بِسْمِ اللهِ الرَّحْمٰنِ الرَّحِيم

Ақл ва Ҳаёт

38

Инсонлар ҳаётида муҳим аҳамиятга эга бўлган ва аслида муҳим ўрин тутувчи нарсалар бор, лекин инсонлар у нарсаларга бепарво қарайдилар ва бунинг ортидан жамият ҳаёти янада қолоқлашиб бораверади. Бундай нарсалардан бири бу сиёсатдир.

Инсонлар бу нарсага қанчалик бепарво бўлсалар тушуниш жиҳатидан ундан шунчалик узоқлашадилар. Лекин ҳаётлари эса, сиёсат билан чамбарчас боғлиқдир. Чунки сиёсат бу бошқарув. Бошқарув  эса, бошқарилувчининг  ҳатти-ҳаракатларини, амалларини бошқаради, бу билан бошқарилувчининг яшаш тарзига тўғридан-тўғри таъсир кўрсатади. Шунинг учун бошқарилувчининг бошқарувга нисбатан бепарволиги ўз яшаш тарзига, ҳаётига бепарволиги ҳисобланади. Бепарволарча ташлаб қўйилган ҳаёт эса, юксалиш, яъни тараққий этиш томон эмас, аксинча тубанлашиш томон қараб бориши ҳақиқатдир.

Сиёсат бу бошқарув, деб айтиб ўтдик, аслида эса, бошқарув сиёсатнинг бир томонидир. Сиёсатнинг тўлиқ маъноси бошқарув билан бирга бу бошқарувчини бошқарилувчи томонидан назорат қилиб турилишини ҳам ифодалайди. Бошқарувчига тўғри бошқариш бурч ҳисобланса, бошқарувчининг қандай бошқараётганлигини назорат қилиш бўйсунувчининг бурчи ҳисобланади. Агар бошқарув назоратсиз ташланса ёки унга таъсир қилиш тўсиб қўйилса, бундай бошқарувнинг ўз қўл остидагиларга нисбатан зулмкорлиги ортиб боради. Бошқарув назорат қилинганда эса, унинг биринчи хатосидаёқ у тузалишга чақирилади ва у доимо кузатувда эканлиги эслатилади. Шунинг учун сиёсатда икки томоннинг, яъни бошқарув ва бўйсунувчининг ўз мажбуриятини тўлиқ бажариши катта аҳамият касб этади.

Бу ҳолат худди тарозининг икки палласи кабидир, агар юк бир паллага қўйилиб бошқасига қўйилмаса, унда мувозанат бузилади. Сиёсат ҳам худди шундай, яъни икки томондан бири ўз елкасидаги бурчни кўтармаса сиёсатнинг мувозанати бузилади. Ва бу сиёсат тўғри сиёсат бўлмайди.

Ҳизб ут-Таҳрирнинг Ўзбекистондаги медиа офиси. Абдуллоҳ

31.03.2019й.