بِسْمِ اللهِ الرَّحْمٰنِ الرَّحِيم

Исломий Умматнинг бирлашиши амалга ошмайдиган ишми?

(3-қисм)

Исломий умматнинг бирлашиши тўғрисидаги фикрларимизни давом эттириб, шуни таъкид билан айтамизки, мусулмонлар битта Умматдир. Модомики улар мусулмонлигича қолар экан, бу сўзсиз ҳақиқатдир. Шундай экан, бутун ер юзидаги аҳли қиблаларни бир байроқ остига жамланиши мумкингина эмас, балки бу ҳам сўзсиз ҳақиқатдир. Бизнинг мусулмон сифатидаги бирлигимиз амалий ва зарурий иш бўлиб, инсон хаёлига келмайдиган тезликда рўёбга чиқиши мумкин.

Лекин бунинг бир шарти бор: мустамлакачи кофир давлатлар ва ҳокимларнинг чалғитишлари ҳамда улар ташкил қилган сунъий ҳаракатлар кетидан эмас, тўғри йўлдан боришдир. Бунда улар «бирлик» ёки «бирлик йўлидан бориш», деб бизни чалғитмоқчи бўлаётган нарсаларга алданиб қолмаслигимиз лозим.

Энди тил, ирқ, ранг, қонун-қоида ва ҳозирги муаммоларга келсак, буларнинг бирортаси фикр, тушунча ёки мавқени белгиламайди. Буларнинг бирортаси Яратувчининг ягоналиги, Муҳаммад (с.а.в.)нинг пайғамбарлиги, қиёмат куни, жаннат ёки дўзах ҳақидаги фикрни бермайди. Уларнинг бирортаси ҳаж, рўза, садақа, омонат, ароқ ёки тўнғизнинг ҳукмини бермайди. Уларнинг бирортаси яҳудий ёки бошқаларга нисбатан эгалланиши лозим бўлган мавқени белгилаб бермайди ва ҳеч қандай қонун чиқариб бера олмайди.

Машаққат ва муаммолар ҳам ҳеч қандай мавқе ёки қонун-қоидани белгилаб бера олмайди. Зеро, муаммолар қонун чиқариш ёки муолажалар манбаи эмас, балки муолажага муҳтож нарсадир. Муолажанинг манбаи эса, асос қилиб олинган фикр, қонун чиқариш йўли ва унинг нусусларидир, яъни фақат Қуръон ва суннат нусусларидир.

Ислом Умматининг бошига ёғилган шунча мусибатларга қарамай, уни бирлаштирадиган омиллар бўлиб юборадиган омиллардан кучлироқ.

Бирлаштирувчи омиллар коинот, инсон ва ҳаётни тушунтириб берадиган ва уларнинг ўзидан аввалги ва кейинги нарсаларга бўлган алоқасини баён қилиб берадиган ҳамда ҳаёт учун низом берадиган ақидадир. Бундай омиллар Исломда мукаммал ҳолатда тўлиб-тошиб ётибди.

Мусулмонлар Исломга, Пайғамбарга ва Пайғамбар олиб келган нарсаларга иймон келтирадилар. Ислом тарихи барча мусулмонлар тарихидир.

Ал-Ваъй журналидан фойдаланилди

Ҳизб ут–Таҳрирнинг Ўзбекистондаги медиа офиси. Зайниддин

18.03.2019й.