Ўзлигингизни тўғри англанг
Ўзлигингизни тўғри англанг
بِسْمِ اللهِ الرَّحْمٰنِ الرَّحِيم
Ўзлигини унутиш… Бу қанчалар даҳшат эканини англаш учун ўзингизни бугунги ҳаётингизга енгил назар солишингизни ўзи кифоя қилади. Бугун сиз тобора ботқоққа ботиб боряпсизу, қутқариш учун узатилган қўлни нафрат билан рад қилиб, ботқоққа ботишда давом этяпсиз. Тобора хорлик ва тубанликка интилиб, азизликдан қочмоқдасиз. Хорликдан бахт изламоқдасиз. Бу муболаға эмас, қанчалар ачинарли бўлмасин айни ҳақиқат.
Агар сўзларимиздан шубҳа қилсангиз ҳаётингизга назар солинг. Нимани кўрдингиз? Ўзлигингизни намоён қилувчи бирорта амалингизни кўрдингизми? Албатта кўрмадингиз. Чунки ўзлигингизни англаш учун уни нима эканлигини билишингиз керак, сиз эса билмайсиз, аниқроғи унутгансиз. Ҳамма бало шунда. Шунинг учун сизнинг бугунги аҳволингизни ҳақиқий воқесини кўрсатиб, ўзлигингизни унутишингиз сабабларини бирма-бир кўрсатамиз. Бу сизга ёқадими йўқми, биз Пайғамбар с.а.в.нинг: “Мўмин мўминнинг ойнасидир. Мўмин мўминнинг биродаридир. У биродарига зиён келтирадиган йўлларни тўсади ва уни орқасидан ҳимоя қилади”. (Абу Довуд ривояти) деган ҳадисларига амал қилган ҳолда бу ишга жазм қилдик.
Ўзлигингизни унутишингиз, борлиқнинг Яратувчиси бўлган Аллоҳ азизлигингиз учун нозил қилган Исломни ҳаётингиздан узоқлаштириб, ожиз инсоннинг ноқис ақлидан келиб чиққан ботил демократияни ҳаётингизга киритишингиз ортидан юз берди. Сиз бу ботил ақидани ҳаётингизга қандай кириб келиб, зеҳнингизни эгаллаб олганини англамай ҳам қолдингиз. Чунки уни зеҳнингизга киришига йўл қўймайдиган қўрғонни ўз лоқайдлигингиз туфайли яксон қилган эдингиз. Натижада, ҳаёт ҳақидаги тушунчаларингиз, ўлчовларингиз ва дунёқарашингизга бу ботил ақидани асос қилишни бошладингиз. Қалбингизга ваҳнни жойловчи мол-дунё кетидан ҳаллослаб чопишга тушдингиз. Кўзларингиз манфаатдан бошқа нарсани кўрмаган ҳолда қалбингиз тобора қорайиб бормоқда. Буларнинг ортидан ботил ақида зеҳнингизга янада чуқурроқ ўрнашиб, тўлиқ измига тушириб, сизни азизликка олиб чиқувчи Исломни тобора зеҳнингиздан ўчирмоқда.
Оқибатда, сиз мусулмонликни даъво қилган ҳолингизда Исломни ҳуддики хаёлий фалсафадек тушуна бошладингиз. Зеҳнингизни эгаллаган ботил ақида динни ҳаётдан ажртишни талаб қилганида бажонидил рози бўлдингиз. Исломий аҳкомларни ёмон кўрсатиши ортидан улардан жон-жаҳдингиз билан узоқлашдингиз, мусулмонларни диний-дунёвий одамларга ажратиш орқали бирлигига путур етказиш талабига бўйсундингиз. Хорликни бахт деди, кўндингиз. Рибо, фаҳш, қимор, ёлғончилик ва товламачилик билан мол-дунё орттиришга чақирганда эргашдингиз. Натижада, сиз фаҳш ботқоғига ботган, ҳаромдан тап тортмайдиган, худбин ва иккиюзламачи одамга айландингиз. Бу сизнинг ойнадаги аксингиз.
Агар қалбингизни оғритган бўлсак, биздан хафа бўлманг. Зеро, юзи қийшиқ одам ойнадан ўпкаламайди. Яхшиси зеҳнингизни саратон касаллиги каби тобора эгаллаб бораётган демократиянинг ботил ақидасидан қутулишга ҳаракат қилинг. Биз сизга буни энг тўғри йўлини кўрсатамиз. Бу Ислом. Қачонки Исломни ҳаётингизга қайтарсангиз, унга зеҳнингизни очсангиз демократиянинг ботил ақидасидан қутулиб, аслий ўзлигингизга қайтасиз. Акс ҳолда ойнадан ўпкаламанг.
Ҳизб ут-Таҳрирнинг Ўзбекистондаги медиа офиси. Салоҳиддин
04.12.2019й
