризм», «таассуб» ва «экстремизм»га боғлаш мақсадида Америка етакчилигида олиб борилаётган шармандали ишнинг давомидир. Бу овозлар уларни ишга солаётганлар қўлидаги арзонгаров қуролдан бошқа нарса эмас, албатта. Улар инша Аллоҳ Ислом ҳақиқатини ҳаргиз ўчиролмайдилар. Чунки бу Аллоҳ Субҳанаҳу ва Таоло бутун башарият учун рози бўлиб берган адолат ва раҳмат динидир. Аллоҳ Ўз Набийси ﷺга бу динни

﴿وَمَا أَرْسَلْنَاكَ إِلَّا رَحْمَةً لِلْعَالَمِينَ﴾

«Албатта, Биз сизни барча оламларга фақат раҳмат қилиб юбордик»       [Анбиё 107]

дея раҳмат қилиб берган».

Баёнот сўнггида бундай дейилади:

Биз Ҳизб ут-Таҳрир – Иордания вилояти аъзолари, юртнинг улуғ аҳлига ҳамда ҳарбийлар ва фуқаролар дохил мусулмонлар қонини қизғанувчи барча мусулмонларга даъват йўллаб, уларни баъзи кимсалар тарғиб қилаётган қабилачилик низоларидан огоҳ этамиз, қабилачилик асосида одам тўплаётган кимсаларни қаттиқ қоралашга чақирамиз. Росулуллоҳ ﷺ бундай деганлар:

«مَنْ دَعَا بِدَعْوَى الْجَاهِلِيَّةِ فَهُوَ مِنْ جُثَا جَهَنَّمَ قَالُوا يَا رَسُولَ اللَّهِ وَإِنْ صَامَ وَصَلَّى قَالَ وَإِنْ صَامَ وَصَلَّى وَزَعَمَ أَنَّهُ مُسْلِمٌ»

«Кимда-ким жоҳилиятдаги даъвога-миллатчиликка даъват қилса, у жаҳаннам аҳлидандир. Ё Росулуллоҳ, рўза тутиб, намоз ўқиса ҳамми? деб сўрашди. Айтдилар: Рўза тутиб, намоз ўқиса ва ўзини мусулмон, деб даъво қилса ҳам». Росулуллоҳ ﷺ яна

«دَعُوهَا فَإِنَّهَا مُنْتِنَةٌ»

«Уни (миллатчиликни) ташланг, у бадбўйдир», дедилар.

Шунингдек, биз сизларни Роббул оламин бутун башариятга рози бўлиб берган ва қон тўкишни олдини олишга, ор-номусларни сақлашга буюрган дин-Исломни ҳаёт воқеига қайтаришга шошилишга чақирамиз. Чунки бугунги кундаги капиталистик кофир давлатлар томонидан юртимизда кенг ёйилаётган жиноят ва коррупцияни Пайғамбарлик минҳожи асосидаги рошид Халифалик давлатидан бошқаси асло тўхтатмайди. Шу боис биз сизни ушбу давлатни барпо этиш учун фаолият қилаётганлар сафига қўшилишга даъват қиламиз. Ушбу давлат – Аллоҳнинг изни ила – албатта барпо бўлади, чунки бу Аллоҳнинг ваъдаси ва Росули ﷺнинг башоратларидир.

Роя газетасининг 2018 йил 15 август чоршанба кунги 195-сонидан