Ким уни покласа, батаҳқиқ нажот топибди!

Одамларнинг бузганини ўнглайдиган ғарибларга жаннат бўлсин

1-қисм

بِسْمِ اللهِ الرَّحْمٰنِ الرَّحِيم

Меҳрибон ва Раҳмли Аллоҳ номи билан бошлайман

Аллоҳ Субҳанаҳу инсониятни яратиб, уни ўз холига ташлаб қўймади. Балки Ўз бандасига меҳрибон бўлган Зот пайғамбарларни юбориб, улар орқали иймон билан куфрни, зулмат билан нурни, бахт билан бахтсизликни баён қилиб берди. Ўтган барча асрлар давомида, яъни инсониятни аввалидан бошлаб, ҳозирги кунимизга қадар куфр аҳли ҳамда унга тобе бўлган инсонлар тарафидан иймон эгаларига нисбатан тазйиқлар, таъқиблар, озорлар, юртларидан қувиб чиқаришлар, бир сўз билан айтилса, қандайки ёмонликлар бўлса, иймон эгаларига қўлланилди ва қўлланилмоқда. 

Шундай бўлса-да, Аллоҳ ва Унинг элчисини сўзларига қулоқ тутган мўминлар иймонларида сабот билан туриб, Роббисини розилиги учун ўз динларини олий қилиш йўлида юртларига, оиласига ғариб бўлган ҳолда ҳаёт кечирмоқдалар. Бу каби барча машаққатларни осонлик билан енгиб ўтишларида Пайғамбар с.а.в. нинг озорланган ғарибларга буюк мукофотлар борлигини баён қилиб берган сўзларидир. Муслим Абу Ҳурайра р.а.дан ривоят қилган ҳадисда Пайғамбар с.а.в:

«بَدَأَ الإِسْلاَمُ غَرِيبًا وَسَيَعُودُ غَرِيبًا فَطُوبَى لِلْغُرَبَاءِ»

«Ислом ғариб бўлиб бошланди, яна ғариб бўлиб қайтади, ғарибларга жаннат бўлсин», деганлар.

Ғариблар қабилалардан ажралиб чиққанлардир. Абдуллоҳ ибн Масъуддан ривоят қилган ҳадисда Пайғамбар с.а.в. айтадилар:

«إِنَّ الإِسْلاَمَ بَدَأَ غَرِيبًا وَسَيَعُودُ غَرِيبًا كَمَا بَدَأَ فَطُوبَى لِلْغُرَبَاءِ، قِيلَ وَمَنْ الْغُرَبَاءُ؟ قَالَ النُّزَّاعُ مِنْ الْقَبَائِلِ»

«Ислом ғариб бўлиб бошланди, яна бошланганидек ғариб бўлиб қайтади, ғарибларга жаннат бўлсин», дедилар. «Ғариблар кимлар?», деб сўралди. «Қабилалардан узилганлар», деб жавоб бердилар». Ҳадис уламолари айтадиларки, ғариблар шундай кишиларки, қабилаларга қўшни бўлиб яшайди-ю, лекин улар билан бирга бўлмаганлар ёки яқинларидан узилганлардир. Келгусида ана шу узилганлар, яъни ғарибларнинг фазилатларини баён қиламиз.

Ҳизб ут-Таҳрирнинг Ўзбекистондаги медиа офиси. Зайниддин

19.08.2019й