Заифа аёлларга кучини кўрсатадиган ўзбек “паҳлавонлари”

Ўзбекистоннинг жиноятчи режимини қилаётган ҳунрезликлари мунтазам равишда давом этиб келаётган бўлсада, биз бу жиноятчи ҳукумат ва унинг ҳизматкорларини қилаётган ҳар бир жиноятини очиб бораверамиз ва ин ша Аллоҳ улар судланувчилар курсига ўтирганларида, барча ҳунрезликларини ёдларига солиб қўямиз ва қилган жиноятлари учун тўлалигича жавоб беришларини таъминлаймиз. 

Тошкент вилоятидаги “Товоксой” зонасига яқинларини кўргани борган муслима аёллар, қамоқхона мутасаддилари тарафидан рўмолини ечишга мажбурланаётган экан. Агар ўша мазлума аёллар рўмолларини ечмасалар, қамоқхона нозирлари у аёлларни маҳбусликдаги эрини ёки яқинини олдига киритишмасдан: –  “159”-модда билан сенга ҳам жиноий иш қўзғаймиз” деб қўрқитишиб, ёлғиз ўзини беш-ўн чоғли ҳарбий ва ички ишлар ходимлари ўша ердаги хоналарга олиб киришиб масҳаралашиб, муслима аёлларни иззат-нафсониятини топталашмоқда экан.

Қонҳўр Каримов режимининг бу қаланғи-қасанғи югурдакларини оз бўлса-да ўз шаҳсий фикрлари бўлганда эди, унда булар қилаётган ишларининг қанчалик дахшатли эканини англашган бўлишар эди. Чунки булар, мусулмонларга Аллоҳ томонидан фарз қилинган амаллардан тўсишиб, кимга қарши чиқишмоқда?! Бутун борлиқни яратган  Аллоҳ Таологами?! 

Ваҳоланки,  Буюк Аллоҳга душманлик қилганларнинг қанчалари ҳор, шарманда ва жирканчли якун топганликларини наҳотки эсламасалар, ўйламасалар! Наҳотки улар Аллоҳ томонидан барча учун бу ҳаётдаги белгилаб берилган муддатни тугамайди деб ҳисоблашаётган бўлса?  Ҳа, Аллоҳ ушлаганда, жуда қаттиқ ушлайди, лекин ундан кейинги пушаймонлигу афсус-надоматлар эса, ўзларининг зиёнига. Шунинг учун вақт борлигида, Аллоҳга тавба қилиб олсинлар ва амалларини шунга яраша ўнгласинлар, акс-холда вақт ўтиб, кеч бўлади. 

Салоҳиддинов Али