Роя газетаси:

Америка армиясининг Африкада терроризм хавфини бартараф этишга оид беш йиллик режаси

Маркази Штутгарт-Германия шаҳрида жойлашган Американинг Африка Қитъасидаги қуролли кучлар қўмондонлиги AFRICOMнинг маълум қилишича, айни қўмондонлик келаси беш йил давомида «Қора қитъа»да терроризм таҳдидини бартараф этишга оид режа қабул қилди. Бу режанинг бошида 3500 нафар жангарини ташкил қилади дея кўрилган ИШИД ташкилотининг Ливияда кучайишига ҳамда Сомали каби Африка давлатларида Боко Ҳаром ва Шабоб ҳаракатини кучайишига қарши курашиш туради. Режада Америка кучларини юбориш ҳақида айтилмаган, балки Африка Иттифоқи билан айни муаммога қарши курашишга оид режалар мавжудлиги очиқланган, холос.

AFRICOM электрон сайтида чиқарилган қисқача баёнотда бундай дейилган: Биринчи миссия «Сомалидаги террористик ҳаракатни кучсизлантириш ва айни миссияни Африка Иттифоқидан Сомали ҳукумати зиммасига кўчириш» учун беш йиллик ҳаракат олиб боришдан иборат. Иккинчи миссия эса «Ливиядаги муваффақиятсиз давлатнинг мавжудлиги ҳамда у ердаги беқарорликни бартараф этишга қаттиқ ҳаракат қилиш»дан иборат. Учинчи ва тўртинчи миссиялар «Африка ғарбидаги Боко Ҳаром жамоасига қарши курашиш» ва «унинг Гвинея Кўрфази ва Марказий Африкадаги ноқонуний фаолиятига чек қўйиш»дан иборат.

Америка қўмондонлиги бешинчи миссияни ҳам ишлаб чиққан. Унда «Айни қитъада тинчликни сақлаш ва бўҳронларга қарши курашишда ҳамкор давлатлар қувватини ошириш» айтилган. Бу саъй-ҳаракатлар AFRICOMга йирик база сифатида мезбонлик қилувчи Жибутидан бошқариб турилади.

AFRICOM чиқарган баёнотда Ливиядаги ИШИД жангарилари билан Нигериядаги Боко Ҳаром аъзоларининг бир неча йиллар давомида Сурия ва Ироқдаги экстремистлар билан алоқа қилиб келишгани айтилган ҳамда Боко Ҳаромнинг Нигерия, Чад, Камерун, Нигердаги ҳаракатлари бартараф этилиши таъкидланган. Ливиядаги вазият ҳақида эса AFRICOM баёноти у ердаги заиф ҳукумат ИШИДни тинч бошпана билан таъминлаётгани, бу муаммо фақат Ливиядагина мавжуд бўлмай, балки ИШИД ташкилоти Ливияда ҳам ҳужумлар содир этиб, ажнабийлардан кўнгиллилар тўплаганини очиқлади. AFRICOM баёнотига кўра, унинг Ливиядаги мақсади, «ИШИДни сиқувга олиб, унинг ҳарбий қудратини йўқ қилиш»дан иборат (Ҳаёт рўзномаси).

Роя газетаси шарҳи:

Маълумки, улар айтаётган терроризм масаласи Ғарб давлатлари учун Ислом ва мусулмонларга қарши урушда қуролга айланган. Бироқ Ғарб давлатлари бу билангина кифояланмай, терроризм масаласидан бошқа давлатларнинг ички ишларига аралашишда ва бир-бирлари билан курашишда ҳам баҳона сифатида фойдаланишмоқда. Юқоридаги хабарлар мазмунини ҳам шу асосда тушуна олишимиз мумкин. Масалан, Шимолий Африкада ҳам, Марказий ва Ғарбий Африка давлатларида ҳам Америка билан Франция ўртасида кураш кетмоқда. Америка Ливияда Исломий Давлат ташкилоти борлигини, Нигерия, Нигер, Камерун ва бошқа Африка давлатларида Боко Ҳаром жамоаси борлигини, Сомалида Шабоб ҳаракати мавжудлигини баҳона қилиб келади. Унинг мақсади, шу давлатларни ўз нуфузига киритиб, у ерлардан Европа нуфузини чиқариб ташлашдир. Америка президенти Барак Обама ўтган йили Кения ва Эфиопияга сафар қилиб, иккала давлатда ҳам Африканинг «терроризм хавфига юз тутаётган»и тўғрисида гапирди. Бу эса Американинг «терроризм хавфи»дан айни давлатлар ишларига аралашишда дастак сифатида фойдаланишига далолат қилади. Шуни эслатиш лозимки, аллақачон Америка Кения ва Эфиопия соҳилларига ўз ҳарбий базаларини ўрнатиб олган ҳамда Кенияни «терроризм»га қарши курашда маблағ билан таъминлайди. Шунинг учун Америка билан Европа ўртасидаги мавжуд кураш Африка масаласида янада таранглашаётгани эҳтимолдан холи эмас.

Роя газетасининг 2016 йил 13 январ чоршанба кунги 60-сонидан

0

0

Related posts:

Балки, улар – биз ғолиб жамоатмиз, дейишар, яқинда ўша жамоат енгилиб, ортларига қараб қочиб қолурлар! Америка президенти: Эрон билан дипломатик алоқаларнинг узилиши Қўшма Штатлар фойдасига хизмат қилмаган Ницца амалиёти: унинг кўлами ва оқибатлари Сисий: мен юрт ташқарисидан эмас ичкарисидан чўчияпман