Нега ҳаёт бузилиш томон

بِسْمِ اللهِ الرَّحْمٰنِ الرَّحِيم

Жамиятимизни тарбиялаш ишларида янада масъул бўлган инсонлар, ота-оналар ва муаллимлар ҳамда умумий олиб қараганда катта ёшлилар ҳисобланади. Нима учун бугунги кунда айнан шу тоифа инсонларнинг ўзлари жамият бузилиши борасида фақатгина шикоятчи бўлиб қолишмоқда, холос? Келинг, шу саволга жавоб ҳақида атрофлича ўйланиб кўрайлик.

Ҳар биримиз ёшлик чоғларимиздаги яшаш тарзини ва ота-оналаримиз ёки бошқа ёши катта инсонларнинг айтиб  берганларини эслаймиз. Албатта бу ёдимиздаги тасаввурни бугунги воқеликка солиштирамиз. Булардан хулоса чиқарамизки, ҳаёт борган сари бузилиб бормоқда. Нега шундай?

Жамиятдаги баъзи инсонлардан ҳаётимиз аввалгидан яхши бўлиб кетаётганини ёки аввалги ҳаётнинг юз яхшисини яшириб, бир ёмонини топиб гапиришларини эшитавериб қулоқлар “чарчаб” кетган. Лекин нега доим айнан шу инсонлар ва бошқалар томонидан жиноятлар сони, тури кўпайиб бораётганлигини эшитамиз.

Яна биринчи саволга, жамият тарбиясида бошқаларга нисбатан масъулияти кўпроқ бўлган ота-оналар, муаллим-устозлар ҳамда ёши катта инсонларнинг шикоятдан бошқа чоралари йўқлигига қайтамиз. Яъни бу инсонлар аслида жамият тарбиясида муҳим ўрин тутувчи инсонлар ҳисобланса-да, жамиятни тарбиялаш, тузатиш йўлида нима қилиш кераклиги, қандай йўл тутиш кераклиги тўғрисида таклиф ва ташаббуслар билдиришдан ожиз бўлиб қолишган. Ёки билдиришса ҳам, аксари қабул қилинмайди, ҳатто қабул қилишга арзимайди. Тарбиячиларнинг жамият тарбиясида жўяли фикр ва ташаббуслар билдиришдан ожиз бўлиб қолишгани ва умумий қилиб айтганда, ҳаёт борган сари бузилиб боришининг ҳам сабаби бир.

Биз охирги асрларда борган сари Исломдан узоқлашиб, уни унутиб бордик. Бу иш, аввало, ўзимизнинг Исломни тушунишга эътиборсизлигимиз оқибатида содир бўлган бўлса, бунга қўшимча кофирларнинг ҳар хил ҳийлалари Исломдан узоқлашишни янада тезлаштирди ва масофани кенгайтирди. Ислом эса, ҳаётимизнинг ҳар бир жиҳатини тартиблаштириб турувчи асл омил эди, шу жумладан таълим ва тарбияда ҳам.

Тарбияловчи омилнинг унутилиб борилиши ҳатто тарбияловчиларни ҳам тарбия масаласида ожиз қилиб қўйди ҳамда жамият ҳаёти янада бузилиб боришига сабаб бўлди. Ислом ҳар бир соҳага ижобий таъсир кўрсата олиши, шу жумладан таълим-тарбия соҳасида ҳам етук манба эканлиги барча холис инсонлар учун сир эмас. Шунинг учун бугунги кунда барча соҳаларда емирилишларни олдини олиш мақсадида Исломдан бошқа ҳар қандай чоралар қўлланиб кўрилаётган бўлса-да, вазият янада ёмонлашса ёмонлашмоқдаки, асло яхшиланаётгани йўқ. Чунки Исломдан бошқаси ботилдир, бузуқликдир. Бузуқ ҳаёт эса, бузуқлик билан тузатилмайди.

Жамиятимиз шундай бузуқ таянчлар орқали тарбияланмоқда. Чунки кофирлар томонидан тайёрланган таълим тизими ҳаётимизга тиқиштирилди. Сир эмаски, бундай тизимда Исломга ўрин йўқ. Аксинча, Исломдан янада узоқлаштириш бу тизимнинг асосий вазифасидир. Шунинг учун таълим соҳаси вакиллари ҳам ўз бурчларини бажаришдан ҳар хил воситалар орқали чалғитилмоқда…

Хуллас асл масала Исломдан узоқлашиш бўлди. Агар барча соҳани бугунги чуқур таназзулдан сақлашни ва шу жумладан фарзандларимиз ҳақиқий тарбия булоғидан баҳраманд бўлишларини истасак, Исломга мурожаат қилишга мажбурмиз. Икки дунё саодатига эришишнинг ягона омили Исломдир, бошқа чора йўқ.

Ҳизб ут-Таҳрирнинг Ўзбекистондаги медиа офиси. Абдуллоҳ

05.07.2019й