بِسْمِ اللهِ الرَّ حْمَنِ الرَّ حِيمِ

Роя газетаси:

Эрдўған Халифалик давлатини бузган ва Росулуллоҳ САВнинг тузумини ағдарган кимсани расман хотиралаш маросимини ўтказмоқда!

Онадўли ахборот агентлиги сайти ҳижрий 1440 йил 2 робиул-аввал, милодий 2018 йил 10 ноябр шанба куни нашр қилган хабарда бундай дейилади:

«Шанба куни Туркия президенти Ражаб Тоййиб Эрдўған жумҳурият асосчиси Мустафо Камол вафотининг 80 йиллиги хотирасини нишонлаш маросимида қатнашди.

Маросимда турк ҳукумати аъзолари, парламент раиси Ибн Али Йилдирим, депутатлар, шунингдек, армия қўмондонлари ва Олий суд раислари қатнашди.

Бундан ташқари, Миллатчилар Ҳаракати Партияси раиси Давлат Баҳчели, Халқ Партияси раиси Камол Қиличдорўғли, Ийи Партияси раиси Мерал Акшенер, Катта Иттифоқ партияси раиси Мустафо Дестижи ва бошқалар ҳам иштирок этди.

Эрдўған Мустафо Камол қабрига гулчамбар қўйди, байроқ туширилди, бир дақиқа сукут сақланди. Зеро, Мустафо Камол 1938 йилнинг худди шу куни соат тўққиздан ўн беш дақиқа ўтганда вафот этган эди.

Президент қабрдаги махсус дафтарга ўз сўзларини ёзиб қолдирар экан, жумладан, «Эй азиз Отатурк, эй мустақиллик кураши етакчиси ва жумҳурият таъсисчиси, биз яна сизнинг хотирангизни нишонлаб, 80чи маротаба Сиз учун раҳмат сўраяпмиз», деди. Сўнг «Сиз жаноб олийларидан ва улуғ шаҳидларимиздан омонат қолган Туркия республикасини – ички ва ташқи душманларимиз ҳужумига қарамай – дунёдаги энг кучли ва энг фаровон юртларнинг бирига айлантириш йўлида шахдам қадам ташлаймиз», дея қўшимча қилди.

Анқарадаги Парламент қароргоҳида ҳамда Истанбулдаги Мустафо Камол вафот этган «Дўлмабахче»да айни муносабат билан маросим ўтказилди.

Роя газетасининг 2018 йил 14 ноябр чоршанба кунги 208-сонидан