Роя газетаси:

Руҳоний исломий юртларни «Ислом суратини тузатиш»га чақирмоқда

Ўтган душанба куни Эрон президенти Ҳасан Руҳоний Исломнинг халқаро жамоатчилик олдидаги суратини тузатиш йўлида исломий юртлар зиммасига улкан масъулият тушган, деб ҳисоблашини билдирди.

У Теҳронда «бугунги исломий олам бўҳрони»га оид бўлиб ўтган конференциянинг очилишида «Биз Исломдан салбий суратни бартараф этмоғимиз даркор», деди.

Кейин «Афсуски зўравонлик, террор ва қирғинларнинг 84 %и исломий юртларда, Африка ва унинг шимолида, Ўрта Шарқда, Ғарбий Осиёда содир бўлмоқда», деди.

У сўзларини Исломий Давлат ташкилоти сингари жиҳодий жамоалар тарқатаётган икки нарсага, яъни «зўравонлик идеологияси ва мурожаатига қарши курашмоғимиз лозим», дея давом эттирди. Руҳоний «Мусулмонлар ўртасида бирлик ва ҳамжиҳатлик пайдо қилиш зарур»лигини алоҳида урғулаб, «Минтақа ва бошқа ерлардаги барча исломий юртлар»ни, «шу жумладан, ўз қўшниларини бомбардимон қилишда давом этаётган юртлар»ни айни соҳада ҳаракат қилишга даъват қилди (Элаф сайти).

Роя газетаси шарҳи:

Бу Эрон раҳбари исломий олам давлатларидан Ислом суратини тузатишни талаб қилмоқда-ю, аммо Эрон, Саудия каби юртларнинг Ислом ва мусулмонлар номини қора қилишда фойдаланиладиган бир қурол эканини билмасликка оляпти. Зеро, Эрон ва исломий оламдаги бошқа давлатлар бугунги кунда Исломни татбиқ қилишмаяпти ва Исломни ўзининг ҳақиқий суратидан бошқача суратда кўрсатишмоқда. Улар Ғарбнинг мазҳабпарастлик ва миллатчилик низоларини қўзғаш сиёсатини ижро этишмоқда. Бу эса мазҳабпарастлик уруши байроғини кўтарган ташкилотларни пайдо бўлишига сабаб бўлмоқда. Наҳотки Руҳоний исломий оламда содир этилаётган зўравонлик, террор ва қирғинлар ортида мустамлакачи давлатлар турганини ҳамда Эрон ва минтақа давлатлари мустамлакачи давлатлар лойиҳаларини амалга ошириб берадиган бир қурол эканини билмаса?!!!

Нима учун Эрон президенти очиқ кўриниб турган ҳақиқатни айтмайди?!!! Ҳақиқат шуки, Ислом суратини қора қилиш Ғарбнинг Ислом ва мусулмонларга макр қилишдек ифлос режаси бўлиб, у шу орқали Пайғамбарлик минҳожи асосидаги рошид Халифаликнинг қайта барпо этилишига тўсиқ қўймоқчи.

Роя газетасининг 2015 йил 30 декабр чоршанба кунги 58-сонидан

0

0

Related posts:

Араб давлатлари ташқи ишлар вазирлари Эронни регионал хавфсизликни издан чиқаришда айблашмоқда Америка президенти: Эрон билан дипломатик алоқаларнинг узилиши Қўшма Штатлар фойдасига хизмат қилмаган Залмай Халилзод: Америка Ироқни Эрон фойдасига бой бергани йўқ!!! Михлофий Эрондан Яман ишларига аралашишни бас қилишни талаб қилмоқда