Юзаки фикрловчи инсон ҳақиқий исломий фазилатлар эгаси бўла олмайди
Юзаки фикрловчи инсон ҳақиқий исломий фазилатлар эгаси бўла олмайди
بِسْمِ اللهِ الرَّحْمٰنِ الرَّحِيم
Соддадиллик, очиқкўнгиллик, тўғрисўзлик ва хушҳулқлик халқимизга хос фазилатлар. Бу фазилатлар асрлар давомида шаклланган ва бунда исломий тушунчалар асосий ўрин тутган. Чунки Аллоҳнинг Китоби ва Пайғамбар с.а.в нинг Суннатларини маҳкам ушлаган ҳар бир инсонда энг яхши фазилатлар шаклланган ва одоб-ахлоқда беқиёс бўлган. Шу сабабли исломий тушунчалар қалблардан чуқур жой олган. Бундай фазилат эгаси бўлган инсонлар жамияти ҳақиқий маънодаги мумтоз жамият бўлган. Аждодларимиз ана шундай гуллаб яшнаган, фаровон ва инсон қадри баланд жамиятда яшаганлар.
Бугунги кунимиз эса, аждодларимиз ҳаётига тескари. Шаънимиз топталган ҳолда тубанлик ва хорликда яшамоқдамиз. Сабаби биз аждодларимиз қолдириб кетган тенгсиз фикрий бойликни қўлдан чиқардик. Бу ишни ҳаётимиздан Исломни узоқлаштириш орқали амалга оширдик. Натижада хорлик ва тубанлик исканжасида қолиб кетдик. Шу туфайли бугунги кунимиз худдики саробли оламга ўхшайди.
Атрофимиздаги воқеа-ҳодисаларга эътибор берсак, барча бўлаётган ишлар юзакидек кўринади. Аслида ҳам шундай. Чунки биз юзаки фикрлашни бошлаган кунимиздан шундай ҳаётда яшаб келмоқдамиз. Барча ишлар ёлғон ва ҳийла асосига қурилмоқда, аммо биз буни сезмаяпмиз, шундай бўлиши керакдек, бунга рози бўлмоқдамиз. Ҳатто шу даражада тубанлашдикки, аччиқ ҳақиқатдан ширин ёлғонни афзал кўра бошладик.
Юртимиз шиддат билан ривожланмоқда, деган ёлғонни жону дилимиз билан қабул қилдик. Ва кундан-кунга абгорлашиб бораётган ҳаётимиздан аслида йўқ бўлган ривожланиш нишоналарини қидирмоқдамиз. Топмаган тақдиримизда ҳам тез орада бўлишига ўзимизни ишонтирмоқдамиз. Жамиятимизда адолат ва фаровонлик ҳукмронлигига ишониб, аслида парокандалик гирдобига ботиб бўлганини кўра олмаяпмиз. Аҳвол шу даражага етдики, ўзлигимизнинг асоси бўлган Исломни бизга ёмон кўрсата бошлаганларида бунга сукут қилдик, натижада ҳақ сўзни айтиб бу таназзулдан қутқармоқчи бўлганларни кўкрагидан итариб, хоин, фосиқларнинг ёлғонларига жон деб қулоқ тута бошладик. Чунки юзаки қараганда улар кўзларимизга ҳақиқий Ислом уламолари бўлиб кўринса-да, аслида куфр низомини улуғламоқдалар. Буларнинг барчаси очиқ кўриниб турган ҳақиқат бўлса-да, уни кўра олмаяпмиз, юзаки фикрлаш бизни ширин ёлғонлар ва саробни ҳақиқат деб кўрсатаётган демократия қулларига айлантирди.
Буни тушунишимиз эса, Исломни ҳаётимизга қайтариш билан, унинг ақидасини англаб етиб, тузумини ҳаётимизга татбиқ қилиш билан бўлади. Ана шундагина тузумнинг татбиқи ва ақидага бўлган эътиқодимиз биз учун халоскор бўла олади. Шундагина биз демократияни шайтоннинг қутқуси билан инсон томонидан ўйлаб топилган куфр низоми эканини, уни қўллаб-қувватлаётганлар аслида ким эканликлари-ю, кимга қуллик қилаётганларини аниқ кўра оламиз. Шундагина ҳаётимиз ёлғон ва ҳийлалар билан қанчалар тубанлаштириб юборилганини англаймиз. Шундагина бу куфр низомини ҳаётимиздан улоқтириб, Аллоҳнинг буйруқ ва қайтариқларига итоат қилиб, аждодларимиздек адолатли ва фаровон жамиятда Аллоҳнинг халифаси ҳимоясида эмин-эркин яшаймиз. Шундагина тўғри асосдаги барча фазилатлар ҳаётимизга қайтади.
Ҳизб ут-Таҳрирнинг Ўзбекистондаги медиа офиси. Салоҳиддин
01.04.2020й
